吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好唔鍾意c6個豬朋狗友！！！

夫婦情感今日: 7|主題: 42726

收藏本版

發帖

返回列表

跳至頁

查看: 1029 | 回覆: 29

好唔鍾意c6個豬朋狗友！！！ [複製鏈接]

Demonbb

男爵府

積分: 7199

1^#

發表於 12-11-30 17:13 |只看該作者 |倒序瀏覽 |打印

C6佢個朋友同佢都識咗一段唔算短嘅時間，我叫佢做a啦，我諗大概都識咗三四年以上，呢個男仔19歲本身得中三畢業，搵工又成日嫌辛苦，做做下唔做，咁做唔長其實都唔關我地事，可能你地會覺得我多事，點解人地返工啲事都要理呀？實情係呀a,成日都好鍾意搵我c6去街，食飯，但佢冇工返冇錢洗，所以成日去親食飯都係老公請埋佢。呀a又覺得要人咁請佢冇問題，成日都話有錢先請返我地，幣在佢份份工都做唔長，成日都講埋咩理想呀，學英文過澳洲working holiday。最惡頂係佢有時間唔中都會上嚟我地屋企食飯痴餐嘅，我唔係介意a上嚟食飯，我有時都會有我嘅朋友上嚟食飯，但係佢次次上親嚟食飯都係帶兩梳蕉，仲要唔到最後一分鍾佢都唔打電話通知人話要上嚟㗎，我同老公得兩個人食晚飯，啲送永遠預得啱啱好，唔會多唔會少，啲送點會夠三個人食姐，就算佢話呀a食好少呀，佢始終都係要食㗎，又唔去斬多少少料，就算買15蚊叉燒都好吖:;pppp::;pppp:跟住食完飯呢，次次佢都拍拍籮柚就走人，唔會幫下手洗下碗㗎，有時仲要連返屋企車錢都冇呀，要問我老公比十幾蚊佢答車返屋企咖，好心佢冇錢就唔好出街啦，成日覺得人地老憑幫佢比咁

有次食飯，佢見到我蒸肉餅，佢講：乜你又蒸肉餅呀？我心諗，我有咗bb呀，我去街市又先又比人推，我去超級市場買送，冇辦法係煮得呢啲送，我老公都未出聲，你條友仔上嚟痴餐㗎咋，有咩資格ge ge gar gar呀，咁多聲氣你咪自己比錢去餐廳食囉，煮埋比你食，又冇比錢，仲要嫌三嫌四，唔鍾意食咪以後唔好嚟囉，仲好添呀

唉，呻完！

0 0 1

私人傳訊

bkteapot

珍珠宮

積分: 33274

環保接龍勳章 hashtag影視迷勳章

2^#

發表於 12-11-30 17:52 |只看該作者

好明顯係痴飲痴食啦

私人傳訊

leehk35

大宅

積分: 3442

3^#

發表於 12-11-30 17:57 |只看該作者

私人傳訊

Demonbb

男爵府

積分: 7199

4^#

發表於 12-11-30 18:06 |只看該作者

引用：好明顯係痴飲痴食啦+

原帖由 bkteapot 於 12-11-30 發表
好明顯係痴飲痴食啦

條友仔覺得冇野㗎，上親嚟食飯，十次都只係買一次野，我啲朋友好熟上嚟食飯都唔會老憑咁乜都要我地出晒啦，都會話我陪你去買送，比返乜乜乜錢，就算呀a冇錢佢會幫下手食完洗返碗都冇咁嬲囉！我唔係介意佢冇錢，但好心佢連返屋企車錢都冇就咪學人出街啦，自己都冇能力照顧好自己，唔通真係指意我老公當你係仔咁養埋你咩，大家係朋友嚟㗎咋，佢仲夠膽死同我地另一個朋友b講，話我老公變咗啦，唔講理想啦！實則係我地兩個有咗bb，我地一知道有咗bb,老公就叫我冇返呢份工（我本身做緊酒店執房炒散，好粗勞要琴高琴低又要踎低洗廁所浴缸）而家屋企所有洗費得我老公比

好彩朋友b話返佢轉頭，話佢唔搵工又成:;pppp:

私人傳訊

kawan1117

男爵府

積分: 7178

熱血勳章爸B勳章

5^#

發表於 12-11-30 18:24 |只看該作者

呢D人, 超黑人憎, 我C6身邊都有一個...
無份工做得長.
無個女友拍得耐.

成日約我C6傾心事, 又次次我C6俾錢埋單. ..鬧C6佢竟然答我人地好慘...

私人傳訊

Demonbb

男爵府

積分: 7199

6^#

發表於 12-11-30 18:40 |只看該作者

引用：呢D人,+超黑人憎,+我C6身邊都有一個...+無

原帖由 kawan1117 於 12-11-30 發表
呢D人, 超黑人憎, 我C6身邊都有一個...
無份工做得長.
無個女友拍得耐.

我老公初初都係咁答我㗎，話呀a佢都唔想，到後尾我忍冇可忍同我老公講：佢男人嚟㗎，有手有腳點都會有份工做啦，佢自己得中三學歷，可以搵咩好工做，佢有乜資格揀工做先，佢鍾意過啲咁嘅生活冇問題呀，但唔好影響到別人囉

亦唔好當人憑指，覺得人地比錢而關人鬼事囉

私人傳訊

yukyuk1124

珍珠宮

積分: 39064

畀面勳章

7^#

發表於 12-11-30 18:41 |只看該作者

回覆：好唔鍾意c6個豬朋狗友！！！

私人傳訊

寫我心情

伯爵府

積分: 17286

8^#

發表於 12-11-30 20:30 |只看該作者

回覆：好唔鍾意c6個豬朋狗友！！！

未成熟小朋友 and 你太計交

慢慢來, 吾洗急, 但最緊要快.

私人傳訊

Demonbb

男爵府

積分: 7199

9^#

發表於 12-11-30 21:29 |只看該作者

引用：未成熟小朋友+and+你太計交 +

原帖由 寫我心情 於 12-11-30 發表
未成熟小朋友 and 你太計交

係呀，好老實講我係好計較，如果我老公係銀行識印銀紙，或者幾十萬未開頭可能我唔會當係乜野一回事囉，但我老公唔係搵得好多㗎咋，嚟緊仲要一個養三個呀，咁係咪要乜都計住啲錢嚟用呀？講真，我對佢呢個朋友自問唔算姑寒囉，又請佢食牛扒又請佢食銀雪魚。但佢一次又係咁，兩次又係咁，次次上親嚟搞到間屋亂七八糟，係屋企一路食飯一路食煙，個廚房又搞到濕晒鋅盆又塞，一個星期上嚟兩次，食完飯拍拍籮柚，仲問你拎廿蚊車錢答車返屋企呀，我屋企呢就冇工人嘅，乜家務都係我一手包辦，換轉係你，你可唔可以乜都唔同佢計呀？

私人傳訊

寫我心情

伯爵府

積分: 17286

10^#

發表於 12-12-1 01:24 |只看該作者

引用：Quote:原帖由+寫我心情+於+12-11-30+發表未

原帖由 Demonbb 於 12-11-30 發表
係呀，好老實講我係好計較，如果我老公係銀行識印銀紙，或者幾十萬未開頭可能我唔會當係乜野一回事囉，但我 ...

百分百明白你感受，但果個係你老公朋友，你只可以同老公king掂佢

慢慢來, 吾洗急, 但最緊要快.

私人傳訊

icecream1405

大宅

積分: 3037

11^#

發表於 12-12-1 01:46 |只看該作者

回覆：好唔鍾意c6個豬朋狗友！！！

唉…好明白你感受，但d男人又唔會覺得自己呢d有朋友有問題咖喎…我隻佬都係咁…！試下同c6傾下囉，同埋自己要睇開d！

私人傳訊

Demonbb

男爵府

積分: 7199

12^#

發表於 12-12-1 02:09 |只看該作者

引用：Quote:原帖由+Demonbb+於+12-11-30+發表係

原帖由 寫我心情 於 12-12-01 發表
百分百明白你感受，但果個係你老公朋友，你只可以同老公king掂佢

好辛苦呀，佢一上嚟乜都要幫佢執手尾，出去食又要請佢，一係就搞到勁夜先返，我上次發爛渣，老公話唔會再帶佢上嚟食飯，但我好肯定佢一定會再帶囉，只係唔會係呢排帶咁嘅意思

私人傳訊

Demonbb

男爵府

積分: 7199

13^#

發表於 12-12-1 02:25 |只看該作者

引用：唉…好明白你感受，但d男人又唔會覺得自己

原帖由 icecream1405 於 12-12-01 發表
唉…好明白你感受，但d男人又唔會覺得自己呢d有朋友有問題咖喎…我隻佬都係咁…！試下同c6傾下囉，同埋自己 ...

佢地覺得朋友叫到幫係好應份，乜都義字放最頭，呀a試過知我老公出咗糧就即問佢借錢，應承咗人話月尾還，結果個個月冇還到，最後我地冇錢，又係我地慳住咁捱過

佢個frd最後有還錢呀，不過係再下個月嘅事囉，仲要追佢先肯還，我同我老公講，你咁鍾意佢，不如你同佢結婚啦，睇下邊個同你捱得咁辛苦

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

14^#

發表於 12-12-1 02:49 |只看該作者

本帖最後由 kandyb 於 12-12-1 02:52 編輯

回覆 Demonbb 的帖子

佢係咪你C6生死之交嗰d黎架?

做朋友,佢冇能力,你C6唔想睇住佢死,幫係應該,請食飯接濟下我覺得都冇問題,不過作為朋友,唔係只係呢d野...
C6可以同佢好好傾下,黎緊應該點打算,係咪之後生活都咁過...窮唔緊要,唔係問題,最主要係呢個朋友既人生方向問題,係佢咪懶?唔主動?定其他問題?可能咁先可以真真正正幫到佢.

私人傳訊

Demonbb

男爵府

積分: 7199

15^#

發表於 12-12-1 03:14 |只看該作者

引用：+本帖最後由+kandyb+於+12-12-1+02:52+編輯

原帖由 kandyb 於 12-12-01 發表
本帖最後由 kandyb 於 12-12-1 02:52 編輯

回覆 Demonbb 的帖子

應該算係好朋友，佢地傾過㗎，仲有另一個共同朋友b都同a佢傾過，a同朋友b講話佢呀媽好煩呀，成日迫佢搵工呀，但佢唔鍾意返，好想佢呀媽咪煩佢，總之佢有好多理由去唔搵工，例如返工辛苦，返咗工冇時間夾band練結他，但佢想買結他又會返工儲錢買㗎喎，到買咗支結他又唔撈！朋友b問佢想點，係咪之後都要咁生活落去，a答佢想要理想呀，夾band過活，又話了我老公變咗啦，唔講理想啦，唔同佢夾錢租band房。朋友b同佢講：呀x(我老公）而家份工返得好地地，又有自己家庭，開支又大點樣大拿拿拎幾萬蚊出嚟同你搞band房呀，但佢話呀a聽唔入耳。

私人傳訊

QQdevil

侯爵府

積分: 21832

BK Milk勳章

16^#

發表於 12-12-1 10:03 |只看該作者

私人傳訊

小可愛11

珊瑚宮

積分: 102475

畀面勳章

17^#

發表於 12-12-1 10:15 |只看該作者

樓主, 妳就真係EQ高, 比我掃左佢走, D男人就係咁, 義字行頭.
我個低能老公又係咁, 有條靚仔話好崇拜佢, 話好想跟佢學做野, 叫我老公請佢, 我老公鬆毛鬆翼, 我話唔得, 條友仔無份工做得長, 一係就要揾油水, 我老公話佢唔會, 只係無人 lead 佢 jie .... 最後都證明條友仔講就天下無敵, 做就有心無力

總之D男人都係比個義字累死

私人傳訊

Bling11

子爵府

積分: 12943

18^#

發表於 12-12-2 22:25 |只看該作者

男人梗要面，佢唔掂上來黐餐你老公其實暗地裡感覺有face。咁都冇計啦，除非你想老公唔開心或冇咗個friend啦，你老公識諗的話就自然會疏遠佢，否則佢會覺得你唔尊重佢朋友，你鬥佢唔過架，唯有希望佢快啲去澳洲有一年半載唔好再出現。

下次佢又突然上來開飯，咪求其蒸多水蛋或菜甫炒蛋或開罐午餐肉或豆鼓靚魚，擺喺佢面前。佢再問你又係蒸肉餅呀，你咪笑笑口話：係呀，我地平日都係食啲咁簡單既家常餸架乍，簡單健康又經濟，點到即止，唔好過火，get 唔get到就不在你控制了。