Mummy 寫道:
winniecws,
我記得上次我回應你時我都幾火滾, 而家如是![]()
你可以同你阿媽講, 既然你身體唔好, 咁仔女我自己湊番啦, 你好好養好自己個身體, 呢個直頭係一個好好既excuse同機會你自己囉番仔女返屋企湊。仲要, 你要囉埋個工人擺番去你屋企。 如果佢嘈冇工人用, 就另請比佢, 但唔使再比咁多錢佢, 或者有冇兄弟姊妹, 每人夾一千幾百都夠請工人比佢或者索性請part time。
仲有, 你可以咁樣同你阿媽講:
1. 阿媽, 你身體唔好, 湊BB好辛苦, 我地唔想你咁辛苦, 所以以後我地自己湊番。
2. 阿媽, 老公係我自己揀既, 佢亦都係同我終老既人, 所以佢既決定我一定要尊重, 佢要返去大馬, 我都要放人, 因為佢阿媽o係果邊, 都想見下個仔, 我唔想佢比人話佢不孝。
佢再發癲的話, 就由佢發, 至多第日少見d, 仲有以後乜都唔好靠佢, 仲有, 如果你唔行出呢一步決絕d, 到時盞你上黎開多幾個topic黎訴苦, 所以你一定要為自己/你老公/你仔女/你荷包做番d野!
雲的孩子都在跳舞 寫道:
咁你同你阿媽講,你話「乜咁岩呀!我都晚晚失眠,去產檢血壓又不斷升,頭好痛,個心好煩無日安寧囉!」。
真係我都有d![]()
咩阿媽黎架?只係為了下了自己啖氣唔理個女死活,其實你擔心d咩丫,即係果d話要自殺果d人咁,通常都自殺唔到架,因為得個講字丫!
你咪拎番個仔番黎囉,和其他媽咪講法一樣,仲要拎埋個工人添呀!唔係邊個湊呀!而最好既係你老公唔在身邊都有個工人在家有咩事都有人知,你阿媽就唔使理啦,佢會有得d咩事丫,你老豆你阿哥在家架嘛!
唔係你老公(真理)重要,因為佢只係做緊d好普通係一個男人都會做既野,而你阿媽既所謂健康嘛?一係你問下你阿爸佢係咪真係咁嚴重囉,如果係都無法,叫佢去睇定醫生話比醫生知你阿媽呢排好激,可唔可以加定藥,呢個應該係惟一幫到你阿媽既做法。
winniecws 寫道:
我知道我唔應該響一D事情上面有太大既執著,都係我真係解決唔到我媽跟我老公的關係。之前我提過,我老公新年會返大馬一個星期見佢媽,我媽玩反對,E+同我&老公反面。有很多BK mami 都勸我要走出這一步,唔可以比佢再要脅,所以我一直堅持到E+,我老公會如期飛,我深信我可以渡過,但係佢尋日又call 我,講係我一手造成今日的後果,佢E+晚晚失眠,血壓不斷升高(佢本身有心臟病,雖有食葯),頭好痛,無日安寧,全部因我起,佢話佢有乜事,我就會好內疚。而且佢話新年唔會幫我揍仔,叫我羅番,禁即係迫我老公陪我揍仔,唔飛得。
可能你地已經睇我唔順眼,點解我唔可以硬起心腸,但係作為子女,我真係唔知點做,我老公響呢件事上已表態,如迫佢唔返,佢以後都唔會再為我媽以妥協。
我真係好辛苦,大住個肚,喊到喊晒,究竟老公(真理)重要,定呀媽健康重要(佢大緊我)................. :-( :-(