各位，又到左一次過答晒既時間啦！
金金係舊年5月開始養，個陣佢太約係出左世1個月咁上下，不過佢家陣等於人類成40歲架啦！
MONEY 係舊年10月開始養，個陣佢應該係3個月大咁上下，佢家陣等於人類十幾歲！
............................................................
霸王女係由第一日返幼兒園開始喊，喊到中一下學期先好D。幼稚園、小學、逢係教過佢既老C，同班同學，個個都知佢日日返學都喊，因為我次次都拖C狗咁拖佢返學，夾硬塞佢入學校門口，連D 接送小朋友既家長都知佢成日喊！
中一個陣，第一日正式上課，佢班主任打比我，話佢唔舒服，係樹喊，去左醫療室坐。我當時個心真係好唔安樂﹐究竟佢想點? 點先唔喊！? 結果開學頭一個月，佢日日係碼有3份一時間住係醫療室。班主任見咁都唔係辦法，約左我去見社工，攪左一大輪，咪又係照喊，我真係比佢攪到崩潰咁滯，佢每日返學既時間，我一聽見學校打電話黎，我成個人就"沉"晒！
...............................................
我由確診有cancer 到做晒所有療程，我都只係喊過3次。即使電療電到我成個喉嚨爛晒，完全講唔到野，食唔到野，連飲啖水都勁痛，我都冇哼過半句，咬實牙根捱過去。做療程帶來既肉體痛苦，遠遠都唔及霸王女呢十幾年帶比我既精神折磨。
...............................................
呢個慘痛經歷，我呢世都唔會忘記，如果真係如c fu 所言，我只係得50歲命既話，請個天比我好好咁活埋餘下個幾年！
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
咁要請我飲杯汽水啦
返回列表
