論盡家傭

收藏本版
發帖
返回列表
跳至頁

首頁
1

尾頁
   0
小恐龍


別墅

積分: 687


1#
發表於 06-5-13 09:06 |只看該作者

真係好唔鍾意個工人乜都幫個仔做晒......

個工人話極都係咁, 大(工人)又唔聽細(呀仔)又唔聽......好激氣!!
個工人乜都幫呀仔做晒, 著衫除衫著鞋著襪收碗收碟..., 新工人未來時呀仔會自動自覺自己做, 一早同工人講咗唔可以當呀仔皇帝仔咁服侍, 咁樣佢會變得好依賴, 以後自己唔做等你幫, 個工人唔知係叫呀仔唔郁定驚呀仔嬲定怕煩, 成日都幫呀仔做晒, 有時我叫呀仔自己著鞋見個工人用眼尾偷偷望一望睇下我有冇望實佢, 我望住佢就唔敢郁, 我一行開佢就又啦啦聲幫呀仔著.......真係好鬼激氣, 我花咁多心機教呀仔自理佢幾個月就搞到我前功盡廢
私人傳訊

過客


大宅

積分: 1820


2#
發表於 06-5-13 13:23 |只看該作者

Re: 真係好唔鍾意個工人乜都幫個仔做晒......

聽你咁講, 你個工人都唔係差 Wor...
私人傳訊

小茹


複式洋房

積分: 265


3#
發表於 06-5-14 01:09 |只看該作者

Re: 真係好唔鍾意個工人乜都幫個仔做晒......

過客 寫道:
聽你咁講, 你個工人都唔係差 Wor...


我就覺得個工人唔係咁得,
幫小朋友做埋,
出發點可以係o錫(但係都係好心做壞事o個隻),
但係大部份工人係覺得教/等小朋友自己做仲煩過自己做,
係怕煩同冇耐性教小朋友囉
Honeybaby Yan Yan
私人傳訊

paulchen1


洋房

積分: 139


4#
發表於 06-5-14 01:25 |只看該作者

Re: 真係好唔鍾意個工人乜都幫個仔做晒......

呢個唔關工人問題,我個小朋友從兩歲開始便要做返一d自已簡單事,否則你個仔到十幾歲都仲未識綁鞋帶。
你要在工人面前,叫個仔自已負責一些工作,例如飲完水自已放返隻杯入厨房之類,玩具玩完要自已執,慢慢嚟啦！

私人傳訊

小恐龍


別墅

積分: 687


5#
發表於 06-5-14 07:46 |只看該作者

Re: 真係好唔鍾意個工人乜都幫個仔做晒......

呀仔都係懶架啦, 佢只蝦工人, 工人放假佢會做返自己要做既野, 著衫著鞋就一定, 食完飯自己收碗/玩完自己收玩具佢一早都會, 因為佢知我唔會幫佢, 我根本唔使叫佢都會自己做, 但工人一係屋企呀仔就好似變返BB咁, 咩都唔做 我見到當然會叫呀仔自己做返, 但我一行開個賓就走去幫呀仔, 講好聽d就話佢鍚呀仔囉, 難聽d就自己做唔使煩可以快d收工!!
工人出發點係乜我就唔知, 但我講過不下數十次叫佢唔可以幫呀仔佢從來都無改過, 連唔可以比糖呀仔食都要我講到出warning letter佢先改, 佢成日就話呀仔要食, 呀仔問佢攞, 我真係好勞氣!!
私人傳訊

小B媽咪


男爵府

積分: 5947

好媽媽勳章 畀面勳章 環保接龍勳章 大廚勳章 BK Milk勳章


6#
發表於 06-5-14 11:38 |只看該作者

Re: 真係好唔鍾意個工人乜都幫個仔做晒......

小恐龍

我唔係幫個工人,不過毎個打工仔都好想日日無驚無劍又過一日. 唔想有麻煩.

我見意你不如寫一個list 出來,例如囝囝在家中要自做什麼東西,同仔仔和工人三口六面講淸楚. 同個工人講你可以指道佢點樣做,但係唔可以幫佢做埋.如果小朋友能夠做得到,你就贊下佢鍚下佢等等.個個細路都鐘意人贊,唔鐘意人駡o既!

睇完你o既故事, 你個工人都幾好呀!肯幫小主人,可能你會覺得過咗龍!但係, 如果你個工人好似我嗰件咁,阿仔叫到聲嘶力竭先至啋佢,你又會點呢?我就慘囉, 日日我返工一到4點鐘,我就會收到小B投訴呢樣投訴嗰樣,有時聲淚俱下,如果你係我,你又會點呢?煮嘢食一係overcook,一係就係生o既. 好在我仲有個奶奶毎日下午送tea比小B. 如果唔係,佢一定廋過枯顱頭.

好似上個星期五晚,我公司請睇戲.老公同我都唔可以返屋企食飯,我謂有勞煩我個親戚留小B係佢道食飯和過夜. (因為小B仲係BB時係比佢照顧到佢入學為止)..........

所以我自己覺得你幸福過我好多. :-(

對唔住,掃苦掃多了.請見諒.
私人傳訊

小恐龍


別墅

積分: 687


7#
發表於 06-5-15 09:36 |只看該作者

Re: 真係好唔鍾意個工人乜都幫個仔做晒......

小B媽咪

哎吔....咁你個工人又真係差D!!
我都明工人當然想快D收工, agent都同我講個工人可能覺得照顧小主人係佢責任, 但我覺得工人又唔係話好鍚我仔照顧得佢好好喎, 我仔都一樣有時要叫到聲嘶力竭個工人先啋下佢, 呀仔同工人同枱食飯我仔四圍爬由枱面撻咗落地個工人先識有反應(我真係唔明點解坐係隔難都可以比呀仔撻得落地 ), 我仔經常性雙腳都有十個八個大大小小瘀痕(舊工人時無既), 我仔一面鼻涕乾眼屎乾就咁返學, 去公園玩完手手腳腳"黑蚊蚊"/畫完畫d指甲黐晒顏色, 工人同佢沖完涼d污積照舊係原位.....沖完=無沖, 咁打佢鬧佢我就信無既, 咁係咪就算叫好呢??? 我真係唔知...... :-|
私人傳訊

小B媽咪


男爵府

積分: 5947

好媽媽勳章 畀面勳章 環保接龍勳章 大廚勳章 BK Milk勳章


8#
發表於 06-5-15 15:22 |只看該作者

Re: 真係好唔鍾意個工人乜都幫個仔做晒......

所以咪要同佢講清楚. 你要o既要求. 如果都係唔點(在三個月內),你就炒啦. 否則你要計埋有薪假比佢.

佢哋個standard 永遠同我哋係差一大半o架!

祝你好運.

私人傳訊

SandraLo


珍珠宮

積分: 33215


9#
發表於 06-5-16 21:41 |只看該作者

Re: 真係好唔鍾意個工人乜都幫個仔做晒......

寫封信俾佢好過講，唔駛warn但係要清楚列出你的要求！如果都係咁，下一步當然係一封refer 番上一封request 的warning letter ！
如果講佢就聽就真係發達咯！
教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？   
http://forum.baby-kingdom.com//v ... page%3D1&page=1
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy