吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有無人同我一樣同老公屋企人一起住,但住得吾開心,但無錢 ...

夫婦情感今日: 1|主題: 42751

收藏本版

發帖

返回列表

跳至頁

查看: 1556 | 回覆: 5

有無人同我一樣同老公屋企人一起住,但住得吾開心,但無錢搬屋... [複製鏈接]

shirleyleung15

伯爵府

積分: 16672

好媽媽勳章畀面勳章陪月勳章環保接龍勳章 BK Milk勳章

1^#

發表於 07-4-15 17:47 |只看該作者

有無人同我一樣同老公屋企人一起住,但住得吾開心,但無錢搬屋...

幾年前同老公結婚, 當時佢屋企只有佢同亞妹住, 老爺同奶奶o係漁民住o係船, 一年只有休漁期的2個月才回來, 而且奶奶好好人, 所以當時結婚就決定o係度住, 佢仲有個90歲的阿嫲, 不過佢阿嫲都係休漁期先回來住的(佢其餘時間住o係老公姑姐屋企), 問題一路都ok, 但前年我奶奶突然輕微中風跟住o係屋企休養, 但我太奶奶就立即回來, 我奶奶身體吾好仲要照顧埋佢, 我奶奶一路都吾係幾開心, 因為我太奶奶90歲, 我奶奶當然要每日3餐都要煮俾佢食, 自己有街去都要趕返屋企煮飯俾佢, 上年我奶奶身體穩定左堅持要出海, 我當然明白佢個心想點, 佢出左海後, 我太奶奶就去番姑姐度住, 我同老公就好似之前可以o係屋企點都得, 可惜, 我奶奶今年新年回來後, 太奶奶當然回來, 但我奶奶清明之後再出海, 今次, 太奶奶就吾再返去姑姐度, 堅持要留o係度住, 上星期我吾舒服, 有幾晚煮粥食, 佢就吾多like, 大佬呀! 我吾舒服已經仲要返工, 返到來仲要煮飯俾你食, 仲要吾多鍾意, 你想點呀? 我嫁俾你個孫, 吾等於你屋企多左個工人, 我同老公講過我好吾想o係呢度生活, 同佢講我好想返自己屋企(因為我daddy有間屋無人住, 結婚前我媽媽話如果無地方就回去住), 但老公話吾想, 我都知道我同佢講係無結果, 同佢講得多佢阿嫲會影響我地自己o既感情, 我依家一想起就覺得好委屈, 我已經要返工, 仲要回家照顧佢, 我覺得好辛苦, 好想返自己屋企 :-( :-( :-(

私人傳訊

lau

子爵府

積分: 11754

2^#

發表於 07-4-15 18:28 |只看該作者

Re: 有無人同我一樣同老公屋企人一起住,但住得吾開心,但無錢搬屋...

唔知點解, 我地上來呢度呻, 永遠都關男家既人事, 我又係因個99成日同老公嘈, 我成日話如果無左呢個人, 跟本大家好開心咁生活, 佢話那個是佢呀媽, 又無能力搬出去住, 唔係無能力, 係佢唔想話拆散個家wo! 拆咩散, 幾多兄弟結左婚都要搬出住, 唔通成棚人係一間屋住, 佢地咪又要同個呀媽分開, 只是我地唔好彩, 結到最後一個要同埋一齊住, 你估我好想同d衰99住, 我都成日開topic來呻, 你都好, 有乜事還有外家既屋去避難, 我而家成日諗有乜地方可避下99, 唔駛係屋企你眼望我眼, 我又無外家返, 好想有令一竇口比我唔開心時暫住, 唔駛去街行到腳累先返歸, 就係一句唔想對住件老野.

如果你到最後一步忍受唔到, 就強硬d自己獨自搬出, 問d c6都多餘, 問十次, 十次都話唔好, 唔會為個老婆著想下, 初初係唔慣, 但時間好快會習慣, 唔慣先再算.

而且照顧人三餐真係好煩, 幾十歲人無牙食, 都唔知整乜你食好, 有時自己好倦唔想煮, 自己食就話求求其可一餐, 最慘就係顧埋人, 我個件都係咁, 有時我費事問佢食乜, 我自己攪掂自己便算, 佢肚餓唔識搵野食, 又要照顧小朋友, 我都唔得閒理佢, 佢見我咁忙都唔會話煮埋比我食, 係要人照顧佢, 如果變左呢個係我媽媽, 肯定我無咁慘, 可惜她已一早不在, 所以你有外家即管返去透下氣, 有時住返三五七日, 最緊要你媽媽支持你.

私人傳訊

shirleyleung15

伯爵府

積分: 16672

好媽媽勳章畀面勳章陪月勳章環保接龍勳章 BK Milk勳章

3^#

發表於 07-4-15 22:37 |只看該作者

Re: 有無人同我一樣同老公屋企人一起住,但住得吾開心,但無錢搬屋...

lau,

我老公係大仔, 屋企一切大小事都係佢負責, 佢搬左出去住個細佬就什麼都吾理, 你講中左呀佢幾十歲人無牙食硬嘢, 煮o的飯要煮到爛哂, 菜芯要煮到勁淋, 餐餐都要食魚, 試過一餐無魚, 佢就好吾想食飯, 我想話我都吾係好想煮飯俾佢食, 依家我老公暫時都支持我一起吾煮飯, 叫佢阿嫲自己買餸煮飯食(如果好天佢通常都會落街行下的) 我都知要佢幾廿歲人好似好陰功, 但如果我屈服, 我以後既日子就真係攞o黎賤

私人傳訊

VV709394

複式洋房

積分: 129

4^#

發表於 07-4-15 23:15 |只看該作者

Re: 有無人同我一樣同老公屋企人一起住,但住得吾開心,但無錢搬屋...

可唔可以請個工人
有個工人做下野
其實做左個中間人角色

私人傳訊

VV709394

複式洋房

積分: 129

5^#

發表於 07-4-15 23:19 |只看該作者

Re: 有無人同我一樣同老公屋企人一起住,但住得吾開心,但無錢搬屋...

我自己係搬過出去住
生埋小朋友
但經濟有問題
搬番奶奶度住
之前其實都好擔心會唔得
因我一向不滿奶奶揍小朋友既方式
亦因為呢樣, 大家個心會避忌下
宜家要搬上去, 我帶埋工人
原來感覺係好既
其一, 有左心理準備
其二, 家頭細務係工人做
免左我地對大家既不滿
生活習慣等
我唔慳呢幾千蚊,
因為大家會因而和諧左