自由講場今日: 1175|主題: 1366718

收藏本版

發帖

返回列表

跳至頁

查看: 1139 | 回覆: 50

高登女神專訪 [複製鏈接]

12 3

花喱碌

大宅

積分: 1256

1^#

發表於 12-12-2 12:25 |只看該作者 |倒序瀏覽 |打印

爽人物：高登女神悍婦柔情　「你點知冇人暗戀我」

新近，魯芬好紅。榮登高登女神榜，跑贏「嗲精」徐淑敏。姪仔說她被玩，她不嬲不怒，還在剛學懂用的微博謝票，「人哋畀面，梗要受！」別人暗笑她年過半百無人要？「你點知冇人暗戀我啫？」自稱白金盛女，絕不會為尋愛瘦身整容。螢幕上的惡婆，現實中一樣強悍，「咁介意人哋點睇，一早死咗！」8歲由上海走難來港，習慣靠自己，跑慣江湖的魯芬，點只女神咁簡單！

魯芬是一個很認真的人，訪問地點一改再改，她堅持要在南生圍拍照，「人唔靚，個景都要靚」。習慣自嘲，是魯芬的生存之道，「我有自知之名，有人做女神，梗有人要做惡婆，唔通化行妝去掃街！」原名張偉芬的魯芬，既是《女子監獄》中被鄭裕玲打到頭破血流的山東婆；又是《九品芝麻官》中嗌輸交、頭頂出煙的烈火奶奶。惡婆形象深入民心，現實中的她也很火，說話嗓門大，接電話，對方反應慢一點會大聲鬧人。
外表雖然強悍，但其實魯芬很溫情。在新光戲院開演唱會，她會主動提出預留最後幾排位給失明人士，「人哋睇唔到嘢好慘！」不下一人告訴記者，娛樂圈跟紅頂白，魯芬重情義！浸大學生哥貼錢開拍實驗短片，她二話不說友情價接拍，仲教仔咁教，「拍足九日，但佢哋係電影系學生，明日之星吖嘛，我當佢哋仔一樣，將來成咗名，咪開套大片畀我演，我唔會蝕底」。

靠微博尋回大哥細妹
在上海長大，本為家具店太子女的魯芬，原本有五兄弟姐妹，8歲時遇正文革，身為地主的父親被鬥死，她與一弟一妹跟着改嫁的媽媽來港，「大哥同最細嘅細妹，都係最近喺微博搵番」。老早就要跑江湖、讀書不多的魯芬直言搵食至上，「我哋嗰代人，搞得掂自己最緊要」。自細有表演慾，喜歡唱歌，但自知其貌不揚，安份守己在貿易行打工餬口，閒時在歌廊搞吓笑、唱口水歌娛賓已很滿足。
1986年，她遇上走入七彩娛樂圈的第一個機會，「我契爺係董驃，86年有個觀塘節，係啲地區活動，我做替工客串棟篤笑，邱德根（亞視前老闆）睇完就叫契爺搵我，話想簽我做演員」。當時仍做貿易行的魯芬，客串拍劇玩票性質。翌年，她還去了日本京都做大廚，「嗰時卡啦OK剛盛行，我鍾意煮嘢食，去到可以唱歌，仲有人工收，梗係去！」

多演丑角片約仍不斷
在京都兩年，1988年因工作證問題，被迫回流香港，機會再一次不請自來，「我同曾志偉個老婆好熟，佢話有個角色好適合我，我嗰時又冇嘢做緊，咪試吓囉」。那便是她人生第一套電影《女子監獄》，她扮演獄中蝦蝦霸霸的大家姐「山東婆」，角色戲份不算多，卻自此奠定影圈中惡婆娘地位。雖然往後所演的角色不是丑角就是嫁不去的女人，無不騎騎呢呢，但總算片約不斷，「做人唔駛睇得自己咁重要，放開少少，做人都輕鬆啲」。

「我咁嘅年紀，又腳痛又高血壓，乜嘢都要爆出嚟，屈喺心度好快死！好多記者問我感情生活，我都好想有嘢講，但真係空白一片，但空白咁又點？我冇結婚，亦冇仔女，但我有大班姪仔姪女陪我。鍾意人唔係話要攬住佢過世，你咪睇我咁大嚿，可能有人暗戀我都唔定，講唔埋。如果連自己都接受唔到自己，邊個幫到你？」仍然聲大大惡形惡相，但54歲的魯芬，其實幾柔情。

http://www.sharpdaily.hk/supplem ... E6%88%80%E6%88%91/1