Baby Kingdom - 親子王國 香港 討論區 › 首頁 › 論盡家傭› 換唔換工人好 ???

論盡家傭

收藏本版
發帖
返回列表
跳至頁
換唔換工人好 ??? [複製鏈接]

首頁
12

尾頁
   0
xwt


洋房

積分: 259


1#
發表於 06-3-15 00:10 |只看該作者

換唔換工人好 ???

我個印印之前嚮sp做左兩年, 不過初初0黎到, 乜都唔識, 最基本做家務煮野都唔得 (d野唔講好唔好味先, 係煮唔熟先慘, 另外叫佢抹檯, 佢可以見到d垃圾都係咁掃晒落地就叫抹完....只是舉例, 仲有好多激氣野), 依家做左8個月, 好辛苦鬧左好多次先教識佢好多野, 已經試過好多次嚇佢話要炒佢, 罰佢錢, 罰佢食豬肉 (我次次都係講, 但冇一次真係做, 諗住佢會驚, 下次一定改過 , 但每次都係好幾個禮拜又衰過). 其實佢份人真係好蠢, 我可以話佢係全世界最蠢 (不過實際上係咪咁蠢就唔知), 好似洗衫咁, 我已經叫佢唔好用熱水洗, 但佢白痴到開住好熱的熱水, 一路洗一路'fing'隻手話 "shu..shu..好熱" 咁都唔識熄熱水. 仲有我最憎佢成日講大話, 多多藉口, 有證有物都要死頂, 一分鐘前解釋係A, 可以一分鐘後又話係B, .... 尋日, 又激嬲我, 我個女食飯個碗蓋dirty到好似發'mo'咁, 條邊全部黑色, 其實佢前幾日先拎晒我個女d餐具同個盒大清洗, 係盲0個個都睇到啦, 我都唔明佢點解唔洗, 成日都要我叫先做, 洗咩都係咁, 洗完d污漬都0係番0個到, 成日要話, 仲要好惡咁話先會做得好. 今日同兩個細路出街, 被同褸都未拎未著, BB仲訓0係張床到, 揹帶又未拎, 佢竟然可以自己著晒鞋企0係到等我出門,郁都唔郁, 其實好多事都可以忍下就算, 不過湊住兩個細路已經好辛苦, 請著個幫唔到手又白痴真係好激氣, 我嬲起上黎叫佢比錢我當罰, 佢即刻好嬲話我成日話要罰錢, 喂..大佬, 我夠叫你唔好成日咁做野啦, 跟住佢同我個女講 "唔要姐姐好唔好呀, 唔好要我啦", 我話 "你要走就走, 唔好咁多野講, 收聲", 跟住講左一論之後佢就叫我call agent, 但係個agent一d都幫唔到我, 服務態度差到死, 聽完我講就 "啊..啊...咁點呀 ??" (海x, 好多分店的) 收線後我問佢你係咪要走, 佢話 "係, 你比返本passport我", 我話 "好呀, 你去執野", 當我拎左本passport出黎, 佢就同我say sorry, 叫我原諒佢, 其實我都係冇辦法先俾佢留低, 因為我實在湊唔到兩個小朋友.

睇到BK好多媽咪都請到D唔好的工人, 偷錢打小朋友的工人又多的是, 雖然我依家呢個係好蠢, 又唔主動做野, 又唔用腦諗野, 又成日浪費我D野, 但係佢起碼唔會偷又唔會打先啦, 我好驚請到一個比依家更差的, 但佢依家話留低, 唔知會唔會唔順超, 整鬼我d仔女.....大家認為我換唔換好 ???
私人傳訊

peterhopingtak


別墅

積分: 712


2#
發表於 06-3-15 00:58 |只看該作者

Re: 換唔換工人好 ???

換左9年啦！條條都係死罪，佢自己都唔想撈，叫妳call agent。仲唔炒，遲d仲鑊鑊新鮮鑊鑊金，妳就知味道。
兒童是世界上最快樂的人兒。
私人傳訊

開門見山


大宅

積分: 3552


3#
發表於 06-3-15 07:28 |只看該作者

Re: 換唔換工人好 ???

無錯,以前我炒個賓同印都係咁,個印個agent衰到我炒完佢果時(因為個印未比哂佣)為咗同佢揾新僱主,竟然同immg講話我打佢 immg打嚟問我,我話我未告佢亂咁比药我亞b食呀 ,之後炒個賓又係因為好似你個印咁扮q哂蠢乜都唔做,又污糟......我炒佢果時仲「柜」低求我唔好炒佢,我say no I`must termination you now,please get out....之後我冇再請工人,將亞d比人凑日頭,夜晚先返屋企...呢...最近先請個印嚟care我亞媽 唉...又係咁樣,差不多半年,我亞媽話佢仲要煮埋比佢食,我唔同住,睇唔到情况,唔知邊個啱邊個錯... :-(
peterhopingtak 寫道:
換左9年啦！條條都係死罪，佢自己都唔想撈，叫妳call agent。仲唔炒，遲d仲鑊鑊新鮮鑊鑊金，妳就知味道。
私人傳訊

JosephineChu


別墅

積分: 890


4#
發表於 06-3-15 09:02 |只看該作者

Re: 換唔換工人好 ???

如果係我, 一早炒左.

工人問題, 一定要正面處理, 如果唔係真係獲獲新鮮獲獲金.

私人傳訊

waiwaimummy


大宅

積分: 1054


5#
發表於 06-3-15 09:25 |只看該作者

Re: 換唔換工人好 ???

xwt,

想問o下妳個agent 叫海x呀?
我又係揾海x請工人(申請中),我好驚係同一個agent.
私人傳訊

tssm


別墅

積分: 617


6#
發表於 06-3-15 09:28 |只看該作者

Re: 換唔換工人好 ???

你個工人一定要炒架喇,佢咁樣點湊細路呀?一聽到有街去就開心到顧左自己先,BB都唔理,你諗下佢會唔會鍚你d細路先,你敢
私人傳訊

tweetybird


男爵府

積分: 5929


7#
發表於 06-3-15 09:39 |只看該作者

Re: 換唔換工人好 ???

態度有問題，需要說清楚，如果真係教而不聽，那你就唔好要她啦。每次講唔要，但次次都可以留低，已經無了那個阻嚇作用。講多幾次她都唔信啦。

但我覺得唔係下下都要同個工人講要罸她錢等等的說話，就算一次都無做過，我都覺得個感覺係唔好。真係打爛野，當然係要賠啦。但做錯野，又或者未做得對，又或者其他唔關整爛野事的野都要賠錢，我個人覺得都幾唔好。好似做得好時無錢俾，但少少野做錯就係要罸錢，雖然無罸過，但我唔識講，總係覺得唔係幾好。
私人傳訊

過客


大宅

積分: 1820


8#
發表於 06-3-15 09:42 |只看該作者

Re: 換唔換工人好 ???

你行到 lee 步 (......好呀, 你去執野", 當我拎左本passport出黎, 佢就同我say sorry, 叫我原諒佢.....), 我覺得你都係唔好要佢啦, 如果唔係, 你兩個細路受罪, 細路係無辜, 比佢整就唔好啦, 但如果有人吸住, 或者都可以用住個工人先既...
私人傳訊

Winnie靚媽咪


複式洋房

積分: 276


9#
發表於 06-3-15 09:48 |只看該作者

Re: 換唔換工人好 ???

一定要炒,你都比咗咁多機會比佢啦! 無理由"帖"錢買難受!
私人傳訊

雪瑩媽咪


大宅

積分: 4187


10#
發表於 06-3-15 10:24 |只看該作者

Re: 換唔換工人好 ???

你都打埋去ａｇｅｎｔ到，又做到真係拎佢passport出黎...
炒啦...換過個安全d~~~
如果唔係你就提心吊膽...無必要令自己精神緊張嘛!!!
私人傳訊

AS


大宅

積分: 3016


11#
發表於 06-3-15 10:32 |只看該作者

Re: 換唔換工人好 ???

唔駛諗,比我一早換左喇,你仲要忍佢。
私人傳訊

LEON


大宅

積分: 2010


12#
發表於 06-3-15 11:03 |只看該作者

Re: 換唔換工人好 ???

你地雙方既關係已經破裂左，你對印印亦充滿成見，咁日後既日子同一屋簷下係好難過！除非你能隻眼開隻眼閉、退一步降低要求，但你做得到嗎？你丈夫又有甚麼意見？
私人傳訊

xwt


洋房

積分: 259


13#
發表於 06-3-15 23:52 |只看該作者

Re: 換唔換工人好 ???

其實我老公成日唔係香港, 多數都係得我同兩個小朋友對住佢, 我都有同老公講過佢做野好唔掂, 我老公都有試過俾佢激到用粗口鬧佢 (唔係當面話佢, 即係好嬲, 0係我面前發脾氣), 但佢又話, 驚換另一個仲差過呢個.....又話我有工人用都咁慘.!!

佢之前冇湊過nb經驗, 但我認為日日教佢都唔成問題, 我自己都係初次做媽咪都可以好快學到. 0黎到後, 發覺佢好無腦, 譬如過馬路唔睇車 (有次我抱住我個女, 佢自己推住我個仔行, 我係咁追佢, 佢竟然唔睇車過馬路, 點知有架巴士駛緊過黎, 嚇死我), 感覺佢好似雲遊咁, 出親街除左照顧我兩個小朋友外, 仲要照顧埋佢, 好慘.....我個女好鍾意同佢玩, 但係湊小朋友...50分law!!

其實我都唔想罰佢錢, 但係我真係無辦法, 我都唔明點解d人可以俾人話左十萬九千次都唔去改, 次次都話I forget, sorry...就算, 我都係想迫佢改下, 黎左8個月錯黎錯去都係0個d....!!

點解我咁煩腦.....因為我真係好驚請過另外一個更加差的, 除左我自己辛苦外, 我老公同屋企人都唔會明白我感受, 只會話我乜乜乜...係咪多數工人都係咁樣??!!
私人傳訊

xwt


洋房

積分: 259


14#
發表於 06-3-16 00:00 |只看該作者

Re: 換唔換工人好 ???

waiwaimummy:我0個間agent(海x)有幾間分店, 朱x潔賣廣告0個間呢!! 其實我以前屋企同呢間agent請過幾個都好滿意, 所以先搵返佢, 不過今次真係好失望.

首先, 煮飯.... 唔講好唔好味先, 就算個工人話係sp做過係假的, 咁0黎香港之前都有train過嘛 (0個陣到港前仲拖左我多個幾禮拜話要0係sp train先過黎), 無理由連d食物熟唔熟都唔識, 飯又唔識煲(初頭一時硬過頭, 一時好似粥咁), 蒸魚同炒菜好基本好簡單0者, 都唔熟, 我問agent你地點train佢, 佢話 "我地有train, 但係佢個人吸唔吸收到就係另一個問題" 佢咁講, 我仲有咩好講呀....

我唔係要唱衰佢地, 我諗大公司就係有呢d唔好, 太好生意可能follow得唔太好, 尤其係俾晒錢之後, 祝你好運.
私人傳訊

emilylisa


洋房

積分: 341


15#
發表於 06-3-16 20:52 |只看該作者

Re: 換唔換工人好 ???

快快炒左佢啦, 我係過來人, 我以前個印印都係咁,叫親佢做野都話唔記得,個窗d塵可以寫字,佢都話0岩0岩抹左......又成日駁嘴,仲大聲過我,炒左佢後,換左個好好既 ;
私人傳訊

xwt


洋房

積分: 259


16#
發表於 06-3-16 20:58 |只看該作者

Re: 換唔換工人好 ???

emilylisa : 你再請過個, 係請海外還是local的 ?? 菲定印 ?? 你真係好運, 可以請到個好的, 我覺得請工人真係好講運氣.

我覺得, 人一定有做錯事的, 只要做錯去認, 下次改過咁就ok, 我都一定會俾機會, 最憎佢地成日講大話又成日駁嘴先黑人憎呀.
私人傳訊

citadel


大宅

積分: 1516


17#
發表於 06-3-17 04:16 |只看該作者

Re: 換唔換工人好 ???

過客 寫道:
你行到 lee 步 (......好呀, 你去執野", 當我拎左本passport出黎, 佢就同我say sorry, 叫我原諒佢.....), 我覺得你都係唔好要佢啦, 如果唔係, 你兩個細路受罪, 細路係無辜, 比佢整就唔好啦, 但如果有人吸住, 或者都可以用住個工人先既...

同意，但要「閤」得佢好實！
私人傳訊

YYB


大宅

積分: 1542


18#
發表於 06-3-17 10:28 |只看該作者

Re: 換唔換工人好 ???

你可以忍佢咁耐，比我一早炒佢啦，你個件質素差成咁，搵到差過佢的機會只係百份之十，所以快快趣換人啦，不單止幫唔到手，仲要激氣，除了人工仲要提供咁多野(食住､水､電.....)比佢，好唔藉。
私人傳訊

riana-liu


洋房

積分: 55


19#
發表於 06-3-17 10:44 |只看該作者

Re: 換唔換工人好 ???

炒啦!快
私人傳訊

justjust


大宅

積分: 4412


20#
發表於 06-3-17 11:53 |只看該作者

Re: 換唔換工人好 ???

你老公經常不在家都俾佢激到要講粗口﹐叫佢諗下你由朝到晚對住個工人會點﹖

唔好諗請過個會唔會好d定差d﹐大家都知道係講彩數。

不如諗下工人表現達唔達到你既要求﹐如不達有冇改善機會。如果你覺得係改善唔到既﹐就換啦。還掂手上既都係差既唔會改好﹐點解唔博一博﹐起碼有50%機會下一件會好d。

至於你小朋友鐘意同佢玩﹐我可以同你講﹐基本上小朋友鐘意同所有人玩﹐何況日日對住﹖你仲話佢揍細路麻麻添。剩係識得玩﹐唔夠喎。唔好俾呢樣野影響你既決定。
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy