自由講場今日: 1240|主題: 1352181

收藏本版

發帖

返回列表

跳至頁

查看: 837 | 回覆: 14

欣宜擺歌上網晒料　華納吼實出碟在望 [複製鏈接]

yatjeh

子爵府

積分: 11547

1^#

發表於 05-12-19 09:50 |只看該作者

欣宜擺歌上網晒料　華納吼實出碟在望

放上網有鋪癮

沈殿霞愛女鄭欣宜早前扮白雪公主演出，結果惹來網友惡意抨擊。不過欣宜對自己的歌唱才華仍信心十足，更將自己灌錄的新歌放在網上任人免費下載試聽，以實力反擊惡意抨擊她的網友。而音樂人側田、資深 DJ 周國豐及華納董事總經理陳志光聽過欣宜的作品後，均讚不絕口，陳志光更聲言有意簽她當歌手。

從小已對唱歌跳舞有濃厚興趣的欣宜，繼早前為張玉珊修身堂唱廣告歌《起飛》後，近日又以 JCi 之名與男友林寶麟 Terence 合作組成 Teemuhae&JCi ，當中 Teemuhae 是林寶麟的化名， JCi 則為欣宜英文名 Joyce Cheng 簡寫。近日欣宜在網上發表二人創作的《 Adrenaline 》、《 Aint Coming Back 》和《 Irresistible 2005 》，三首分具 hip hop 及 R&B 風格的歌均由欣宜主唱、林寶麟作曲、演奏及 rap 。

側田欣賞
「應返港發展」
在歌手自我介紹一欄中，欣宜放了一張自己的超低胸照片，並自稱是 hip hop 及 R&B 歌手，又指 Teemuhae 對其音樂影響最深遠，而 Destiny''s Child 、瑪麗嘉兒（ Mariah Carey ）和 David Tao （陶）同樣對她的音樂路向有一定影響。
對於欣宜將自己演唱的歌曲放上網任人下載，其父鄭少秋昨日在電話中說：「我唔知。」而他試聽歌曲後即說：「旋律好輕快，音域好廣，欣宜咬字都好清晰。佢唱中英文歌都好聽，遺傳我音樂細胞。」問秋官可贊成欣宜做網絡歌手，他說：「佢做乜我都會支持佢，最緊要佢開心，呢又冇害人，等我得閒都下載聽。」
記者昨日邀請了本港多位音樂人試聽欣宜的新歌，眾人不約而同大讚欣宜唱功不俗。曾擔任唱片監製及作曲人的熱爆新人側田，昨日聽過欣宜所唱的三首歌後，大讚欣宜有才華，他說：「如果一百分為滿分，我就畀八十五分，個幕後製作做得好好，好有才華，欣宜唱得都好好，歌好西化，咬字又好正宗，好有地道感覺，好有靈魂。唯一我覺得係唱腔『惹火』（ wild ）味道重未夠，如果再爆一爆就更加好。我覺得佢應該返香港發展，我好想聽佢唱廣東歌。」

而現職華納董事總經理的陳志光在電話中說：「佢把聲幾有質感，聲底、音準唔錯，但太掛住咬字而影響到唱歌 feeling ，演繹感情唔係控制得特別好，佢可以再去得盡，暫時都未有性格出到，但有空間進步。以普通女仔講，十分滿分話佢有八分，唔錯，因為唔知有幾多音效，唔知後期做幾多，如果佢係唱 live 話，有十分。」

高層滿意
「我都好有興趣簽」
陳志光又說：「佢 live 表演都有咁好話，我都好有興趣簽呀，佢有角度都幾靚，佢爹媽咪做呢行，令佢天生有表演慾，佢企出已經好有自信。」
而港台 DJ 周國豐說：「三首都係 hip hop ，可能欣宜從小外國長大，受到西方音樂影響，佢節奏感幾好。以新人講，佢已經 up to standard ，唔會令人覺得佢玩玩。」
欣宜歌曲網址 http://www.soundclick.com/bands/pagemusic.cfm?bandID=284911