夫婦情感今日: 1|主題: 42710

收藏本版

發帖

返回列表

跳至頁

查看: 752 | 回覆: 1

to Cool_BB [複製鏈接]

little.bb

複式洋房

積分: 106

1^#

發表於 06-2-17 17:16 |只看該作者

to Cool_BB

cool_bb,

你嘅情況我好明白, 因為我奶奶都係咁, 我同佢講一套, 佢就做一套, 連我老公都話佢特登同我作對, 而家bb就嚟一歲了, 佢仲要抱佢瞓晏覺, 又唔教佢行, 話佢自己好攰, 又話bb愈遲識行愈有福, 真係比佢吹脹! 我同佢講話bb已經識得自己拿奶樽食奶奶, 佢就話佢懶唔肯拿, 所以佢次次餵奶都仍然幫bb拿奶樽!但係我明明次次餵佢, 佢都肯自己拿! 所以由老人家湊, bb真係學嘢慢好多!
前兩星期, 佢搞到bb病咗, 到而家都未好, 但係佢就死口唔認係佢整病佢, 仲話而家d天氣, 個個bb都病, 話bb病病吓先會大! 真係激死我!仲有好多嘢:

1) bb 得3個月時, 佢竟然中午12點幾帶佢落街晒太陽, 話吸收維他命c
2) 每次bb食完奶奶, 佢都唔會用水沖吓個奶樽, 個奶樽會一真放到我放工返嚟才由我自己洗, 話咗n次, 都係咁, 到而家, 我已經無再出聲了, 就由我返嚟自己洗
3) 比bb飲水, 永遠唔會溝少少熱水, 永遠都係比佢飲番我返工前比佢飲嗰樽水
4) 叫佢喺bb食完奶奶/飲完湯/果汁, 比d水佢飲, 佢又無做
5) 喺我面前好大力打過bb幾次, 話bb成日young手young腳! (有邊個bb唔會young手young腳? 佢唔young你仲驚啦!)
6) 永遠天氣凍都唔會同bb著衫, 我返工前(下午), bb著咁多衫, 到我放工, 天條涼咗, 佢都仲係著咁多衫!!
7) 成日靜靜比咗d嘢bb食, 都唔話我知 (因為我叫佢一歲前唔好比bb食麵包, 因為怕佢對蛋白敏感, 點知到bb11個半月大時, 我試過bb無對蛋白敏感, 然後話佢知, 佢竟然話佢知, 話佢之前又都成日比bb食包, 話我之後都無同佢講話bb有事!!!!!!真係激死我! 好彩bb無事啫, 如果唔係我都唔知佢咩事! 因為佢實唔會講!)
8) 天氣仲涼時, 佢竟然可以同bb沖涼玩水玩成半個鐘, 結果bb就病了, 之後仲話唔關佢事!
9) 有次我番到屋企見到佢同bb玩緊, 而bb成條鼻娣留晒出嚟佢都唔知, 到我一講, 佢就即刻用手同佢抺咗, 仲話無呀, 無呀!
10) 成日抱完隻狗, 唔洗手就抱bb
11) 對住bb碗粥仔打乞"痴"都唔擰開, 又唔用手"暗"住個口
12) bb一食完粥仔/奶奶, 就將佢拋高嚟玩
13) 竟然同bb玩用牙籤"new"牙齒! 佢都唔怕會插肓bb!! 真係痴線!
14) 明明bb有咳, 仲偷偷比香蕉佢食, 之後仲話無, 再講多兩講, 又話比得少少, 你話佢幾大話!

以上只係而家記得嘅少部份, 諗到先再話你知!