吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 天水圍德怡國際

香港18區媽媽會今日: 0|主題: 156970

收藏本版

發帖

返回列表

跳至頁

查看: 4928 | 回覆: 53

[元朗區] 天水圍德怡國際 [複製鏈接]

12 3

heffalumpiglet

水晶宮

積分: 63609

玩具勳章畀面勳章大廚勳章 BK猜猜猜慶中秋 BK Milk勳章 hashtag影視迷勳章

1^#

發表於 11-11-16 17:57 |只看該作者 |倒序瀏覽 |打印

好激氣囉！
:;pppp:

亞仔22/10去德怡面試，跟住話３星期會有結果，到昨天仍未收到信，又怕過咗交留位費日期唯有昨天打去問。今天有個叫黃主任(女)回覆，要求我帶兒子再返學校面試，我問點解？
黃主任回應：「當日我兒子面試時，對答比較少，希望可以比多一次機會我小朋友。」
我回應：「當日有一個男外籍老師及一個女本地老師跟我兒子面試，全程面試祇有個男外籍老師問我問題，無問過我兒子任何問題，點解話佢答得少？」
黃主任回應：「我見面試報告咁寫，所以要求再面試一次，比多一次機會妳兒子，要知道佢可唔可以讀出年三歲班？」
我回應：「我再問問黃主任是否原本已編了我兒子讀下午班？如果我兒子再面試是否都是下午班。」
黃主任回應：「係！」
我回應：「咁，我放棄再帶我兒子面試，１）因為我唔考慮兒子讀下午班，２）當日２位老師面試都無咩問我兒子嘢，祇係問我平時亞仔食咩？玩咩？最鍾意係咩？有無食物敏感？另一個女本地老師祇係同我個仔玩。」跟住個白痴黃主任就無端端「呵呵呵」咁大笑，仲回應．．．
黃主任回應：「如果係咁，我地都想比多一次機會妳小朋友，妳幾時再來？」
呢個主任隻耳係咪有問題，我都話放棄。
我強調回應：「我放棄個留，唔會再帶亞仔到德怡再進行第二次面試，無必要，因為我唔考慮。」
佢才肯收線。

0 0 1

未開花

成長中

初二開花

4個花蕾

私人傳訊

ballgii

別墅

積分: 502

2^#

發表於 11-11-16 19:52 |只看該作者

回覆：天水圍德怡國際

而家d面試已經唔多用答問方式，通常老師會從遊戲中觀察，講求小朋友自發性，創新，和小朋友嘅態度。我小兒當年1.5歲面試都係玩遊戲，老師一樣淨係講咗一句：我地一齊玩呢個玩具，我仔就攞起舊紅色四方形，自己講：square & red，然後放入方形hole入面，最後老師話玩完，佢自己tidy up d 玩具。我估老師會睇小朋友主唔主動，合唔合作等。反而我掛住望阿仔，答鬼婆問題答得好短。我只可以講，呢間學校令我對仔女有好多好嘅改變，我好放心。我大女今年考小一，可能對你嚟講太長遠，不過我有好深嘅感受，好想同你分享，就係小朋友唔積極主動，要人問一句才答一句，會好蝕底。我唔想你錯過一間好嘅學校，學到嘅係一生受用，唔單止淨係為面試。（講太多，不喜勿插）

私人傳訊

heffalumpiglet

水晶宮

積分: 63609

玩具勳章畀面勳章大廚勳章 BK猜猜猜慶中秋 BK Milk勳章 hashtag影視迷勳章

3^#

發表於 11-11-16 21:52 |只看該作者

天水圍德怡國際

ballgii媽咪：我原本都想亞仔入呢間，但今日個主任太令我討厭。面試當日個鬼佬同我講我個仔OK無問題，不過都要睇校務主任決定。因為有朋友話呢間幾好英文好好，不過算啦！

未開花

成長中

初二開花

4個花蕾

私人傳訊

Enoshma

男爵府

積分: 9845

4^#

發表於 11-11-16 22:23 |只看該作者

佢咁講即係仲有位啦.

私人傳訊

jcmama2010

大宅

積分: 1447

5^#

發表於 11-11-17 00:12 |只看該作者

回覆回覆:Enoshma的帖子

其實...係咪好易入架? 定好難入架? 我指N班, 因為我個囝未夠歲半...要幾個月後才面試.

私人傳訊

晴朗家家

男爵府

積分: 8044

6^#

發表於 11-11-17 00:19 |只看該作者

你話個女本地老師同你仔玩, 其實係咪佢有問到你小朋友問題你唔知呢?
不過算啦, 你都反正唔讀下午班, 都無必要再去既.
入到邊間有時都係緣份啫.
我個仔都係誤打誤撞入左呢間, 咁somehow又覺得幾好囉.

私人傳訊

leung-baby

男爵府

積分: 6654

好媽媽勳章畀面勳章

7^#

發表於 11-11-17 09:36 |只看該作者

heffalumpiglet 發表於 11-11-16 21:52
ballgii媽咪：我原本都想亞仔入呢間，但今日個主任太令我討厭。面試當日個鬼佬同我講我個仔OK無問題，不過 ...

其實間間學校都會比人話, 亦無老師係perfect. 我地細個讀書時D老師/校長態度仲差呀, 會勁鬧同打人添

呢間學校有N班, 校長一早已經話會優先接收原校N直上小朋友, 同埋會優先處理而家讀緊pm而想轉am小朋友(大部份學校都係咁), 所以放出街嘅可能只剩pm位. 如果你係因為pm而唔喜歡一間好學校, 咁真係no comment!

我小朋友而家讀緊N, 我都要多謝老師教導令佢短短返咗學2個幾月學到嘅野(知識/規矩/自理)令佢出去九龍可以考到一條龍K1, 仲係國際班.

因為一個老師一個電話對答就咁快卻步真係有D可惜. BTW, 黃主任係一個好nice嘅老師, 亦係全校笑得最大聲, 你唔識佢可能以為佢笑緊你囉

至於鬼佬老師同你講個番說話我覺得非常正路.

祝你搵到適合你嘅學枚.

私人傳訊

leung-baby

男爵府

積分: 6654

好媽媽勳章畀面勳章

8^#

發表於 11-11-17 09:47 |只看該作者

jcmama2010 發表於 11-11-17 00:12
其實...係咪好易入架? 定好難入架? 我指N班, 因為我個囝未夠歲半...要幾個月後才面試.

...

易入難入真係見人見智, (尤其喺天水圍區, 易入可能係因為學費問題姐), 最緊要適合你同小朋友. 呢個年代真係讀有N嘅幼稚園著數D呀, 一黎可以原校優先直上K1, 二黎你又可以試考其他心儀K1.

德怡係德寶教育機構辦, 有好多分校, 我相信佢地課程係一致, 唔會比其他九龍分校差. 尤其是你見呢間學校百幾二百人都可以做到成8-9個NETs, 又有內地普通話老師, 我覺得已經好好. 你睇吓今期明報"幼稚園選校攻略"就見到佢地廣告.

私人傳訊

Enoshma

男爵府

積分: 9845

9^#

發表於 11-11-17 11:14 |只看該作者

leung-baby 發表於 11-11-17 09:47
易入難入真係見人見智, (尤其喺天水圍區, 易入可能係因為學費問題姐), 最緊要適合你同小朋友. 呢個年代真係 ...

廣告有錢就賣得架啦...我反而覺得Ｄ學費唔多唔少都用係宣傳上，３千幾蚊值唔值得就見人見志啦.

私人傳訊

leung-baby

男爵府

積分: 6654

好媽媽勳章畀面勳章

10^#

發表於 11-11-17 11:37 |只看該作者

咁廣告又唔係成日賣嘅....而且好多有學卷學校都有賣廣告架

私人傳訊

菲比108

伯爵府

積分: 17805

11^#

發表於 11-11-17 15:20 |只看該作者

我大女都讀左4年, 而家讀梗uka, 由pg班開始到而家, 個女讀左咁耐, 無論學術品行喺哩間學校都學得好好.

如果樓主因為一個咁小誤會而放棄任何機會, 實在太可惜, 讀左咁耐, 都有不少其他學校學生插班, 就連有某天水圍區出名嘅學校老師轉左黎德怡任教....

其實我當初唔係選擇德怡, 而係選擇有學卷嘅幼稚園, 但誤打誤撞就入左德怡, 之後仲一路比老公埋怨點解要讀一間要交學費嘅幼稚園...但係日子耐左, 而且仲同朋友個女比較過, (原先係讀朋友個女果間幼稚園), 結果我冇選擇錯誤, 黎梗細女都會讀埋德怡喇...

講真間學校好有heart, 尤其係當要考小學時, 學校真係好出心出力, 又會幫學生做mock in, 會有哂好多tips比家長, 又會幫小學得waiting 嘅學生主動出信比有關小學校長, 叫校長考慮......

我唔係想hard sell, 但係我個女讀左4年..係有所得著架, 而家我女已經考到一間心儀值資小學添呀!