烹飪搵食今日: 1|主題: 139217

收藏本版

發帖

返回列表

跳至頁

查看: 5758 | 回覆: 8

[搵食推介] 元朗美食 [複製鏈接]

vksophie

男爵府

積分: 6704

1^#

發表於 06-5-28 09:30 |只看該作者

元朗美食

2006年05月28日

呢期假日最 Hit 就梗係去天水圍濕地公園湊熱鬧啦！只不過入面得一間快餐店咁大把，不如搭多幾個輕鐵站入元朗市中心，見識一下正宗山西刀削、國家級 5 星大廚手藝，嗒過你就會知不枉此行！

山西苦學正宗刀削
由平平無奇的茶餐廳，成功轉型到無時無刻都人頭湧湧的刀削店，全靠邱老闆同佢個仔要飲食界殺出重圍的決心。
「山西無啖好食，日日 6 、 7 點起身，齋搓粉要搓到起筋呢個過程，已經到頂唔順，真係好辛苦好想返香港，但唔學好一門特色手藝，生意好難做得住，點都要頂硬上。」
當時二十幾歲邱師傅，山西學識刀削後，想落當地舖頭實習，但老闆驚呢位初哥會影響生意唔俾佢落舖，結果邱肯貼錢包底，索性點都要落場，真係誠意十足。學成返到香港都係辛苦，日日捧住幾斤粉削削削，唔少學師仔都因為太辛苦辭職唔撈，一個月走成三四個，辛苦程度可想而知。如今可以父子兵拍住上，生意有眼見咁好。

紅牛柳葉（ $28 連冷熱飲品）
[img align=left]http://appledaily.atnext.com/images/apple-photos/archive/20060528/Article_LiveMag/28ft2p.jpg[/img]
紅牛係蘭州牛肉，柳葉就即係刀削，因為刀削中間厚兩頭尖，形狀似垂柳葉。刀削咬落真係好煙韌，配埋邱老闆以 8 種辣椒、花椒及多種配料秘製的麻辣醬，正宗外省風味。

麻辣豬大腸 $38
[img align=left]http://appledaily.atnext.com/images/apple-photos/archive/20060528/Article_LiveMag/28ft4p.jpg[/img]
山西人窮，矜貴的豬肚只賣唔捨得食，惟有以豬大腸做小食。廣東人食炸豬大腸，山西人就鍾意燜多，再以麻辣去羶味，真係好正。

南瓜餅 $18
[img align=left]http://appledaily.atnext.com/images/apple-photos/archive/20060528/Article_LiveMag/28ft3p.jpg[/img]
邱老闆係福建人，當地盛產南瓜，家家戶戶都會識整南瓜餅，嫁女、滿月喜慶時節就一定唔少得。用手搓南瓜同粉，整到細細塊再炸，外香口內煙韌。

鄭太︰「一星期一定兩、三次，正宗風味，而且咁大碗好抵食。囡囡（ Jennifer ）都成日話好彈牙好好食。」

[img align=left]http://appledaily.atnext.com/images/apple-photos/archive/20060528/Article_LiveMag/28ft29p.jpg[/img]
**生記山西刀削（ 2479 8033 ）
地址︰元朗大馬路 212 號華昌樓地下 D 舖
由「濕地」前往之交通：在輕鐵濕地公園站乘 761 路線列車，約 15 至 20 分鐘後抵達豐年路站，步行約 2 分鐘。

出名要等即製西菜

何生︰「食得出真係好新鮮，每次食唔同肉都用唔同醬汁配搭，好有心機。」

「趕時間就唔好度食，去麥記啦！」
有時遇到客人催 Order ，周師傅總會同夥計呻，但佢點都唔會為多做少少生意，放棄即叫即即煮宗旨，所以熟客都唔會催。元朗，歐陸菜真係冇乜人敢做，黎老闆話元朗人對兩啖食晒西菜未必咁受，但佢就睇準呢個空間，一於開間西菜館，做大碟西菜，餐廳開頭都做好多食生意，吸引一批人幫襯先，之後再等佢慢慢接受西菜，過一排，熟客都唔 Order 飯，統統叫番西菜，果然高招！

1. 意式比加地雞胸扒　 $78
[img align=left]http://appledaily.atnext.com/images/apple-photos/archive/20060528/Article_LiveMag/28ft8p.jpg[/img]
傳統意大利菜，周師傅點都唔肯講點整，憑小記舌頭，食到外面以芝士煎香，雞肉有陣陣果味，究竟係乜生果？係小記失職問唔到，麻煩大家試後問問師傅啦！

2. 北海道黑鯛魚柳　 $74
[img align=left]http://appledaily.atnext.com/images/apple-photos/archive/20060528/Article_LiveMag/28ft7p.jpg[/img]
我鍾意食黑鯛魚，貪佢肉身夠滑。周師傅日日都表演生鯛魚，以刁草、黑椒、檸檬汁、白酒醃製後再煎。每日生鯛魚數量有限，可能 4 、 5 碟賣晒就冇。

3. 香橙麒麟鴨胸　 $78
[img align=left]http://appledaily.atnext.com/images/apple-photos/archive/20060528/Article_LiveMag/28ft9p.jpg[/img]
麒麟鴨即係煙鴨胸同煎過的鮮鴨胸，一碟兩味好過癮，鴨肉用紅酒浸過好鬆軟，淋上橙汁開胃惹味。

[img align=left]http://appledaily.atnext.com/images/apple-photos/archive/20060528/Article_LiveMag/28ft30p.jpg[/img]
**甜甜咖啡（ 2944 6949 ）
地址︰元朗西菁街 23 號富達廣場 G30 舖
由「濕地」前往之交通：
以下 3 間店均在西菁街，同樣可在輕鐵濕地公園站乘 761 路線列車，約 15 至 20 分鐘後抵達康樂路站後，步行約 6-8 分鐘。

國家元首大廚空降元朗
[img align=left]http://appledaily.atnext.com/images/apple-photos/archive/20060528/Article_LiveMag/28ft15pzok.jpg[/img]
■ 易師傅西華做 3 年，其間仲為酒店參加國際性的中華美食展，奪得銀牌。

易師傅來頭好勁，台灣專接待外國元首的西華酒店做過廚，美國老布殊、英國戴卓爾夫人等都煮過餐畀佢食。最深刻就係接待老布殊次，佢下令攻打伊拉克，易師傅幾驚俾恐怖分子襲擊，外國傳媒又多到堆滿個廚房，做已經唔方便，仲要係咁問你煮乜畀佢食。呢墟場面唔可以帶返香港，但台灣食物的靈魂 ─ 醬油膏，就每星期都會空運到港，要做到最地道，連豆腐都係台灣貨。小店食物保證 Homemade ，易師傅亦會親力親為，所以款式唔多，但全部都係品質保證。

台式豬腳干拌　 $27
[img align=left]http://appledaily.atnext.com/images/apple-photos/archive/20060528/Article_LiveMag/28ft14p.jpg[/img]
用台灣醬油膏燜，豬皮又腍又彈牙，燜到 7 成熟時熄火焗到佢熟，呢個就係豬腳夠口感的秘技。

過橋餃子　 $20
[img align=left]http://appledaily.atnext.com/images/apple-photos/archive/20060528/Article_LiveMag/28ft13p.jpg[/img]
用爽彈牙豬肘肉同埋台灣大白菜做餡，菜的比例比較多，食落更爽口。皮又薄又滑，加埋台式醋和豉油夠晒風味。

黃小姐︰「最鍾意個豬手豬腳，燜得入味又夠腍。」

**士林台灣（ 2477 9775 ）
地址︰元朗西菁街 9 號富盛大廈地下

改良泰菜唔太辣

食泰菜有時唔係太辣就係太甜，聽呢度老闆娘 Jercy 講，原來泰國北部同南部都有唔同風味，香港人好難接受到咁濃烈味道，所以佢誠意改良到最港人口味，好似呢度冬蔭功湯，以鮮番茄汁代替青檸，保留鮮味又唔會太刺激好。好多唔食到辣客人都會呢度食泰菜，皆因隨和泰廚會因應要求調味，玩 Fusion 又不失泰菜傳統風味。

Jocelyn （左）︰「呢度醬汁好特別，我同媽咪唔食得辣都覺得好好味。」
Anita ︰「我鍾意呢度賣相有心思，睇見都開心開胃。」

a. 咖喱雞包 $68
[img align=left]http://appledaily.atnext.com/images/apple-photos/archive/20060528/Article_LiveMag/28ft21p.jpg[/img]
靈感來自西式的酥皮湯，以直徑 8 吋長的巨型包，加入椰汁，甜味重，連雞加埋較濃的咖喱同秘製香料焗 3 個鐘，夠晒入味。

b. 椰青蒸蟹 $148
[img align=left]http://appledaily.atnext.com/images/apple-photos/archive/20060528/Article_LiveMag/28ft20p.jpg[/img]
兩者配搭前所未見，飲過湯你就知兩樣真係好夾，淡淡椰青味夠清，唔會蓋過越南蟹鮮味，嗒真仲有香草味，口感多重。

**金泰村泰國餐廳（ 2478 9808 ）
地址︰元朗西菁街好順泰大廈 28-29 號舖

[img align=left]http://appledaily.atnext.com/images/apple-photos/640pix/20060528/Article_LiveMag/e12map.jpg[/img]