吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99的小家、乞人憎行為及說話

婆媳關係今日: 0|主題: 27766

收藏本版

發帖

返回列表

跳至頁

查看: 2702 | 回覆: 14

99的小家、乞人憎行為及說話 [複製鏈接]

DoMaMa

別墅

積分: 966

1^#

發表於 12-7-7 17:41 |只看該作者 |倒序瀏覽 |打印

背景： 99同62多數住係大陸，間唔鐘返香港就會同我同C6一齊住，但事先聲明我地有足夠能力買樓，但C6唔想樓價高買樓，一心等樓價跌先買; 而家住緊層樓亦全數由C6比哂，已經供完；我地亦無癡飲癡食，每月都有比足夠佢地生活的生活費佢地，我純粹分享同呻下我99嘅野，如果睇咗唔認同，可以當無睇過或者比D有建設性嘅意見，但希望唔好作出一D唔善意嘅批評或有人身攻擊成份嘅言論，謝謝!

1）一般人結婚由女家出門去男咪要灑米嘅，係我同C6結婚時，99要求我灑嘅唔只米，要而要有五穀，當中包括米、紅豆、綠豆丶眉豆之類，仲有樣係乜我都唔記得，總之麻X煩啦!話咁樣會令男家五榖豐收，豐衣足食! 但搞笑嘅係，隔無耐到佢個女結婚，出門時只係灑米囉，無咁多要求，對住我就要求多多，到自己嫁女就咁行貨對佢嘅襯家!

2) 結婚到左男家敬完茶比長輩，99居然要求我同C6敬茶比C6D妹（c6有三個妹，一個妹夫），當時我打左個特，心諗我做過咁多次姊妹，都未見過要新人敬茶比後輩過囉，所以我細細聲問C6乜要針茶比你D妹架咩?C6就話阿媽叫到咪順佢意囉!（C6係考順仔一名）於是我都照針左，但個心當然好唔順氣啦!之後夜晚到酒樓影D相，99全程黑面，我估應該係因為我唔願意針茶比佢D女所致，我有D fd見到D相，仲問我: 你99係咪唔鍾意你？佢塊面咁黑嘅?哈! 另外，我媽睇番D録影問我點解要針茶比C6D妹，但又無針比我細佬嘅?搞到我都唔識答，好在我媽唔似人咁少器，無嬲我啫!

3) C6有個fd做手袋既，佢送左當年好興果款袋比我，但佢係經99比我既，佢仲比多左一個99，人地原意係一個比我一個比佢。但99居然keep住成年唔比我囉!大家知唔知點解?佢既原因係得兩個唔夠分埋比佢D寶貝女!隔左差不多一年，C6去佢個fd係大陸間廠，我同C6講之前人地我個袋，你呀媽一直keep住唔比我，我無得用，叫佢順便攞幾個袋比我啦!到C6攞左比我後，有一次佢D妹黎我地度，C6同佢地講有手袋問佢地要唔要，叫我攞比佢地揀，當時條cheap精先將佢收埋果兩個袋攞出黎比佢D女，因為佢見我都有袋了，仲要比左原先屬於我既袋比佢D女!佢攞出黎時仲偷望左我一眼，睇下我有咩反應，哼!我就扮無野，費事同佢計較!

4) 結婚後，我執下間屋啦!見有把風扇吹出黎D風都好弱，一D都唔涼，C6話都買左好耐lu咁我話掉左佢買過把啦!C6都同意，於是我地掉左。之後99返黎，見把風扇掉左就好激動，問仲咩掉左佢，咁我就同佢解釋啦加埋C6幫口下佢先無野。但係之後成日對我講："呢樣野你唔啱用唔好同我掉左佢呀! "講到我有舖掉野引，亂掉佢D野咁!我見D野壞或無用先掉啫，同埋有經C6同意架!D野仲要大多數唔係佢買架囉!

5）99鍾意執我掉左D野。事件一：話說有一次我掉左個發左霉既手袋去垃圾桶，佢返黎見到話唔好哂，然後執起左話送比大陸D人，跟手收左入佢房；
事件二：有一次我掉左個吉鞋盒出門口，佢咁啱又返黎，又話有用就執返入黎；而家我掉野我都等佢唔係度先掉，費事我掉咩佢執番哂!

6）自以為湊B經驗豐富（湊自己仔女同湊過兩個侄仔，但最近期果個係二十幾年前）話唔聽，又成日多多意見!
事件一：我地抱B時叫我地小心條頸，但佢抱時就就咁的住阿B兩邊加拿大，無護住條頸，話佢就一句"你同我定"得埋黎，仲要用好自大既眼神望住你！
事件二：而家天氣熱，開冷氣比阿B，佢就質疑冷氣唔夠凍，好在C6話反佢：＂啱架喇，如果用你既標準就太凍，好在阿B唔係比你湊唔係實冷親＂哈哈!
事件三：有一次我餵完奶99又加把咀話要用條濕布幫阿B抺下咀仔（但佢有時餵阿B又唔見佢咁做過囉!）於是我叫C6整條濕布黎，因為我當時抱住阿B，佢就好似唔多鍾意，可能因為我點佢個乖仔做野，嘻嘻!
事件四：因為阿B有手汗，手仔癡立立同埋D手指"啦＂有D衫纖維，而家又開始啜手指，我就間唔鐘用濕紙巾幫阿B抹手清潔下啦，抹果時梗係整開D手指仔抹走埋D纖維啦，佢又話：＂嘩!抹咁耐，抹到手都爛囉!" 我真係好想話唔通學你過冷河，抹左等如無抹好咩?

7) 99對我個仔講"你媽咪唔理你呀!＂話說事發時C6餵完奶放番阿仔落床仔，但個仔扭計於是C6抱佢出廳，99就主動抱左阿B，C6跟手去左沖涼，而我就上緊網（阿B係由我同C6湊，無要求過佢幫手湊，但其實佢好想湊孫，不過我唔想比佢湊先自己全職湊B）抱唔夠一分鐘就係度對我個仔講"你媽咪唔理你呀!＂雖然我個仔得幾個月大未識聽呢句說話，但我超唔鍾意佢咁講，個仔大個D你又咁同佢講咪死，我當時好想話鬼佢，但咁又可能導致反面，我考慮到C6對佢父母又好孝順，我唔想令佢難做，就等左一陣先過去笑笑口問個仔仲咩咁扭計，而佢即刻比番個仔我抱，於是我就抱番個仔入房氹佢喇!我而家諗起都好嬲，如果之後有好機會我實串番佢！不過都好慶幸個仔無比佢湊，如果唔係佢實日日灌輸"你媽咪唔理你/唔愛你＂呢句說話比我個仔!

8）每次沖涼我先放阿B係我大腿度洗左頭先再沖涼嘅，有次我幫個仔沖涼，佢係度郁，我就講唔好郁呀，跌落水就弊喇!個99又插咀話：＂跌左落水就搞笑囉!＂我心諗：嘩!呢個係你個孫黎架，居然講埋D咁野，你好想佢跌落水咩!我好慶，即刻講：＂睬，閘住＂，唔理佢鍾唔鍾意聽!

9）99話自己好乾淨，但查實好dirty
事件一：成日將D煲，鑊放落地下，無論有冇食物或湯係入面，轉頭又將放過係地下嘅煲，鑊放上餐枱!99連自己飲過嘅果杯水都鍾意放係地下!
事件二：著住係屋企著果對拖鞋出街，然後又行暈全屋

寫住咁多先，諗到再寫!

0 0 0

私人傳訊

Koalatail

大宅

積分: 1987

2^#

發表於 12-7-7 18:07 |只看該作者

回覆：99的小家、乞人憎行為及說話

好討厭

私人傳訊

Birzzle

侯爵府

積分: 20129

最關心BB問題熱投勳章

3^#

發表於 12-7-7 21:17 |只看該作者

回覆：99的小家、乞人憎行為及說話

OMG

私人傳訊

briancth

大宅

積分: 1382

4^#

發表於 12-7-7 21:26 |只看該作者

回覆：99的小家、乞人憎行為及說話

OMG!!!!你位99，同我嗰個好似呀！

私人傳訊

briancth

大宅

積分: 1382

5^#

發表於 12-7-7 21:28 |只看該作者

回覆：99的小家、乞人憎行為及說話

尤其是由湊BB嗰段開始，同埋出街拖鞋周屋走！

私人傳訊

fujiko2012

大宅

積分: 2601

6^#

發表於 12-7-7 21:35 |只看該作者

99的小家、乞人憎行為及說話

你99都好過份wor...

我99近期傑作：我99個姐姐有cancer (發現了幾個月），佢姐姐個女結婚，99係咁同我地講, 雖然擺酒地方cheap, 但都做番平時俾開個分人情啦,當俾家姐醫藥費...

哇,我心諗,99你平時話同D姐妹有幾好感情，使唔使咁講呀,何況我地一直都打算俾一樣人情架啦...重要唔只講一次...總之感覺係風涼話多過關心...

不過,有可能係我心多先咁諗,不喜勿插

點評

booboo_long 好冇口德

發表於 12-7-18 14:50

私人傳訊

pillarfung

禁止訪問

積分: 30876

7^#

發表於 12-7-7 21:44 |只看該作者

提示: 作者被禁止或刪除內容自動屏蔽

私人傳訊

yoyochg

男爵府

積分: 9709

8^#

發表於 12-7-7 22:16 |只看該作者

我都係襯我99唔係度先掉野，仲要c6認頭話c6掉，比佢見到會執返入屋架。

私人傳訊

李大嫂

侯爵府

積分: 23500

9^#

發表於 12-7-7 23:35 |只看該作者

私人傳訊

星野月櫻

男爵府

積分: 7458

畀面勳章

10^#

發表於 12-7-8 00:33 |只看該作者

版主的帖子

家家有本難讀的經

私人傳訊

Bubu520

禁止訪問

積分: 11163

畀面勳章 BK Milk勳章

11^#

發表於 12-7-12 13:19 |只看該作者

回覆：99的小家、乞人憎行為及說話

提示: 作者被禁止或刪除內容自動屏蔽

私人傳訊

j2j2

子爵府

積分: 13826

12^#

發表於 12-7-12 16:42 |只看該作者

我都好記得, 當年結婚, 當日突然要我湛茶比我老公細佬! 事先又冇講. 雖然我唔使跪住湛, 但我都好唔like (當然要照湛, 要跪住湛就死都唔湛了)! 其實我同叔仔冇唔妥, 這只是奶奶多餘的要求. 我嫁又唔係攞佢地家咩著數, 要湛茶比叔仔好似我變左地位低d咁? 咁做咩我老公又唔使湛茶比我個妹呢? 我冇咩其他事好嬲我奶奶, 淨係呢件事記左好多年!