吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› B瘦了C6叫我餵奶粉，我哭了

母乳餵哺今日: 0|主題: 85706

收藏本版

回覆發帖

返回列表

跳至頁

查看: 1244 | 回覆: 22

B瘦了C6叫我餵奶粉，我哭了 [複製鏈接]

angelaccf

大宅

積分: 1502

1^#

發表於 12-7-19 10:32 |只看該作者 |倒序瀏覽 |打印

BB食而家7個半已經食咗固體2個月，佢6個月時生長缐底過3%姑姑話食糊仔後不用減一餐奶，2、3星期後明顯見到BB面仔漲咗同抱超時重咗，上個月因BB濕疹無改善𨍭睇另一個醫生叫BB唔好食糊仔改食粥而我亦開始超級戒口。但最近開始見BB明顯又瘦番，尋晚C6話BB瘦咗因為唔夠營養，我問會唔會因為食粥無食糊仔，因為糊仔營養價值高過粥，C6就話轉食奶粉就得啦，我呆咗，我話奶粉無人奶營養咁好，C6話誰說奶粉無營養，我問佢以前唔係一齊聽過好多母乳講座咩，之後佢話我想點就點，又話係我至會聽哂醫生嘅說話要BB食粥唔食糊仔。我之後零晨泵奶時終於忍唔住哭了，C6以前都有叫過我餵奶粉但都係話見我辛苦同驚我擔心自己窮奶而過份緊張，但今次我好失望同覺得無幫，我一直以為C6係支持我，但原來佢同6299或我身邊其他人一樣認為係我餵人奶BB至瘦。究竟係咪真係我今BB唔長肉？係我堅持餵人奶？係我誤信醫生要BB唔食糊仔改食粥而今BB再瘦番？無錯BB轉醫生後濕疹有改善但同時係食抗生素同不定咁擦稀釋咗嘅類固醇不過仍未完全好番。我真係唔知點做，又怕BB一直再瘦落去又怕濕疹嚴重番，C6已經話唔理，而家又有邊個可以同我商量？？

0 0 0

私人傳訊回覆引用

CCelia

大宅

積分: 3773

2^#

發表於 12-7-19 10:39 |只看該作者

回覆：B瘦了C6叫我餵奶粉，我哭了

你先生都係擔心你同個B，唔好俾太大壓力自己，我阿仔都轉食粥仔了，粥仔的養份的確不夠米糊多，所以會加其他嘢，如紅蘿蔔，豬肉，牛肉，蛋黃等，等佢補充其他養份，或食用每餐補二安人奶俾佢，人奶是最好的，加油呀！

私人傳訊回覆引用

CCelia

大宅

積分: 3773

3^#

發表於 12-7-19 10:39 |只看該作者

回覆：B瘦了C6叫我餵奶粉，我哭了

私人傳訊回覆引用

joeylaw17

大宅

積分: 4141

4^#

發表於 12-7-19 10:49 |只看該作者

唔好俾自己甘大壓力...你現在仲有餵人奶啊..你很叻啊..我兩個月左右就沒奶啦...人奶6個月內營養是最多既...之後雖然會減..但我都覺得好過的奶粉..唔知添加左什麼在裹面..新聞時有所聞...唉..老人家有時講吓而已..唔好擺上心...自己唔開心奶水都會減少既...如煲粥加的廋肉等會好味的...我兩個仔由細到現在都是吃粥大既...

私人傳訊回覆引用

pcshan

大宅

積分: 3733

5^#

發表於 12-7-19 13:08 |只看該作者

唔使喊, 我之前囡囡都係咁瘦左, c6又係話人奶唔夠, 我打佢問母乳姑娘, 姑娘都話唔關事!

其實唔好食咁多糊仔, 因為糊仔應該係過渡期的食物, 由液體轉固體, 如果佢肯食, 就食粥, 加菜, 薯仔, 蕃薯, 肉, 蛋等等, 當然要砌碎, 程度要視乎你個b出牙進度而定,
有個朋友佢俾糊仔個仔食, 但又無同佢轉粥, 搞到後來佢唔食粥只食糊仔, bb展佢d糊仔係一箱一箱咁買, 其實唔好架....

佢瘦, 可能加埋依家天氣熱, 你24小時開冷氣俾佢? 如果唔係咁熱法, 流汗都流唔少啦!

私人傳訊回覆引用

CCelia

大宅

積分: 3773

6^#

發表於 12-7-19 13:14 |只看該作者

引用：唔使喊,+我之前囡囡都係咁瘦左,+c6又係話人

原帖由 pcshan 於 12-07-19 發表
唔使喊, 我之前囡囡都係咁瘦左, c6又係話人奶唔夠, 我打佢問母乳姑娘, 姑娘都話唔關事!

其實唔好食咁多糊 ...

同意，最終佢都要食粥，食飯，糊仔只係過渡期，比心機呀，你B一定知嫁！

私人傳訊回覆引用

pcshan

大宅

積分: 3733

7^#

發表於 12-7-19 13:40 |只看該作者

係呀, 粥一定唔夠, 你要加各類瓜菜肉, 每種要連續食兩三日睇睇有咩反應, 慢慢啦!

唔記得問, 你bb開始爬未? 如果爬就會開始瘦架啦>>另一致瘦原因...

私人傳訊回覆引用

wing12

大宅

積分: 1145

8^#

發表於 12-7-19 13:45 |只看該作者

回覆：angelaccf 的帖子

妳可以一餐粥一餐糊仔先，仲有增磅未理想前唔好減奶，粥加多D料已確保夠營養，我通常都有肉有菜，煮杰D，也可加薯仔，糊仔也可加不同的水果及菜

私人傳訊回覆引用

annysbee

大宅

積分: 1473

9^#

發表於 12-7-19 14:07 |只看該作者

樓主唔好喊啦, 男人係唔會明白媽媽(由其是奶媽)既心情架喇~

我都經歷過呀, 我囡又係7個半月, 又係飲人奶(我係窮媽, 有時要偷雞補奶粉^^), 又係有濕疹, 家下又係食緊粥仔呀, 佢既生長線仲跌左2級呀, 每次返健康院都跌一級, 我當初都懷疑過係咪自己d奶有問題架, 不過...諗返講坐講既野, 就對自己奶多返d信心喇~

bb飲奶粉緊係肥啦, 奶粉甜既, 當中糖份就自己諗啦, 奶粉&米糊粉既所有營養都係化學得黎既添加野, 自己有天然人奶, 有時間煲粥磨糊就緊係靠自己啦, 你咁解釋比你c6知吖, 一係叫佢唔好食野, 淨食維他命丸, 差唔多啫

你都加油啦~~

**我囡濕疹都好勁, but未洗食藥住, 搽左醫生開既類固醇5日都未見效, 有朋友介紹我去藥房買 "英之寶濕疹膏"..你都可以試下, but 藥房話都有類固醇成份架, 不過我囡搽左2次就見效~

私人傳訊回覆引用

kwokbao

男爵府

積分: 5976

畀面勳章

10^#

發表於 12-7-19 14:20 |只看該作者

係呀~ 應該係固體方面諗辦法, 唔係返轉頭食奶粉.
可以加多D瓜菜魚肉類落粥仔度, 我有時餸仲多過粥架.
又可以煲蕃茄薯仔魚湯, 有營養又好味, 我仔超喜歡.
加油呀! 唔好唔開心~

私人傳訊回覆引用

COPYLADY

大宅

積分: 4588

認識瑞士牛牛第一回

11^#

發表於 12-7-19 14:59 |只看該作者

其實你有無吃下朱古力啊?!有朋友同我講几好架,吃咗自己開心,BB都長磅,減低產后抑鬱架!我有吃架,加上埋身餵,BB就快7個月,都几大隻下,一日吃一餐米糊!

私人傳訊回覆引用

kiuchi314

大宅

積分: 1889

12^#

發表於 12-7-19 16:35 |只看該作者

同你情況有d似. 我阿b 6個月, 生長線3%以下. 前兩日仲要去見營養師. 我99就話要轉食奶粉. 又話我唔食飯, 又話我d奶臭. 我真係有喊!

你諗下, 一個人病都會瘦, 加埋你阿b又真係食少左, 會瘦係意料之內, 根本無證據證明係人奶令阿b瘦. 仲有, 你都話之前食糊仔肥左. 點樣睇, 改變ge係食糊仔前後明顯左. 又點可以將所有衰野懶落d人奶度?

我而家繼續人奶. 不過阿b食4餐奶, 我得2餐, 差太多無奈都要補奶粉. 我唔會連果2餐人奶都放棄. 我而家仲係心情唔好緊, 但係如果我地放棄, 阿b就無得揀要去食奶粉. 同埋人奶對濕疹b好. 更加唔好灰.

我99果時話叫我轉奶粉. 我62大聲話唔好再泵, 我就仲大聲咁講: 得! 食囉! 但係我一個仙都唔會比錢買奶粉! 因為我有奶! 之後佢地無出聲.

私人傳訊回覆引用

nissabebe

別墅

積分: 509

13^#

發表於 12-7-19 17:01 |只看該作者

引用:樓主唔好喊啦, 男人係唔會明白媽媽(由其是

原帖由 annysbee 於 12-07-19 發表
樓主唔好喊啦, 男人係唔會明白媽媽(由其是奶媽)既心情架喇~

我都經歷過呀, 我囡又係7個半月, 又係飲人奶( ...

係囉啲死佬唔知餵奶辛苦㗎
我99成日陰滋滋話我啲奶無營養，餵到b咁瘦我就好自豪咁話，人奶b係生肌肉，阿仔啲肉好實㗎，唔似啲奶粉B咁！啲肉鬆powpow

私人傳訊回覆引用

Bearvv

大宅

積分: 3636

14^#

發表於 12-7-19 19:11 |只看該作者

回覆：nissabebe 的帖子

其實點解一定要肥喎?健康少病咪得咯。我個大囡嗰時因種種原因冇食人奶，一樣好瘦仲要由細病到大。今次細囝我全人奶就黎三個月，反而肥肥白白。BB慢慢大咗係會變痩D架，唔好放棄啊!!

私人傳訊回覆引用

charlotterabbit

男爵府

積分: 5251

熱血金章畀面勳章

15^#

發表於 12-7-19 20:13 |只看該作者

回覆：B瘦了C6叫我餵奶粉，我哭了

其實bb唔夠重根本唔關人奶定奶粉事，係關個人吸收同活動量事，就算轉奶粉都係一野，但係你想餵返人奶就返唔到轉頭，我bb都係瘦b, 都而家就黎半歲，一直都係25線，姑娘都話無問題，而且佢個人無時停，成日爬黎爬去，消耗得多好正常，我bb都有濕疹架，我用人奶同佢沖涼再加搽藥膏，已經改善左好多，個身無晒，淨返面仔有少少。我99的說話比你99的更難聽，但我無理佢，繼續做我認為對bb最好的事。我屋企一罐奶粉都未買過，餵人奶係辛苦，我仲要係全泵working mom, 日日咩住成副架撐返工都咪話唔辛苦，但係諗深一層，辛苦少少換來呀b的健康之餘，仲可以慳奶粉錢，睇醫生錢添！慶幸的是我得到c6的支持，你試下同c6傾下啦，邊個的說話都可以唔理，c6的支持先係最重要架。總之唔好咁易放棄人奶呀！你有得餵係好幸運架！