時政擂台今日: 0|主題: 60287

收藏本版

發帖

返回列表

跳至頁

查看: 2682 | 回覆: 76

(Share) 睇完之後你有冇覺得呢D其實就係一個典型港孩既寫照

[複製鏈接]

12 3 4

BEACHLADY

子爵府

積分: 12278

認識瑞士牛牛第一回

1^#

發表於 12-3-27 18:43 |只看該作者 |倒序瀏覽 |打印

Celia Chau 寫於 2012年3月27日 12:44

諗住7.1出黎抗議既(7/8/90後)朋友，我同我先生懇求用你地既良心同耐性睇一睇下文(係有點長)：（23條尋日已講唔重覆）

1．回歸15年，誰在香港最冇言論自由？係中央，佢打個吃嚏都比港人鬥爆叫佢收皮... 有人話，中聯辦就快連行出街都比人告遊蕩罪。

2．雙非嬰 - 呢個漏洞係香港自己一手造成。中央曾話過父母無居港權係香港生既B都一樣無，係港府/法院自己死執住莊豐源案話有，先搞到今日田地。衰D講，蝗蟲災難唔係中央指使入侵，係港人自己傻仔打開後門叫人入黎。

3．中央當年應承左2012年普選，係何俊仁帶頭做枱底交易話要2017。點解？特首選舉已比晒答案你。

4．邊個逞英雄幫賓賓搞居港權？係公民黨。但雙非嬰問題上呢班政棍有好似幫賓賓咁落力實質做D野幫港人同政府爭取過咩？而阻撓實行最低工資最賣力係邊個？係地產黨既立會代言人。

5．點解咁抗拒梁振英做特首呢？唔係口口聲聲成日話政府弱勢對住班有錢佬冇符咩？依家終於有個唔賣有錢佬賬既強人出現，你地又唔要.... 究竟想點？

6．幾年前東江乾涸，廣東省人勒緊褲頭捱制水，中央都唔肯減少一滴供水比香港；你地諗住抗議班人當年有幾多個自動節約用水同國家共渡時艱？

7．香港有冇犧生小我完成大我既精神去配合國家既鐵路發展？當全國省市已積極配合動工甚至通車時，菜田村仲係度為雞蒜咁大塊地拗餐懵。中央有哼過你地一句嗎？

8．自由行係邊個要求的？係港人，因為沙士後百業蕭條，要靠大陸泵水。亦係港人要求CEPA攞著數的。

9．港府自己犯賤死撐自駕遊，港人大力反對下，中央即刻妥協話大陸D車唔落黎但香港D車可上去。你估大陸城市塞車唔嚴重咩？

10．今次選舉爛攤子，邊個出黎執手尾？仲要執完仲要比你地鬧干預。我想問下希望流選既人，有冇仔細諗過流選後邊個先最適合做特首？同埋香港已經咁分化，你有信心7.1交接前大家可以有共識？

呢15年來，中央對港人做過咩衰野，要如此不共戴天處處撐到行？佢殺左你全家？佢盡力比最大利益錫住你，你又為佢做過D嘜？我寫完自己都覺慚愧，中央好委屈。佢做野比人鬧干預，唔做比人鬧唔撐... 香港小市民, 共產黨從無係你手上榨取過一分一毫，搾乾你地既係班地產黨賣港賊同貪曾政權。中央比既所有利益佢地蠶食晒，但就中下階層付出代價。民怨沸騰時就擺中央上枱話佢會出坦克鎮壓市民；你地係咪仲做無恥之徒既棋子行出去反梁振英？點解班土豪咁怕佢？因為梁生要佢地嘔番比我地呀！土豪最叻用普遍人怕中共心理想將佢拉落馬，你仲要中佢地計？香港而家係需要分化，定齊心？請用良知去做正確選擇。多多得罪了！（資料有誤請指出及包函）