吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我的汕尾99之了解下自找嫂(27)

婆媳關係今日: 0|主題: 27765

收藏本版

發帖

返回列表

跳至頁

查看: 8325 | 回覆: 113

12 3 4 5...6

積分: 7839

1^#

發表於 12-7-8 16:43 |只看該作者 |倒序瀏覽 |打印

本帖最後由 joechan1999 於 12-7-8 16:43 編輯

見今日得閒就快快手出埋27俾大家睇住先. 上文提到自找嫂第2胎因為妊娠血壓高既問題要係7個月既時候開刀生左出黎. 而呢胎係女仲要得過2磅.

因為自找嫂有左呢99冇講俾人知. 所以99係咩都冇準備薑個D就一定冇. 連去睇下自找嫂都冇. 點解會甘. 因為99一向都叫左自找嫂唔好再生. 因為有一個仔咩都夠. 都唔明咩事會生個女出黎, 仲要得個磅. 99覺得醜, 所以冇同人講. 即係冇親戚知. 甘BB因為太輕既關係. 要係醫院ICU度. 無賴哥會係醫院探完BB就會影D相返黎俾99睇. 甘99都會叫我睇下. 可能佢作賊心虛啦. 所以有D咩事佢都會同我講既. 好似想當咩事都冇發生過甘. 我睇到D BB相. 真係好驚. 條初生既尿片好似件衫仔甘蓋到BB成個身. 可以想像到BB有幾細個. 我到氧氣箱旁邊有好多儀器, BB又插晒喉....真係好可憐. 自找嫂係醫院住左幾日就出院. 甘BB就要留係醫院ICU. 當時我估真係好危險.

相比起4磅仔, 呢個女真係好似地底泥一樣. 99對BB不聞不問. 好似唔見得光甘. 甘自找嫂梗係不是味兒. BB係點既情況呢我都唔係好知. 只係知道住左2個月醫院, 夠晒4磅就俾佢出院. 不過要每3個月返醫院做檢查. 因為要KEEP CHECK住BB既發展. 因為太早出世引起好後遺症. 我只係知道99同2磅女出院, 其他就一切冇咩野做過.

甘我個仔個時都開始食D米糊既野. 我去開買D有機米糊時, 都留意到有D野可能岩2磅女食. 不過我如果唔係同自找嫂甘熟. 都唔知好唔好買俾佢. 因為我驚佢唔知我搏咩. 不過呢C6講咩都係為小朋友. 大人唔好. 都唔應該拖埋小朋友落水. 我見C6都好似幾認同我甘. 我就SEND個EMAIL俾自找嫂, 問下BB既狀況啦. 因為好耐之前無賴哥俾過自找嫂個EMAIL 俾C6, 因為自找唔知咩D咩有DISCOUNT. 甘當然我地唔會問自找嫂啦. ANYWAY, 我SEND左個EMAIL俾自找嫂, 好快佢就回左我. 佢問我唔係唔喜歡佢咩. 咩事會EMAIL佢既. 甘我問佢咩事甘講啦. 佢話入門個陣99叫佢唔好同我講甘多野. 因為我係一個好麻煩既人. 呢度我知道99係想分化我地2個. 同一句說話分別同我同自找嫂講. 甘無賴哥及99既衰野就冇人知. 甘我同自找嫂講, 99都係甘同我講, 叫我唔好同你講甘多野. 甘自找嫂就放低左介心, 就同我講而家BB係點. 甘我就唔客氣問佢咩事要生呢胎, 因為聽99講佢身體唔太好, 其實醫生都唔建議佢再生. 自找嫂講都冇意思生既. 不過佢高血壓唔可以食避孕藥, 甘無賴哥又唔用套. 就係甘先出左事. 而且因為我地生左個仔. 無賴哥想生多個仔. 甘心理上好似可以分多一份錢甘. 不過自找嫂當時只係聽左就算, 都冇放係心到. 點知就俾無賴哥陰到. 自找嫂講99知道係女就唔湊. 只係肯湊4磅仔. 所以唯有將2磅女找返外家湊. 而無賴哥人前好似好緊張. 其實佢都不知幾唔鐘意個女. 個女一喊佢就發晒癲係屋企亂甘掉野. 而且呢輪無賴哥成日去到通宵先返屋企. 自找嫂驚佢係面有女人. 當我睇完呢個EMAIL之後, 真係咩粗口都講晒出黎. 到底自找嫂甘大個人唔識保護自己同小朋友嫁咩. 而無賴哥又有咩本事出去搞女人呀!!!!! 仲有係唔係利用BB黎分家產呀. 呢D人真係唔死都冇用.

如果大家想知道故事發展, 可以留個言支持下麻. THANKS!

點評

la_source 真係冇陰功

發表於 12-7-13 11:50

picture Your 99 ... sigh. 發表於 12-7-12 01:21

booboo_long 賤精人辦

發表於 12-7-11 14:45

lanlo

發表於 12-7-11 09:34

sisbro

陰功...... 發表於 12-7-9 12:58

Strawberrybaby 支持！

發表於 12-7-9 00:12

0 15 0

私人傳訊

amilaulau

大宅

積分: 4099

2^#

發表於 12-7-8 16:46 |只看該作者

回覆：我的汕尾99之了解下自找嫂(27)

第1

私人傳訊

clara1975

伯爵府

積分: 18754

畀面勳章

3^#

發表於 12-7-8 16:47 |只看該作者

回覆：我的汕尾99之了解下自找嫂(27)

私人傳訊

Candywong61

侯爵府

積分: 21924

母親節2025勳章 2025勳章蛇年勳章

4^#

發表於 12-7-8 16:49 |只看該作者

等！

私人傳訊

肚仔餓

大宅

積分: 1094

叻叻勳章畀面勳章

5^#

發表於 12-7-8 16:50 |只看該作者

私人傳訊

msyukilau

大宅

積分: 2295

6^#

發表於 12-7-8 16:51 |只看該作者

回覆：我的汕尾99之了解下自找嫂(27)

痴線~幾億身家咩，竟然搵命搏，無賴哥真係賤到

點評

Nightcat 佢倆公婆都自X私,男的唔帶套,女的結札左佢咪一了百了囉! 發表於 12-7-9 12:57

小寶貝兒唔係搵自己條命黎搏, 無賴哥梗係覺得搏得過架! 發表於 12-7-8 17:41

私人傳訊

sukkiu

珍珠宮

積分: 46498

好媽媽勳章醒目開學勳章畀面勳章

7^#

發表於 12-7-8 16:52 |只看該作者

唔食藥都有其他方法去避,自己搵來攪.

私人傳訊

MyTulip

子爵府

積分: 12138

8^#

發表於 12-7-8 16:58 |只看該作者

咁睇自找嫂個人其實都無咩機心,就係蠢咗啲囉

點評

carrina 唔係蠢又點會跟阿無賴....

發表於 12-7-9 14:39

私人傳訊

diong

水晶宮

積分: 57108

9^#

發表於 12-7-8 17:03 |只看該作者

私人傳訊

mh1001b

男爵府

積分: 8877

好媽媽勳章醒目開學勳章

10^#

發表於 12-7-8 17:08 |只看該作者

版主的帖子

私人傳訊

肚仔餓

大宅

積分: 1094

叻叻勳章畀面勳章

11^#

發表於 12-7-8 17:09 |只看該作者

開始有小小澄自找嫂慘, 你個小人99 同無賴哥真係衰格到冇人有

學老人家咁講: 一個人作咩惡業今世報唔到,都會報落作業者仔女身上.

就好似你個小人99 同無賴哥咁.

因果者，必有其果；行善者，必得善報；作惡者，必得惡報，如種瓜得瓜之謂也。

有人善事肯為，而偏得事業不如意或病或死，便謂上天無眼，善惡無報，蓋因不知其因也。此皆因祖先有餘殃未盡，累及子孫而受其禍之故也。

為人處世勿怨天尤人，須知因果報應，善惡昭彰，近報於自己，遠報於子孫，絕無差錯，所以善者，其功果必多，其福必長，蔭自己，還蔭及子子孫孫。為惡者，其罪過必多，其殃必久，害自己，還累及子子孫孫受其禍；所以人之禍福，皆由功過所釀成，豈可不修功而願作惡乎？

[ 這就是 : 因果報應 ]