同大家講過 c6 醉心學佛, 一個星期一半或以上時間唔响屋企, 屋企 d 野又唔理, 我好似單親咁.
尋日一齊食飯, 已經 6 日無見. 成餐飯佢講左好多野, 關於佢地做義工的事情, 有意見衝突之類.
之前佢都有講下, 無咁 detail 的, 可能忍左好耐, 同 d 啱傾的義工傾完都唔够, 又再同我呻下.
我諗佢
1. 以前未去, 好想去. 現在發覺人的地方好多問題, 唔係自己諗得咁完美開心.
2. 隔得耐左至見我, 以前日日對唔稀罕, 而家一個月一齊食飯都無 10 次, 夜晚番黎我多數瞓左.
有得一齊食飯的時間變得重要左.
3. 發覺原來我係一個傾訴對象.
佢去左佛堂, 帶來以上感悟, 都好o既.
有些事/人, 以為唔係重要, 原來唔係咁無價值.
近乎失去, 才懂珍惜.