吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 借個位比我發洩吓.. 點解有D咁心理不平衡的同事? ...

在職全職今日: 0|主題: 48020

收藏本版

發帖

返回列表

跳至頁

查看: 602 | 回覆: 7

[在職媽媽] 借個位比我發洩吓.. 點解有D咁心理不平衡的同事? [複製鏈接]

AWma

子爵府

積分: 10645

1^#

發表於 12-9-18 14:12 |只看該作者 |倒序瀏覽 |打印

點解成日將佢自己諗的, 去引度其他人去差度我? 係一定要整走我嗎?

每年去嘉年華, 老闆提供入場卷, 但只可以換一份禮物, 佢次次都要爭住換禮物, 換完返來, 名義上係大家份, 但實際上佢自己先選完, 唔要的放出枱上比我. 我都唔會同其他同事講返佢呢D行為, 我覺得只係禮物, 要左又唔會肥, 又唔會發達, 你鍾意就要晒佢都得啦.

但近呢幾日, 先有其他同事同我講返, 過去幾年, 原來呢位惡婦咁樣將D事實扭曲了,

1) SO刨: 佢放SO刨出來, 講真, 我都唔想要. 所以我就唔攞囉.. (唔係你唔要的, 我一定要接收呀?) 點知, 佢返來就同D同事講, 話我令佢難堪, 因為佢無老公, 只得一個女, 個女大左都唔會用SO刨. 話我咁黑心, 提醒佢無老公??? 嘩! 咁你咁唔願意攞, 就算囉… 但卻講成我係一個毒婦.
2) 公仔: 佢年年都會要隻公仔比佢個女, 但上年, 我媽忍唔住, 覺得佢太霸度, 所以要求要隻公仔留比個孫 (我上年大肚無去, 讓左張飛比我媽去) 只係要一年. 佢返來就同D同事講, 話我媽搶佢個女的公仔.. 話年年都佢要女仔禮物, 我要男仔禮物, 話我媽搶埋佢D女仔禮物???? 其實嗰D禮物, 邊有男仔女仔? 有係有, 不過係HAND CREAM, 女性用, 佢要左, 古銅太陽油, 男性用, 佢比我. 但我要D太陽油都無用, 結果掉左. 呢D就所謂男女禮物? 講真, 我要左全部都無用.
3) 又同D同事講, 話老闆背後幫我, 我D工作先咁順利? 佢唔明點解佢工作唔順利? 嘩! 大佬呀, 我有做晒準備功課先去開會, 先去同人家攞期架, 難道咩都無係手, 就同人家傾期咩? 佢都傻傻地.. 佢就係成日兩手空空去問野, 比人鬧返轉頭. 就話我因為有老闆撐我? 搞到D同事又以為真係咁, 杯葛我.
4) 最攞命係佢幾年前已經小人到直接走左去同老闆講話我無野做, 游手好閒. (好想老闆炒我)… 當然我仍然在這公司生存中.

其實仲有好多無中生有的事情, 有D同事已經比佢洗腦, 覺得我係毒婦, 但好彩還有些同事頭腦清醒, 將呢位無中生有, 嫉妒的同事的惡行告訴我, 讓我更清楚了解一個如此恐怖的獨婦人… 難道沒老公, 就真的要心理不平衡?

0 0 0

私人傳訊

Bilililly

大宅

積分: 1939

2^#

發表於 12-9-18 14:21 |只看該作者

回覆 AWma 的帖子

JM你講得啱，有D人係心理唔平衡架，每間公司都有，去到邊都一樣

只能夠安慰你，呢D人對自己係一種警剔，唔好變成佢咁，做事光明磊落，自然心安理得

加油呀！

私人傳訊

davis

大宅

積分: 2602

3^#

發表於 12-9-18 14:28 |只看該作者

好小事，間間公司都有這類人, 你第一份工嗎？

私人傳訊

BlueViann

男爵府

積分: 7008

畀面勳章 BK Milk勳章

4^#

發表於 12-9-18 14:37 |只看該作者

做佢個女都幾慘....:;pppp:

私人傳訊

20022009

男爵府

積分: 6903

好媽媽勳章

5^#

發表於 12-9-18 14:42 |只看該作者

如果我係你. 我會小心說道是非既同事. 我唔係話你同事幫你都唔得. 而你要認清佢係咪真心想同你fd. 佢可以講比你聽你同事既惡行. 同時. 佢都可以係你同事面前講你既惡行.

除咗街外朋友. 最好同事講是非多一句不如少一句.

私人傳訊

llmanll

男爵府

積分: 8518

6^#

發表於 12-9-18 14:59 |只看該作者

同事真係無個好，遇得怪人多就會學習到保護自己

私人傳訊

AWma

子爵府

積分: 10645

7^#

發表於 12-9-18 15:46 |只看該作者

呢份唔係我第一份工... 我已經係呢到做左好多年了.. 不過我一直少說話的人, 間唔中知道有人中傷我, 我對呢D閒言閒語不多理會的.

不過, 你唔理, 唔代表人地會放過你. 當我聽過多人的跟我的說法, 令我覺得這個小人實在很可怕, 扮可憐, 駁同情, 不斷想令跟我合作的同事分離我….

當然, 講我聽的同事, 我是信得過的... 一個係之前非常討厭我的同事, 討厭我係因為此小人的說話, 但後來這個同事清醒了, 發現她眼見跟小人講的越來越有出入, 再親歷見證, 所以此原本討厭我的同事變為我的好朋友了.
就將她之前種種的誤會告訴我了.
另一些是跟我共事很多年的同事了, 大家也很有默契了. 這個小人希望排斥我, 但幸好信任我的同事信任我的人格.