吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 係咪我太自私？

夫婦情感今日: 3|主題: 42743

收藏本版

發帖

返回列表

跳至頁

查看: 1769 | 回覆: 26

係咪我太自私？ [複製鏈接]

782012

洋房

積分: 39

1^#

發表於 12-8-8 01:25 |只看該作者 |倒序瀏覽 |打印

有啲事諗唔通，想大家比啲意見，唔好意思，想比多啲background, 寫得比較長。
最近為初出生囡囡嘅照顧問題同老公鬧大交，我地睇法相差好大，達唔成共識。先講背景，我26歲老公30歲，結婚未夠一年，我地係拍左年半拖有左bb而結婚嘅。本身我地係一齊做嘢嘅，份工係要經常出trip，一個月大概有11日假，而老公而家份工唔需要出trip。
上年年尾意外有左，當時老公失業4個月，佢無揾過工，我想要個bb，老公唔想要。佢係咁話要好好地傾下，其實除左叫我唔要bb之外仲有咩可以傾，所以佢一提要傾下我就好激動，我覺得啲男人搞大左人個肚要人落係十分不負責任嘅做法，又唔係佢傷身，當然可以咁輕易就打算唔要。我好唔想落，喺我堅持下，我地結左婚生左囡囡。由我地結婚到生bb，中間嘅過程佢幾乎無參與。結婚時嘅準備都係我同我家人去做，場地佈置請帖律師，除左禮服，派帖同婚禮當天出現之外，其他講得出嘅都係我做，我不止一次叫佢分擔下我嘅工夫，但佢都無。婚後我同老爺同住，其實老爺係個好人，但生活習慣大不同，令我成日唔想返去，例如佢食煙，日日飲酒，有時飲到有啲醉，開口埋口粗口。老公屋企好污漕，好多曱甴，有時佢地食完嘢啲碗碟唔洗唔浸就放過夜，唔拖地，塊地經常一撻撻食物汁液嘅漬，家有貓數隻，但已唔知幾多年無沖涼及打針。懷孕時嘅產檢老公只去過一兩次，搬進去前換雙人床及衣櫃都係我同家人去搞，仲記得到36週我仲自己一個人由tst去將軍澳買浴盤。所有嘅種種令我覺得咩都係自己一個，我甚至同佢講我唔覺得個bb佢有份。其實婚後我時常返娘家住，因喺老公度太辛苦，由於老爺煮嘢食用好多油鹽糖，所以放工後我會買餸煮飯，拖地洗碗，到36週都係咁。返到娘家我咩都唔使做，屋企又會煲補嘢比我，所以我會喺呢邊養胎。囡囡出世前同老公講囡囡比我父母湊，放假我就湊返去，老公反對，佢想日日對住，大家可以話我唔理佢感受，係，可以咁講，但老爺已7x高齡，加上見過佢之前点照顧細路，我係十萬個唔想比老爺同bb單對單，而我父母經常湊親戚嘅bb，已湊左9個bb。
囡囡出世後，喺娘家坐月，之後老公家唔方便我返去，至而家兩個月大都一直喺娘家，老公見bb 10次都唔知有無，我住新界佢住九龍，佢覺得黎睇bb好遠，黎親都會話撘好耐車，其實以前拍拖都係我出去，咪又係咁，佢有時放假寧願做其他嘢都唔黎見bb，佢話唔覺得呢個係佢個女，因太少接觸。最近可以返去喇，又突然同我講囡囡要老爺湊。我反對，佢就係咁話我，話而家個女淨係我有份，（好老實講，由知道我有左到生bb成個過程，佢同佢家人係零付出，我真係唔知点可以令自己覺得個女佢有份，咩都唔理，到生左之後又想理）又話我爸媽唔識教女，教到我個人道德好有問題，唔放心比我爸媽湊。我承認我以前係貪玩，但佢都有貪玩嘅時候，只係佢玩得比我少。其實一直我都話唔比老爺湊，因佢唔識湊，例如開冷氣比小朋友直接喺冷氣底下，著件短袖衫又唔扣鈕，褲都無條得條片，流曬鼻水，飲剩嘅奶唔倒留成晚又比返佢飲，成日比益力多維他奶等甜嘢比歲幾嘅小朋友飲，水都唔飲啖，比小朋友食即食面加腸仔落埋味精，仲有太多太多，外加粗口唔衛生飲酒食煙等問題，再加上70幾歲，試問做呀媽嘅点放心比佢照顧初生嬰？當然我爸媽都有湊得唔好嘅時候，試過睇少陣跌bb落床，都係啲意外嘅事情，其他湊bb嘅知識同經驗係非常豐富。老公堅持，成日話老爺湊大佢同呀哥，仲有呀哥兩個小朋友，点會唔識湊，呢個係佢daddy，佢眼中當然無問題，但我唔係，我話一係請工人，一係我父母湊，但佢唔肯，話唔使講。其實我已經讓步，由唔比老爺湊，到可以比老爺湊但唔可以單對單，点解佢唔可以體諒下我心情。佢成日話為左我同bb留低喺香港，話娶我其中一個原因係想老爺開心，但娶我後仲衰過以前。我真係好唔開心唔知点同人講，其實我唔係唔帶返去，我放假就會返去，一星期都可以見到3日左右，一係請工人咪可以日日見。其實係咪我問題？係咪我太固執？
唔好意思真係好長，多謝你地有心機睇完。

0 0 0

私人傳訊

hohoma16

大宅

積分: 2492

2^#

發表於 12-8-8 02:25 |只看該作者

回覆：782012 的帖子

你是一個好媽媽，所有出發點都是為子女安排最好，是做對的。問題是做了媽媽的女人會比男人成熟很多，計劃周詳，但男人很少考慮別人感受，再講他們對做爸爸的心理準備會較緩慢，所以很難理解轉變情況。暫時不要令夫妻關係緊張，往正面去想，慢慢再傾傾。需要時間去感受新生命和適應新生活，加油。慢慢會有曙光的

私人傳訊

Magan28

大宅

積分: 4881

3^#

發表於 12-8-8 02:50 |只看該作者

回覆：782012 的帖子

請工人絕對是最好解決方案呀，為何他不赞同？？

私人傳訊

rayrayus

翡翠宮

積分: 84883

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

4^#

發表於 12-8-8 03:13 |只看該作者

其實我覺得你老公唔想結婚，只係當初你堅持有左先同你結婚。樓主我理解你既辛酸，但我覺得你地似乎真係思想差距好大，冇咩共識，咁樣好難行落去。你地之間其實有冇愛情? 定只係大部份原因為BB先結婚? 佢可能覺得你嫌棄佢老豆，幫哂外家，係又覺得佢阿爸唔適合湊...

可唔可以兩邊老人家都唔湊，送去育嬰園?

私人傳訊

782012

洋房

積分: 39

5^#

發表於 12-8-8 10:07 |只看該作者

回覆：rayrayus 的帖子

當初結婚係真係好愛佢，而我亦相信佢係愛我嘅，我地有打算結婚但唔係呢個時候結同呢個時候有bb。但發現結左婚之後先係對感情嘅挑戰，由籌備婚禮到婚後生活，發現佢嘅另一面。我老公人係好好，對老爺亦好孝順，但性格固執，要做嘅事喜歡拖到最後先做，提佢做又唔鍾意仲發返我脾氣，其係白受氣。你問我仲愛唔愛佢，我發覺自己唔需要佢，愛唔愛我答唔到了。

私人傳訊

782012

洋房

積分: 39

6^#

發表於 12-8-8 10:12 |只看該作者

回覆：Magan28 的帖子

唔失点解佢反對，可能係要用錢

私人傳訊

newcook

水晶宮

積分: 51387

2025勳章 2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

7^#

發表於 12-8-8 10:17 |只看該作者

其實一開初你有左佢叫你落左佢, 你已經唔駛諗佢會願意佢為你兩母女做任何事了, 你唔開心, 係因為你對佢仲有期望, 但.....坦白講, 你太天真了~

睇得出你為囡囡改變了, 但你c6從來都無變, 想要權利, 佢有冇盡過責任?

我覺得你要企硬唔好妥協, 所有大前題應以囡囡利益為優先, 支持你!

我搞下笑架咋, 唔好插我呀!!!!!!!!!!

私人傳訊

782012

洋房

積分: 39

8^#

發表於 12-8-8 10:25 |只看該作者

回覆：newcook 的帖子

因當時老公工作上出現大問題，令佢無法喺同一個field上揾工，諗好左嘅career path無左，對佢好大打擊，而呢個時候我有左，佢覺得無幸福，佢無講出口要我落，但就話

私人傳訊

782012

洋房

積分: 39

9^#

發表於 12-8-8 10:27 |只看該作者

引用：因當時老公工作上出現大問題，令佢無法喺同

原帖由 782012 於 12-08-08 發表
因當時老公工作上出現大問題，令佢無法喺同一個field上揾工，諗好左嘅career path無左，對佢好大打擊，而呢 ...

但就話要傾下点做先係對我地最好嘅做法

你呢句要權利，有無盡過責任，正正係我心聲

私人傳訊

782012

洋房

積分: 39

10^#

發表於 12-8-8 10:33 |只看該作者

回覆：782012 的帖子

想補充一点，雖則老公想日日見，但其實之後老公係有贊成囡囡我父母湊，放假返去，佢仲答我呢個安排係＂當然啦＂，点知而家反口

私人傳訊

creative28

大宅

積分: 1686

11^#

發表於 12-8-8 11:00 |只看該作者

回覆：係咪我太自私？

由有BB到結婚到湊BB呢個程序兩人完全冇共識

mouth:

mouth:而且妳亦放唔低佢冇貢獻

到湊B有咁大分歧真係要開心見誠去搵條大家都接受又行得通嘅方法，（唔係以後再點相處？settle 哂兩公婆再好好礳合！照妳講由外家湊真是較佳選擇，（尤其今時今日有祖父母肯湊真係好過中六合彩啦

）好好同佢分析，又或婉轉啲話老爺年紀大，唔想佢辛苦之類，不要直接話佢daddy唔惦呀！切記

私人傳訊

新人物

子爵府

積分: 11497

12^#

發表於 12-8-8 11:17 |只看該作者

反正屋企都污漕,請工人都係一個好方法

但我唔覺得妳老公係一個好爸爸,我係妳我會堅持俾自己父母湊

私人傳訊

782012

洋房

積分: 39

13^#

發表於 12-8-8 11:20 |只看該作者

回覆：creative28 的帖子

雙方難聽說話已出口，收不回。佢成日話我唔識講嘢，真係，我唔識美化說話，但講嘅都係良心話，係事實，只係佢接受唔到。

私人傳訊

louisss

禁止訪問

積分: 1260

14^#

發表於 12-8-8 11:28 |只看該作者

提示: 作者被禁止或刪除內容自動屏蔽

私人傳訊

stevekit

男爵府

積分: 7377

畀面勳章

15^#

發表於 12-8-8 11:38 |只看該作者

我唔覺得你自私，相反我覺得個男既好自私~

私人傳訊

子爵府

積分: 12169

16^#

發表於 12-8-8 11:41 |只看該作者

回覆 782012 的帖子

綜合你的說話，我覺得是你和c6之間缺乏一個良好的溝通。想想你當時發現有bb時，正值你c6人生事業的低潮期，在那個時候又要接受有bb，又要接受結婚，我想他當時真的很混亂，但相信他是真的愛你，所以仍然願意把孩子生下來並和你結婚，在這件事情上他是一個有擔帶的男人。從來籌備結婚都是女人一頭熱的，男人很少或甚至不在乎究竟婚禮要如何？何況當時你c6還在失業當中，他的心思都在如何為未來努力，如何開拓自己另一條出路，另一方面可能是你太能幹了，既然bb是你想要，你有家人陪伴一起弄，他當然可以不理，反正所有事情不是已經準備妥當了嗎？

現在你和c6的問題膠著點是你62可能有微言，他想多些看到個孫女，所以向你c6施壓，你c6自然地就把這個問題向你施壓。我想你這次可以提出幾個建議方案，給你c6考慮，並把各項方案的利害關係列出，和他商議，也可邀請62和你父母一起討論，找出一個對孩子最好的照顧方式，因為隨著孩子大長大，到她要入學時，你都要面對由誰照顧她的問題，屆時還要教她功課，我想放在身邊是最好的方法。

例如方案一︰請工人，但你現在的家是否夠大可以容納工人？好處是︰可以讓62看顧孩子同時，有人幫手做家務，買菜拖地洗依服，有甚麼事都有多一個人看著bb。壞處是︰要額外支付工人的薪金…

其實重點可能是你首先要讓你c6看到你是找他一起商量，而不是告知他應怎樣做，男人都要面子的，你給他一個下台階，他會較易去接受你的善意建議。你作為母親，這麼辛苦懷胎十月，冒著生命危險把孩子生出來，當然首要是確保bb的安全健康成長啦！我相信你c6都愛錫自己的孩子，他都會明白你的苦心。

mc <()>

私人傳訊

782012

洋房

積分: 39

17^#

發表於 12-8-8 12:18 |只看該作者

回覆：louisss 的帖子

我無講清楚，想補充其實拍拖時一直無避孕，我問佢有bb咁点，佢話有bb就結婚。到真係有左，佢話唔想喺呢個時候要bb，有無人問過我係咪想喺呢個時候要，可以選擇我唔想喺呢個時候有bb。你都係女人，如果你已生育，我相信你明白懷孕時同bb嘅血脈相連，可能有人會墮胎，有人會選擇懷胎十月生完送人，但我做唔出。而我父母都話湊仔係辛苦但佢地樂意湊。其實我一直都覺得對唔住父母，主要係因為覺得自己嫁錯郎，要佢地擔心。