自由講場 今日: 134 | 主題: 1350523

積分: 14254

炎夏勳章畀面勳章陪月勳章 BK Milk勳章

1^#

發表於 12-12-4 22:50 |只看該作者 |倒序瀏覽 |打印

以下言論可能會引起各種爭論，請各位多多指導，我會耐心受教。感激。

我仔仔下個月就五歲了....一直都算肯聽教...
最近唔知係咪開始覺得自己大個仔...成日要有自己主見...
最明顯的係一出街...一出大廈大門就經常極速狂奔。
我無論用喝，罵，拉佢返轉頭都不能令佢乖乖待係我身邊一起行。
終於前幾日出街佢一枝箭唔見左影.....
我索性原地企，等佢奔到發現唔見左我返轉頭......
我鬧佢扔低我一個，仲叫佢感受下比人扔低的感受。
於是我放低佢係lift大堂，我一個行出大廈，轉左牆邊聽佢係到喊...
係咁叫︰媽咪唔好掉低我。媽咪返黎呀。
我心痛架.....
但我真係要佢知道唔跟住我行，有朝一日真係會唔見左媽咪....
甚至無得返屋企。
我事後諗返...都覺得好危險，雖然我住的大廈附近無馬路，但萬一遇著柺子佬都危險。
咁經過呢次...佢都乖左幾日。

點知琴晚佢又飛左去.....
於是我改方法....
既然佢中意跑，我琴日拉佢去球場，要佢係又凍又大風的情況下跑五個圈
跑完五個圈，問佢下次仲跑唔跑，佢眼紅紅咁話唔跑....
點知今日佢又再黎......
行去校車站，佢叫個同學追佢....
我即叫佢唔準跑...可惜遲左...佢已經跑左去...
而追佢的同學因為地滑跣低左。
人地家長即望住我....我好尷尬.....
我真係諗唔到有咩方法可以要佢乖乖跟係身邊唔好自己走左去。

我唔係無帶佢做運動，亦唔係無帶佢放電....
但點解佢永遠唔可以係行街的時候，好好咁拖住我...跟住我？
我係咪要求太高？

0 0 0

私人傳訊

sumi5354

積分: 6062

好媽媽勳章醒目開學勳章

2^#

發表於 12-12-4 23:07 |只看該作者

回覆：各位jm會唔會覺得我罰得好過份？

呢D係由細教起架Wor~
以前細個一唔拖，我就要佢罰企，爆喊都照罰，我會唔出聲企响度等佢喊完先問返佢知唔知自己做錯咩，講唔出我會要佢跟我講完再自己講多次先放行，試多幾次就無再試過唔拖我~
我個仔而家4歲幾都自動自覺拖住行~
扶手電梯亦唔可以郁~
小朋友睇人恰架~佢知唔夠你黎，就自然要服從~

點評

Cutemom0808 agree 發表於 12-12-5 15:39

私人傳訊

shmilyuki

積分: 14254

炎夏勳章畀面勳章陪月勳章 BK Milk勳章

3^#

發表於 12-12-4 23:12 |只看該作者

sumi5354 發表於 12-12-4 23:07
呢D係由細教起架Wor~
以前細個一唔拖，我就要佢罰企，爆喊都照罰，我會唔出聲企响度等佢喊完先問返佢知唔知 ...

以前細d果陣佢出街一定會拖我....
我亦唔會隨便放佢自己一個行.....
入到商場甚至玩具反斗城都要佢係我身邊...
佢想行咩都問左我先....
但近幾個月佢"好有主見"
成日話要去邊~要自己行~要xxx~要yyy
比我話左唔得，就會問點解唔得。
初初會話佢知例如我地要去邊到，唔會行果邊。
慢慢我就直接話佢知︰我講左唔得就唔得~你可以選擇唔聽我講，但你亦要預左我唔會再理你。
佢之後就跟一陣.....之後一見到想睇的野或想行的地方就飛左去.....
我真係唔想成日係街度做潑婦

私人傳訊

fly2happy

積分: 15397

我的育兒心得勳章好媽媽勳章 BK Milk勳章畀面勳章

4^#

發表於 12-12-4 23:17 |只看該作者

回覆：各位jm會唔會覺得我罰得好過份？

出門前要約法三章唔拖實唔帶去街。無禮物。如果佢做到就立即獎勵。

桐桐2009年1月17日出世2.83kgs.

泳浠2011年3月31日10:01出世2.8kg

私人傳訊

mixmos

積分: 8366

5^#

發表於 12-12-4 23:25 |只看該作者

回覆：各位jm會唔會覺得我罰得好過份？

試一次落街玩之前，同佢約法三章，唔拖！即刻返屋企。要狠心！講咗就要做得到。唔做咪冇得玩。

冬天的味道

私人傳訊

hui.lai

積分: 14261

6^#

發表於 12-12-4 23:27 |只看該作者

回覆：各位jm會唔會覺得我罰得好過份？

我會出街之前問佢出街要做乜，吾識答吾好出

私人傳訊

mixmos

積分: 8366

7^#

發表於 12-12-4 23:31 |只看該作者

引用：試一次落街玩之前，同佢約法三章，唔拖！即

原帖由 mixmos 於 12-12-04 發表
試一次落街玩之前，同佢約法三章，唔拖！即刻返屋企。要狠心！講咗就要做得到。唔做咪冇得玩。

...

曾幾何時我帶同表妹（6、7歲）去海馬公園玩，出發前講明冇人抱，要抱就即走。結果呢，第一次去到門口，佢扭計要抱，我即刻返屋企。第二次，佢撐住要自己行，睏就去餐廳食嘢、休息下。全程提都冇提過要抱。

冬天的味道

私人傳訊

toyocat

侯爵府

積分: 24659

醒目開學勳章畀面勳章 BK Milk勳章

8^#

發表於 12-12-4 23:33 |只看該作者

小朋友係要由識行時開始無時無刻都要拖住,就算企係鋪頭入面睇野都要拖,拖到佢地去到4、5歲時,如果出街你唔拖佢,佢地就會週身唔"聚財",會即刻拖住先有安全感。所以我女而家十歲一出街就會即刻拖住我。

私人傳訊

sumi5354

積分: 6062

好媽媽勳章醒目開學勳章

9^#

發表於 12-12-4 23:33 |只看該作者

回覆：各位jm會唔會覺得我罰得好過份？

方法1.如果咁我通常會同佢講我行個條路有D咩咩(佢鐘意嘅嘢例如玩具，車仔)引誘下佢，當然如果路過真係有，我亦會停低同佢睇一陣十至廿秒，同埋會同佢講好彩頭先乖豬跟媽媽行呢邊咋，如果唔係就睇唔到喇~
通常佢都會沾沾自喜
方法2.如果佢死都堅持，我會順佢意行，最多行個圈啫，但就要佢等價交換，例如本來同佢去玩或買嘢或食嘢，但因為佢要行佢條路，所以就唔去玩或買嘢或食野，要佢自己決定揀一樣
其實睇你個小朋友似乎係你滿足唔到佢需要多D，試下响佢角度諗下，你就會知點做，加油啊~

私人傳訊

tssy

積分: 18048

10^#

發表於 12-12-4 23:38 |只看該作者

引用：Quote:sumi5354+發表於+12-12-4+23:07+呢D

原帖由 shmilyuki 於 12-12-04 發表
以前細d果陣佢出街一定會拖我....
我亦唔會隨便放佢自己一個行.....
入到商場甚至玩具反斗城都要佢係我身 ...

大家咁話，覺得自己對阿囡要求好高，有時成日話住佢，似潑婦罵街

私人傳訊

家家公主

翡翠宮

積分: 84041

畀面勳章 BK Milk勳章

11^#

發表於 12-12-4 23:39 |只看該作者

我仔反而細個就會自己走..
試過講唔聽我轉頭就匿埋裝佢..
佢走到唔見我返轉頭搵我..
搵左好耐見到我就喊..我即時同佢返上樓邊到都唔去..
仲罰左佢企足2個鐘..
企完晤佢知唔知自己錯咩..
果次之後佢無走過..
而家6歲啦,,出街一定自己拖我..
就算我唔拖佢..佢都拉我衫尾..
不過間唔中興奮盲會走左去..
佢一走我同佢講..叫佢走遠D..唔見左我唔會搵佢..
佢亦都唔會搵到我..

若問今世所遇，皆是前世的緣。今生寬以待人，來世皆是善緣。

私人傳訊

angela0228

積分: 15548

12^#

發表於 12-12-4 23:39 |只看該作者

回覆：各位jm會唔會覺得我罰得好過份？

成日飛左去又真係好難攪

私人傳訊

心抱

積分: 13095

好媽媽勳章醒目開學勳章畀面勳章

13^#

發表於 12-12-4 23:39 |只看該作者

回覆：各位jm會唔會覺得我罰得好過份？

同我大女一樣，吾識行，只係識跑，就算係屋企都係跑，出街，一吾拖就走九里遠，個人感覺，對住個女，真係好倦好倦，我吾係無教，我對佢係嚴厲既，一絲都吾鬆懈，各方面，佢做得好好，唯獨係跑呢樣野，扣哂分

。。。。我都吾識點做，而家佢六歲，我只有不停灌輸佢，媽咪吾係吾俾佢跑，只係怕佢撞到人，跑左出馬路，驚俾車撞到佢，但佢自信心好高，成日話吾怕吾怕，我可以點?咪唯有再捉寶佢囉

私人傳訊

cathy29

積分: 19739

14^#

發表於 12-12-4 23:40 |只看該作者

引用：Quote:原帖由+mixmos+於+12-12-04+發表試一

原帖由 mixmos 於 12-12-04 發表
曾幾何時我帶同表妹（6、7歲）去海馬公園玩，出發前講明冇人抱，要抱就即走。結果呢，第一次去到門口，佢扭 ...

嘩。。。呢招好狠呀？入場飛都蝕埋！

私人傳訊

loklokbobobo

大宅

積分: 1095

15^#

發表於 12-12-4 23:41 |只看該作者

各位jm會唔會覺得我罰得好過份？

會唔會覺得大個仔就唔洗拖住媽咪，會比人笑？不如試下掉返轉頭同佢講出到街要佢保護媽咪。就好似daddy咁拖實媽咪。比佢知道大個仔就要有責任感。唔可以隨便掉低媽咪係條街。

私人傳訊

心抱