吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 救我！！！

母乳餵哺今日: 0|主題: 85708

收藏本版

回覆發帖

返回列表

跳至頁

查看: 921 | 回覆: 24

救我！！！ [複製鏈接]

Rabbitwong-1987

大宅

積分: 4457

1^#

發表於 12-6-3 01:00 |只看該作者 |倒序瀏覽 |打印

BB二十日人仔啦，我都未有谷奶感覺，已經勁食白飯同飲黑豆茶，但都系咁。仔仔一路都唔肯埋身，由醫院番黎一路都食奶粉，間中一日pump到一兩安俾佢。
咧兩日肯埋身一兩次，但我知冇乜奶，見佢系咁啜，啜到嘴仔兩邊都紅曬，好心痛。之後補奶粉又可以補到四安，本身已經食四安，咁即系埋身冇食過！更加心痛！！

之後仲嘔奶，奶奶就話系埋身嗰陣因為我冇乜奶搞到食曬啲風落肚，入房即時喊咗

好想知我系咩問題唔谷奶阿！埋身成個鍾仔仔都喊，要補奶粉！已經開始兩個鍾pump一次，未有效住。奶奶話我冇奶，仔仔肚餓直接俾奶粉。

我應該點阿？屋企冇人幫到我，奶奶有時仲打擊我，好想放棄阿！

究竟pump奶個喇叭要cover到邊個位先啱？我有小小懷疑個喇叭唔啱所以先pump唔到奶！會唔會仔仔啜得唔啱？
定直接去健康院揾人奶姑娘？洗唔洗預約？

0 0 0

私人傳訊回覆引用

Bthome

禁止訪問

積分: 971

2^#

發表於 12-6-3 01:48 |只看該作者

回覆：救我！！！

提示: 作者被禁止或刪除內容自動屏蔽

私人傳訊回覆引用

Catherinebyorn

大宅

積分: 3664

畀面勳章

3^#

發表於 12-6-3 01:53 |只看該作者

引用：BB二十日人仔啦，我都未有谷奶感覺，已經勁

原帖由 Rabbitwong-1987 於 12-06-03 發表
BB二十日人仔啦，我都未有谷奶感覺，已經勁食白飯同飲黑豆茶，但都系咁。仔仔一路都唔肯埋身，由醫院番黎一 ...

廿幾日人仔無咁快谷，我都成個月後先谷。我建議你唔好補粉，比BB啜多啲，身體自己做多啲奶。

私人傳訊回覆引用

Rabbitwong-1987

大宅

積分: 4457

4^#

發表於 12-6-3 01:56 |只看該作者

回覆：Bthome 的帖子

好！咁其實健康院多唔多人？我住粉嶺。

私人傳訊回覆引用

wanmaggie

複式洋房

積分: 407

5^#

發表於 12-6-3 01:56 |只看該作者

你可以試下㷛木瓜魚湯時加埋一隻叫「王不留行」嘅中藥，我坐月時陪月姐姐煲比我飲，飲咗三幾日就上奶，但份量我唔清楚，你可以去藥材舖買嘅時候問下。

我都係屬於難bump奶，去香港母乳協會網站可以學到多D，我都係喺嗰度睇到D分享，之後試下又真係出奶順D⋯方法：bump奶前先洗個熱水浴或先用熱毛巾傅乳房，再用拇指同食指揑住乳頭輕輕向前拉大概10下，直到睇到有少少奶冒出，如果冇重復向前拉乳頭嘅動作，對我黎講係有幫助。

我建議你同時去健康院搵姑娘教下你，我試過見姑娘2次，非常有用，因為一對一可以直接搵出你嘅問題，有時姿勢都好緊要，但我2次都係做檢查時間順便見姑娘，唔知洗唔洗預約，最好打電話問下先。

仲有就係人哋講嘅野唔好放係心，我都有試過比長輩打擊，只要對BB好你又覺得啱就堅持落去，咪鬼理其他人，你係BB媽咪，其他人只係嚟幫你，最終決定權喺你手！

唔好灰心，慢慢嚟，唔好比太大壓力自己，你已經好努力2個鐘bump 一次好叻架啦，要知道你同BB都要D時間學習同適應，加油啦！

私人傳訊回覆引用

Rabbitwong-1987

大宅

積分: 4457

6^#

發表於 12-6-3 01:58 |只看該作者

回覆：Catherinebyorn 的帖子

今日埋身足足一個鐘都喊阿，奶奶突然開門衝入黎，一手抱走BB，之後喂奶粉！

私人傳訊回覆引用

Rabbitwong-1987

大宅

積分: 4457

7^#

發表於 12-6-3 02:02 |只看該作者

回覆：wanmaggie 的帖子

我會試下你嘅方法先！多謝曬！

私人傳訊回覆引用

Catherinebyorn

大宅

積分: 3664

畀面勳章

8^#

發表於 12-6-3 02:03 |只看該作者

引用：今日埋身足足一個鐘都喊阿，奶奶突然開門衝

原帖由 Rabbitwong-1987 於 12-06-03 發表
今日埋身足足一個鐘都喊阿，奶奶突然開門衝入黎，一手抱走BB，之後喂奶粉！

...

有時BB喊未必係肚餓架，尤其係初生BB.

私人傳訊回覆引用

cming8877

大宅

積分: 1001

9^#

發表於 12-6-3 02:04 |只看該作者

救我！！！

你快'快去健康院啦! 唔好拖啦!

私人傳訊回覆引用

Rabbitwong-1987

大宅

積分: 4457

10^#

發表於 12-6-3 02:07 |只看該作者

回覆：Catherinebyorn 的帖子

但口mak mak，好似揾嘢食咁，之後補四安奶粉啊！勁灰！

私人傳訊回覆引用

Rabbitwong-1987

大宅

積分: 4457

11^#

發表於 12-6-3 02:08 |只看該作者

回覆：cming8877 的帖子

禮拜健康院開唔開？

私人傳訊回覆引用

Fybb

大宅

積分: 2433

12^#

發表於 12-6-3 02:36 |只看該作者

引用：禮拜健康院開唔開？ +

原帖由 Rabbitwong-1987 於 12-06-03 發表
禮拜健康院開唔開？

星期日健康院唔開架，唔好灰心，肯堅持一定得既戈

私人傳訊回覆引用

Allymcbun

大宅

積分: 1608

13^#

發表於 12-6-3 03:46 |只看該作者

回覆：救我！！！

一小時太長，試下每次埋身每邊十五分鐘，跟著才補奶粉。你每隔多久餵一次？還有找lactation consultant/母嬰健康院幫，教你和BB 點latch on.不要灰心呀

私人傳訊回覆引用

Hyda

男爵府

積分: 5691

14^#

發表於 12-6-3 03:51 |只看該作者

回覆：救我！！！

禮拜一一定要去搵姑娘教埋身喇！
最好到禮拜五再去一次比佢地check下。

宜家你可以試下打去比國際母乳會問下佢地嘅建議。
www.lllhk.org

你叫你奶奶比D耐性。要bb啜先會慢慢多奶架。BB latch得好就得架喇。補奶粉會有機會令佢唔肯啜架，因為太易食到。咁樣如果越來越少人奶，BB身體會冇咁好架。到上play group之後就同奶粉B開始分勝負了！（有小朋友經驗的瑜伽導師說的）佢都係為BB好，但要話佢知要睇長遠發展，唔好咁易放棄。所以你一定要快D去搞好BB嘅啜位。

私人傳訊回覆引用

yoyochg

男爵府

積分: 9709

15^#

發表於 12-6-3 05:40 |只看該作者

回覆 Rabbitwong-1987 的帖子

點解你唔鎖門先呢？由佢拍爛度門丫嘛！你要同你老公溝通下，如果唔係好易有產後抑鬱。要堅持，你想餵人奶就唔好補奶粉，bb可能飲慣左奶樽，但最好都係埋身比佢啜多d，bb喊比佢啜有安撫作用，喊都唔一定係肚餓，可能係冇安全感，你可以試下用包被包實d，抱多d佢。要同你奶奶講明你想點，你唔出聲忍住只會令自己心情差，心情唔好都會影響造奶架，放鬆心情最重要。

私人傳訊回覆引用

jelly208

男爵府

積分: 7154

畀面勳章

16^#

發表於 12-6-3 07:24 |只看該作者

救我！！！

埋身成個鐘仲要補奶粉，即係bb仲未識啜，啜既姿勢唔正確。
應該去健康院問人奶姑娘意見。
之後唔好再補奶粉喇，咁對上奶無城幫助。

私人傳訊回覆引用

tjojo2002

大宅

積分: 1479

17^#

發表於 12-6-3 08:28 |只看該作者

回覆：救我！！！

啜唔到奶有風？點解你唔諗下係bb食左人奶再補咁多奶粉，太飽所以嘔返出黎呢

其實乳頭係最fit bb個咀型。比奶樽少風好多，有冇奶都係！
因為你99咁情況（記住係佢有問題，當就下d老一輩）咪埋身左右各15分鐘再補2-3oz奶記得換邊時掃2下風掃醒bb。如果run左4-5日bb冇再提早喊食，咪再1oz咁減奶粉減落去lor。目的係等你身體追返bb架奶量。到你追到咁上下奶量時再睇下係泵出黎比99親子樂咁餵奶樽定全埋身，費是大家洗奶樽咁辛苦。記住呢件事實行之前你要同99講好你的諗法，說服佢比你試！bb依家咁細個就面對2個咁極端的湊法，大左教其他野時仲多問題。餵奶技巧帶bb去健康院一齊學。同99溝通技巧就要慢慢磨合了…加油！好媽媽^^

私人傳訊回覆引用

lisariolee

大宅

積分: 2505

18^#

發表於 12-6-3 09:09 |只看該作者

我都曾經經歷過比人話無奶，搞到阿女要入院，補奶粉，最後我坐月無餵過人奶。但我坐完月即刻去買多奶丸同山羊豆通返乳腺，雖然都係一日泵得12-16安，但夠阿女食3餐，所以咪3餐人奶3餐奶粉，阿女最後都無埋過我身。

今次呢胎我立決心全人奶，出院勁飲木瓜魚湯、水、奶。每兩個鐘用手擠，(因為乳腺未通，泵唔出)擠半個鐘到四十分鐘，第一個星期要足2安先收手，第二個星期要3安，第三個星期要4-5安，並改一日擠8次。而家一日擠6次，每次有6-7安，仲有30幾包冰奶o係冰箱。而家夠多奶，我都考慮緊轉唔轉返埋身餵，但埋身餵時間長，又唔知佢食幾多，餵完都係要泵/擠清，老公都幫唔到手餵，仲諗緊點好，可能有心情就埋身，無心情或者趕時間就比奶樽裝o既人奶阿B飲啦。

加油，你勤力D就得。唔好同99正面沖撞。你試下泵/擠出黎比奶奶用樽餵。你努力D，有時間就休息，仲要飲多D魚湯。你身體製造多D奶，第日你有成枝奶泵/擠到出黎，你奶奶就唔可以話你無奶，你D奶出得順D，到時阿B轉返埋身都容易D。乳腺未通，啜極都無奶，阿B會扭。而家湊B唔係一個人o既事，家人好多時候都有唔同意見，有時要用其他方法去做你想做o既事。唔識就問人，參考人地意見啦...﹗比心機，你實得架﹗