心聲留言今日: 0|主題: 17527

收藏本版

發帖

返回列表

跳至頁

查看: 877 | 回覆: 1

小朋友驗眼真係好煩............... [複製鏈接]

朱古力

男爵府

積分: 5657

1^#

發表於 06-5-11 15:47 |只看該作者

小朋友驗眼真係好煩...............

我囝囝有先天性散光，佢兩歲時我第一次帶佢去驗眼，
佢淨係識得笑，乜都唔識講，到佢三歲半時我再帶佢去驗，
視光師驗到二百幾度散光，話係天生的，要帶眼鏡，
跟住一路覆診覆診再覆診，到今年年頭，視光師又再發現，
佢唔止二百幾度散光，應該係三百幾度先真，我問佢，
差百幾度，唔係四個月內升多百幾度嗎？視光師都話唔係，
可能之前驗得唔夠準確，於是我預約理工果邊再驗，
琴日驗完番黎，視光師話應該右眼係四百度散光，
左眼係三百度散光，佢話有埋電腦分析圖，應該無錯，
但之前果間係左右眼掉轉，但近視就最衰，用人手驗，
係右眼百幾，左眼幾十，但滴藥水後用電腦驗，
就右眼三百幾，咁∼即係點呢，連視光師都唔明，
佢話唔正常，無理由相差二百咁多，唯有當佢百幾度，
三個月後覆診再決定，我囝囝今年五歲，帶左眼鏡約二年，
已經配左四副眼鏡（其中一副爛左），配鏡配左五次．
錢都唔係最大既問題，始終無得慳，但到底點驗先驗得到，
佢真正既度數呢？我真係好難過，聽到佢夢想做消防員，
唉∼好似自己比唔到一個健康身體佢咁． :-( :-(

岩岩同朋友傾開，佢囝囝帶緊減近視散光隱形眼鏡，
唉∼我即刻叫朋友幫我問下醫生，我囝囝可唔可以帶，
希望得啦∼