夫婦情感今日: 0|主題: 42703

收藏本版

發帖

返回列表

跳至頁

查看: 2664 | 回覆: 63

我要好好對自己, 活得比佢好 [複製鏈接]

12 3 4

mimiNbaby

男爵府

積分: 5888

陪月勳章

1^#

發表於 12-9-14 23:01 |只看該作者 |倒序瀏覽 |打印

自從懷孕３８週時發生左啲事，　呢個幾月黎我過得好辛苦, 睇過jm既reply, 睇過全為愛既帖子, 開初還是想不通, 後來睇到某個jm既帖, 講佢既經驗, 我開初諗通了. 我要為自己而活, 不要再把所有心思放在老公到, 放得愈多, 才落得如此下場, 傷得很深.......
一路以黎, 我都以為我搵到個好老公. 當初追我時, 我冇諗過同佢一齊, 後來被佢既真誠感動左, 佢一路以來都對我好好, 乜野都以我為先. 佢俾到我安全感, 係一個專一的人. 不過兩個人相處, 總有不合既地方既, 總會有唔開心既時候, 但都有好多開心的事.

無奈正準備結婚時, 老公咁岩失去一位至親, 令佢有點失去理性, 出軌了. 當時冇俾佢知我已經知道了, 只是默默等待佢回心轉意, 最後, 佢回心轉意了, 不過, 佢只對我承認曾經有個女仔佔左佢心部份位置, 可惜其他過份既事佢冇認到, 但我一一知道哂, 不過, 當時我認為, 人誰無錯, 佢本質唔係咁, 可能傷心得濟才做出啲咁既事, 所以俾次機會佢. 不過佢話選擇番我之後, 佢跟果個女仔都拖拉左好幾個月, 條刺一路都O係我心入面.

可是呢幾年, 大家仲係有好多唔開心既地方, 我成日都因為佢唔開心, 同佢傾佢又唔聽仲黑面, 我唔開心, 其實係因為佢既語氣唔太好, 成日令我有hard feeling, 好好地同佢講, 佢永遠嬲左我話佢自己冇問題, 有時都好心灰, 我已經好聲好氣同你講, 我唔係亂up, 但你都唔肯聽我說話, 同要板起塊面, 當時個心真係好酸.

懷第二胎時情緒變得更差, 正直電視劇內容令我勾起佢第一次出軌既事, 好容易唔開心, 老公已經無力去安慰我氹我了, 每次唔開心佢都選擇唔理我, 我自己就會變得更唔開心. 最後大家開始去見婚姻輔導, 希望對大家既關係有幫助, 可是到我臨生時, 老公壓力爆煲了, 黎自我/工作/家人, 佢居然再一次傷害了我. 我只係發佢同佢同事言語上出軌了, 我因為老公一句: "i love you baby", 足夠傷了我的心. 但行為上有冇出軌, 我無法知道, 因為佢地出差唔o係香港, 我老公當然無認行為上出軌了, 我唔知應唔應該信, 我本來想信, 可是我每次問佢一啲問題時佢都會避開好求其咁答, 有時仲會不斷搵藉口去答我既問題, 什至有時我知道係大話. 我開始覺得失望. 佢一路都否認呢個女仔對佢有意思, 可以, 字裡行間, 我睇唔出唔係囉. 老公同佢講佢老婆又唔開心了, 個女仔係叫我老公諗下佢同我老公啲開心野, 又話佢地好快會見, 又話仲有人好需要佢, 就係果個女仔. 我老公一一咁話呢啲句子冇野. 過去呢個幾月來, 內心既天使同魔鬼在打仗, 一時魔鬼出黎話佢地上左床, 一時天使出黎話我老公冇野, 呢段日子真係好辛苦.

到左宜家, 老公都冇表示佢同果個女仔維持著乜野關係, 問佢有冇同人講清楚, 佢話: "講過下啦....", 對於"i love u baby", 佢話唔係我諗既意思, 又話baby係好common既叫法. 什至宜家, 佢地開始用另一個apps去傾計, 實在好難令我安心. 佢以為唔提關於個女仔既野就得, 但我好唔安心. 我覺得佢應用主動做啲能令我安心既野, 你o係我隔離send 緊msg傾公事, 能否主動俾我睇下? 你每月出trip, 能否出動啲講下你個schedule俾我知? 佢要我接受佢地因為工作而要繼續來往, 但佢做唔到能令我安心既野, 我開始死心了. 我同佢講左我既感受, 佢只係黑面, 唔出聲, 我仲可以點?

睇到某位jm既帖, 我真係放得太多心思落老公到了. 最初既我唔係咁, 我有我既生活, 好開心, 因同佢拍拖後, 佢初時好緊張我, 所以我地成日都要一齊, 我想玩話劇跳舞都唔俾, 因為會近到啲男仔, 最後, 我好多興趣都冇了, 一得閒就同佢一齊拍拖. 令我將所有心思/時間都放哂落佢到, 換黎的, 就係被佢咁樣傷害. 我一路以為世界上總有好男人, 我以為我身邊果個係其中之一, 懷孕時黎呢個版, 見到好多jm有左時老公有小三, 我仲好慶幸自己老公唔會咁, 點知38週時就出事了. 原來個個男人都係一樣的, 爭在早與遲. 有jm俾左好好建議我, 好好修復呢個家, 等老公開開心心咁返黎. 我會做, 可是, 心裡有點不憤, 點解做錯事的係男人, 偏偏要個女人做咁多野. 難道男人做錯事不用補償之餘仲要個老婆做多好多令個老公返黎? 點解?

為免唔好令自己再受傷害, 我要好好愛自己, 只有自己才能令我開心/幸福. 我唔會再放咁多心思落老公到, 呢個人到底仲值唔值得我去愛? 我真係唔知, 我需要時間再重新去睇清楚. 我要好好對待自己, 將自己變成一個有吸引力的人, 令老公知道佢需要"珍惜"