「要贏人，先要贏自己！」「Just To Say Hi！」「有緣嘅，我哋會再見」，大家記得這幾句廣告經典金句嗎？大姐大清楚記得，現在是金句王的黎明（Leon），在90年代絕對是圈中廣告天王；當年電視上流行故事式長篇廣告，黎明拍過不少熱爆廣告，至今令人記憶猶新，等大姐大跟讀者重溫星級廣告經典。黎明堪稱是圈中前無古人、後無來者的廣告天王，當中令人印象最深，必是一系列和記電訊廣告。由93至05年間，黎明12年來為品牌遠赴天山、新西蘭、邁阿密等美景，拍下多個經典廣告，幾乎次次如電影製作，爆破特工、直升機雪山英雄救美樣樣出齊，最厲害更是97年黎明親身上陣，玩當時未有人識、危險十足的「笨豬跳」，贏自己之餘更贏嘩嘩聲；難怪每年黎明推出新廣告，總吸引大家坐定定於電視機前，欣賞長達2、3分鐘完整版，如果唔睇無話題，追劇也沒有如此緊張，直情是廣告界盛事。
翻查報道，當時和記廣告總監鄧志祥指93年跟黎明初合作時，坦言覺得天王架子大，一車人跟出跟入，又要分開食飯，令他覺得合作辛苦。不過，大家愈來愈有默契，鄧志祥笑言Leon變得親切，跟工作人員同枱食飯，又幫手搬東西；在新西蘭拍「笨豬跳」一幕時，本來一take已收貨，但Leon竟不滿意再重拍一次，工作態度認真可嘉。
黎明更有份為廣告度橋，98年在雪山拍攝廣告，男女吵架時經典對白「男左女右」、「你著多件衫，咪無咁多人衝動囉！」全是Leon加插改動，結果大行其道，原來當年Leon已發揮金句王潛質。
有Leon一定有女主角阿May，由93年看不到演唱會的跛腳阿May開始，除了97年的楊采妮外，歷任阿May大多以當時未有知名度的靚女為主。
Leon慧眼識阿May，不少新人拍黎明廣告後相繼走紅，如童愛玲、林建岳前女友陳浥萍（Monica）、剛得港姐冠軍的徐子珊及當時任模特兒、未拍電影的全智賢等。不過，論最為人熟悉的阿May，必定是中法混血美女Lee Ann，這位性格阿May一句「我係咪好任性呀？」「係，不過係我揀嘅！」黎明金句瘋魔萬千少女，當時香港街上不知有多少位叫阿May的女生。相信黎明拍攝經典廣告，收穫最大一定是結識老婆樂基兒（Gaile），原來00年Gaile演阿May跟Leon結緣，當時大家也想不到，後來Leon與阿May真的有情人終成眷屬。
& 台頭望雨絲中"同童愛玲翻床單"
, 當年年紀細細我已經好鬼鹽 
發表於 
返回列表
