婆媳關係今日: 2|主題: 27770

收藏本版

發帖

返回列表

跳至頁

查看: 6746 | 回覆: 75

我的百彈齋主99 - 反擊篇

[複製鏈接]

12 3 4

Linda20

大宅

積分: 4152

1^#

發表於 12-7-13 12:24 |只看該作者 |倒序瀏覽 |打印

因為中間發生太多事了, 冇時間出post....
而家我可以講返我點開口叫99俾返間套房我地住了!

話說上次講到我爸爸媽媽知道之後好火...
仲打左俾c6...當晚就上左我屋企食飯加講數...
不過我爸爸都好語氣...c6好似知衰, 同我夾好晒...返到屋企就同佢媽講...

c6: 媽...新屋裝修成點呀?
99: 間房d 地板聽日開始整囉! 7788啦...
c6: 媽, 我諗過喇, 我同linda 張床唔夠位擺細房呀, 如果放套房先岩岩好....
99: 咩呀! 你反口牙? 又話想呀媽舒服d........(開始想喊)
c6: 我地2個人都係想多d空間姐..
99: 係邊個教你咁講架? 你之前都唔係咁講既...
c6: 第時有小朋友bb 床又可以放我地房, 方便d嘛....
99: 佢有bb先算啦!
我真係忍唔住開口: 我地plan 緊架喇.... !!!
99: plan下就有咩? 生bb好難架! 我好辛苦先生左2個仔架, 係2個仔呀!!!(個仔字特別大聲)
我好難受....因為之前小x過, 聽到佢咁講又諗返d唔開心野....
我返左入房唔想聽到佢講野...不過我聽到c6同佢嘈得好西利....佢媽亦喊得好大聲...
c6: 間屋係人地個女俾左大部份$, 你叫我點同外父講佢個女住得唔開心!!
99: 佢咁鍾意咪搬返去佢爸度住囉! 我夠係人地呀媽, 住好d都唔得咩?
c6: 你講下道理好冇? 而家又唔係唔同你住!!
99: 我連本身層樓都唔要(係公屋還返俾政府), 同你地住, 諗住幫手煮飯! 而家訓好d都唔得....!!!!
c6: 反正你張表我仲未交!!你鍾意就返去住! 冇人迫你同我住架! 係我想你開心d先同你住架咋!
既然你都係唔開心, 不如唔好一齊住喇!!
99: 你而家趕呀媽走係咪呀...(喊得好大聲)
c6: 咁係丫嘛! 你諗清楚係咪同我地住喇... 得細房俾你架咋!
之後出面就冇晒聲了...

第2朝我同c6放假去睇新屋d野...
c6: 我地而家可以將king size既床放響房喇~~
我: 你媽肯咩?
c6: 我講服左佢啦....哈哈哈....
我:係真至好...

當日返到屋企99就黑口黑面....
咁99佢係唔會做家務既...(應該係咁多年都冇做過,佢唔識拖地,唔知咩叫1比99

)
我一返到去就拖地洗衫煮飯...
我一路拖佢就一就行黎行去, 又大大聲聲話我個洗衣機好嘈, 唔好再洗...
煮好飯佢又話唔食, 話唔岩佢食, 話我唔了解佢鍾意食咩....
我一路死忍...我唔想發脾4....唔想因為而d野唔開心..

過左2日左右... 我就驗到有左bb!!

c6同我睇完醫生想打俾佢媽,我即刻叫住佢, 不過佢已經打通左....
我唯有聽下99講咩...
c6: 媽... 我好快做爸爸喇!
99: 哦, 係咩? 係仔至好!
我聽到依句真係好嬲好嬲好嬲!!!平時嫌3嫌4我都可以忍! 咩叫係仔至好! 即係女就唔好!!!!
我嬲左搶左c6電話cut佢線!!!c6 知我唔開心都冇出聲....仲tum返我話帶我去買bb野..
點知99又打返轉頭: 喂, 你地唔好買bb野呀, bb會小器架, 要買出世先買啦, 反正xx(c6哥)個仔剩落好多衫!
c6 同我一於唔理佢, 點解唔可以買野俾自己個bb? 出世先買? 會唔會遲左少少...
好快就入伙喇!! 亦開始佈置bb房..... 99又加把口...下集再講!!!

其實我覺得99之所以讓步, 係唔想個仔唔同佢住..事實上佢仲係好嬲我........

下次講埋... 99開到口要湊bb....仲同我搶bb