自由講場今日: 215|主題: 1368695

收藏本版

發帖

返回列表

跳至頁

查看: 2843 | 回覆: 38

高x寧咪一樣咁cheap! [複製鏈接]

cmaa

大宅

積分: 1725

好媽媽勳章

1^#

發表於 12-6-27 13:15 |只看該作者 |倒序瀏覽 |打印

[FACE]志偉 P結怨　高海寧唱神獸 cheap

有口話人
志偉 P結怨　高海寧唱神獸 cheap
2012年06月27日
無綫咪神高海寧自 08年參選港姐後，一直靠 34E爆滿上圍食糊，更成為近年無綫的性感 icon，不過 TVB年年有新女出，最近《五覺大戰》一班神獸天使件件都搏到盡，咪神都咪話唔擔心地位不保！

上週日（ 17日）於最後一集《三個女人一個墟》中，高海寧忽然自爆話有人為求上位，不惜喺私人派對中，拉低心口露身材以求上位，查實高 Ling所指是 4月舉行的曾志偉生日派對。據知當晚場內個個玩得癲，一樣有份著校服陪飲的高 Ling卻嫌神獸妹熱情爛玩，而被高寧矛頭直指的神獸妹白雲亦不屑回應話：「我都見佢唔到！」

34E咪神高海寧（高 Ling），自選美出道以後不嬲搏盡性感，今年忽然打算殺入書展出自傳，博轉型做才女想封胸，喺最後一集的《三個女人一個墟》中，更大爆出席一制服派對，有人將校服的胸口拉低，色誘派對中人搏上位。

神獸 1號　白雲
今年四月，白雲同其他神獸姊妹一齊去志偉生日 party，好好哋一件校服，白雲姐竟然背脊開個窿，條裙更短到見到 pat邊，加上當晚白雲成晚黐住曾志偉隊酒，難怪高寧眼紅。

放大圖片

個個都玩得好癲！真實對白

放大圖片

神獸 2號　蔡慧欣
曾經喺《五覺大戰》拋胸飄移嘅蔡慧欣，與志偉合照一樣好熱情，條校服裙僅僅遮到 pat pat，蔡慧欣說：「高 Ling佢有自己一套準則嘅，不過我有打底喎，我都冇留意佢！」

放大圖片

佢點講控制唔到！真實對白

放大圖片

劈到爛醉
放大圖片

曾志偉生日例牌飲醉，雖然今年劉嘉玲等老死話咗戒夜蒲早走，不過咁多小花兼神獸妹陪酒，劈至淩晨三點一樣要抬住走。

表面密實
放大圖片

高 Ling當晚都有去曾志偉生日，雖然刻意喺外面加件披，但原來入面亦一樣短裙校服仔，性感程度一啲都唔輸蝕，佢係醒在識得做表面工夫囉！

眼紅被搶風頭
據有份參與當晚派對的知情者指，高 Ling其實是暗寸一班神獸天使，知情者話：「其實志偉 party嗰晚，高 Ling條校裙都好短，不過就唔夠班天使妹咁 hot囉，班女仔成 6、 7個人，個個又玩得，又肯挨埋身又肯坐大髀，啲仔個個圍住佢哋玩，尤其係志偉更追住佢哋劈酒，高 Ling梗係冇癮啦，其實嗰晚個個都玩得癲，唔明高 Ling點解要扮高貴話人囉！」

硬撼沈卓盈
放大圖片

同場仲有個沈卓盈又係穀到盡出場，如果高海寧唔係露兩手，應該連見報嘅機會都冇。

天使互藐
放大圖片

上週五（ 22日） 8位神獸天使胸降旺角宣傳，當中 32D的蔡慧欣件衫迫爆倒奶身材搶盡鏡，搞到平日波濤洶湧的 35E白雲，都忍唔住明藐佢。

「想著靚啲啫」
被同類人喺電視公開寸爆，當然惹起一班神獸妹不悅。當中最搏的白雲更說：「唔算好性感啫，我哋班女仔後生（白雲 24歲細高 Ling 2年），有樣有身材，都係想著靚啲啫，（高 Ling都玩得好癲喎？）其實嗰晚個個都玩得好癲，我都見佢唔到，冇留意過佢喎！」

而另一神獸妹、曾跟羅仲謙傳緋聞的蔡慧欣亦說：「佢（高 Ling）又冇講名，都唔知佢話邊個，我套衫同媽咪買，都唔性感得去邊，我有打底又冇走光，佢有佢自己一套準則，佢點講都控制唔到，入面咁多人點得閒理其他人吖！」大家都係靠胸搵食，高 Ling唔使抬高自己踩低人嘅！

《三個女人》揞名爆
高海寧喺最後一集《三個女人一個墟》中爆有人靠性感上位，期間仲要狀甚驚訝，唔知以為佢真係玉女。

高：高海寧　呂：呂慧儀　蒙：蒙嘉慧

高：我去過一個 party，係制服派對。

呂：你係咪去生日會？

高：係呀！

呂：我都有去！

高：我都見到你喺度，你哋有冇睇見其中有人好過分㗎，佢可以將套校服個胸位開到好低。

放大圖片

放大圖片

你都著得性感！真實對白

我都有去！

性感賴公司
高：選港姐時已被人標籤係性感形象……呢 4年我只係被人話我性感，所以我不斷想糾正自己條路嚟行。

蒙：之前個遊戲節目（《五覺大戰》）你都著得幾性感！

高：基本上我係唔推 job嘅，由入行到 ��家，從來唔會話我病，唔想做……

蒙：但你唔擔心性感形象更根深蒂固咩？

高：梗係有啦，但你覺得我有得推咩？特別係公司嘅嘢，嗰日（飄移）我已經打曬底，但都估唔到出嚟效果係咁！

不相伯仲
高海寧出道以來都係做綜藝節目為主，最難得係次次露得經典，講搏，班神獸妹都係跟你學嘢啫！

09年 10月　象鼻夾咪
放大圖片

高 Ling喺泰國錄影《美女廚房》特別版，穿著吊帶的佢被象鼻夾起，百看不厭。

11年 7月　泥漿敷胸
放大圖片

喺《為食總司令》中一幕，高 Ling著泳衣浸泥漿，節目出街即刻俾高登仔狂 cap圖。

12年 4月　飄移倒奶
放大圖片

喺《五覺大戰》的飄移環節，高 Ling喺車廂拋胸，睇到觀眾眼都凸埋，亦因立體 3D惹來五宗投訴。

以電子郵件傳送這篇文章
BlogThis！
分享至 Twitter
分享至 Facebook

標籤： FACE, 娛樂八卦, 本地娛樂, 高海寧