小兒就讀於屯門蝴蝶灣旁一居屋屋苑內的幼稚園,早些時候,我於學校外等待接小兒放學期間,聽到有數名K3家長高談闊論,內容大致上提及有關已經取消使用AUTOPAY繳交學費服務,原因是為了避交七月份的學費,最後還提及學校方面唔會亦無從追收,本人聽到後氣憤難平!
難道佢哋唔知這間幼稚園的學費係一個大數除開12個月交的嗎?
難道佢哋唔知這樣會影響到其他人(包括其他學生及教職員)的福利嗎?
難道你去飲茶,明知茶樓老闆唔會報警,你就唔比錢走人?
難道你會同你個仔講你今個月無交學費好叻?
最重要一點,他們太天真以為學校唔會追收學費,其實學校係可以向小額錢債法庭向欠款人提出申索,欠款人到時可能唔止需要交回所欠學費仲要比埋堂費,得不嘗失!