吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點先令佢可以主動點做家務呢

夫婦情感今日: 0|主題: 42748

收藏本版

發帖

返回列表

跳至頁

查看: 1246 | 回覆: 15

點先令佢可以主動點做家務呢 [複製鏈接]

Freak

大宅

積分: 3551

1^#

發表於 06-6-26 06:56 |只看該作者

點先令佢可以主動點做家務呢

你地老公會否主動做家務呢.
我好想佢自己見到有野做就去幫手..但通常佢都唔會..而且又無手尾..食完飲完的杯杯碗碗就咁放係枱..好似係等我去執咁..地下好污糟的話..都好少主動去掃..以前我會自己一手一腳去整去執..但見佢大爺咁坐係度打機..我又覺得有點氣..
就會叫佢去做..佢叫到..通常都會做..但都起碼等幾個鐘或打好機先慢慢..有時我忍唔住又自己做返

而bb係我媽幫手湊..咁去到媽屋企
佢更' 大爺' ...' 老馮'咁
好似昨天...bb痾ng ng..要換片..我同bb除緊褲..媽去拎盆仔洗pat pat...佢就係咁坐係度.睇住我地做..我就叫' 你去拎片啦'..佢先去...好啦...跟住我媽洗完bb pat pat..我拎東西去掉去洗..我媽話' 地下濕左添..要抺下呀' ..佢又係一動不動的坐係度...望住bb..我又叫出去' 你幫手用布抺抺啦'..佢先起身..佢又唔係唔知尿片係邊..地布係邊..但就係覺得唔係自己事咁...
個bb係你有份的呀...點解撓起手..只係等我同媽做呢...

我之前己同佢講過' 要多d幫手的啦..'
佢哦完就算..

點講先可以令佢真的主動點做下家務做下野呢
叫到佢會做..但我唔想次次都要我叫我開口..好似命令佢去做野咁...

私人傳訊

Jackievv

大宅

積分: 3665

2^#

發表於 06-6-26 08:34 |只看該作者

Re: 點先令佢可以主動點做家務呢

我老公都好少做家務,有時我見到地下"wood jo",特登唔拖地,等佢拖,不過好少成功!!
叫佢幫我湊女就等於叫佢去死,而家妹豬大左,同佢換片就周圍爬,老公又唔識點整佢,叫佢同妹豬沖涼,佢又話怕浸親妹豬,而家我都會叫佢開奶,不過佢唔係次次都會開奶!!!

不過得老公一個返工賺錢,所以我都會做返,因為老公搵錢好辛苦!!!

私人傳訊

大眼肥妹

禁止訪問

積分: 8013

3^#

發表於 06-6-26 09:41 |只看該作者

Re: 點先令佢可以主動點做家務呢

提示: 作者被禁止或刪除內容自動屏蔽

私人傳訊

JINGJINGMAK

大宅

積分: 1084

4^#

發表於 06-6-26 09:53 |只看該作者

Re: 點先令佢可以主動點做家務呢

我結婚初期就係因為做家務問題同老公差唔多隔日鬧一次交, 佢忍得我唔忌得, 所以自己一路做一路發皮四, 會唔采佢, 又試過抽起晒佢o既o野唔做, 要佢自己做o番 .... 慢慢佢就開始會幫o下手, 後尾直頭每逢佢 day off 就安排定o野俾佢做 (如吸塵/ 抹地/ 抹窗), 但要記住佢地每日只會做一至兩樣o野再多都唔得o家啦

私人傳訊

kellyly

侯爵府

積分: 24623

好媽媽勳章畀面勳章

5^#

發表於 06-6-26 11:17 |只看該作者

Re: 點先令佢可以主動點做家務呢

我個ｃ６佢只係掉垃圾ｊａ，咩都唔做，好似廢左咁．
就算我病，佢會話唔好做ｌａ，瞓下ｌａ，我咁一瞓，第２日仲死，成間屋好似垃圾堆咁（呀仔傑作），佢唔會去做ｋａ．
佢做咩呢打機ｌａ，瞓ｌａ，睇下電視，就算呀仔倒瀉野佢都當睇唔倒，等你第日搞掂佢．

私人傳訊

Freak

大宅

積分: 3551

6^#

發表於 06-6-26 11:49 |只看該作者

Re: 點先令佢可以主動點做家務呢

大眼肥妹:

我老公好多時又係咁..我叫佢做..佢話' 你做得好點呀' ..' 你做得快手點呀' ..' 囡囡鍾意你幫佢咁咁咁多點呀'

根本佢就係懶..

我唔想次次都要我開口去叫...叫到煩啦..
好多屋企工夫...我覺得邊個見到..邊個得閒就要做的呀..
我有我忙到出煙..佢有佢打機...叫先做..好似全部係我份內事...叫到佢就 ' 幫手' ...屋企係大家的嘛...我都明佢放工想輕鬆下..但大家一齊做完就一齊輕鬆囉...我放工回來都想睇下雜誌..上下網呀..

尤其去到我媽度..我媽係佢背後都問過我..佢係咪平時係屋企乜都唔做...
bb的事..佢可以咁' 抽手旁觀' ..等我同媽去處理咁..bb係我同佢去負責湊的嘛..而我媽只係幫手.但現時好似bb係我同媽搞..佢係睇下..係過路咁..

私人傳訊

wcheuk

別墅

積分: 581

7^#

發表於 06-6-26 12:08 |只看該作者

Re: 點先令佢可以主動點做家務呢

因為我未生亞囡之前係返工，所以屋企d嘢都係老公做，我放工返嚟就有飯食，咁我就有時會去洗碗，佢話一人做一樣喎，跟住生咗亞囡之後就倒轉啦，我煮飯，佢洗碗、拖地、枺窗等.......
可能我哋由開始已經講好，已經習慣咗呢種模式。

私人傳訊

miriam

王國長老

積分: 112548

2025勳章 2025勳章蛇年勳章 2024年龍年勳章 2023年兔年勳章減齡達人勳章虎到金來勳章牛年勳章 15週年勳章親子王國15週年勳章 2018復活節勳章畀面勳章好媽媽勳章醒目開學勳章王國長老 BK猜猜猜慶中秋 KMALL特別版勳章

8^#

發表於 06-6-26 12:18 |只看該作者

Re: 點先令佢可以主動點做家務呢

唉！
我隻 c6 可以將食完野隻碗就咁擺係洗碗盤度，放足一個禮拜都得呀！
屋企 d 野我唔執佢就唔鬼理，乜都旨意我去做，試過我入左醫院五日，出返黎都重見到佢用過o既野原封不動咁係原位•
個女返黎佢先會 "間唔中" 幫手做下野，基本上 "都係" 我做晒，囡囡都識講 "爸爸係大懶蟲"，你地話死唔死•

任何人士未經本人同意不得轉載本人所發表之文章到任何媒體 (包括報章、雜誌及網站)

各位~~~我唔會介紹補習社或興趣班, 唔使 PM 問我呀, 我係唔會覆架~~~

私人傳訊

該用戶已被刪除

9^#

發表於 06-6-26 13:22 |只看該作者

Re: 點先令佢可以主動點做家務呢

提示: 作者被禁止或刪除內容自動屏蔽

私人傳訊

mannc

男爵府

積分: 6673

好媽媽勳章

10^#

發表於 06-6-26 15:49 |只看該作者

Re: 點先令佢可以主動點做家務呢

d男人係唔識做家務架, 叫佢做就好似食左豬油膏咁好慢好慢...., 不過我會用溫柔加命令既態度叫佢做, 之前仲要講唔該你幫我點點點.....起碼佢做得黎會順氣D!

私人傳訊

dearest

大宅

積分: 1979

11^#

發表於 06-6-26 16:03 |只看該作者

Re: 點先令佢可以主動點做家務呢

原來咁多男人都係咁...

我都發覺自己越來越似工人
佢可以食飽之後就攤 (一定係攤, 唔係坐) 係 sofa 度
跟住除左去 toilet
就可以全晚 (係一整晚) 到沖涼都唔會郁...

食飽飽枱面 d 碗筷
佢可以當睇唔到, 掂都唔會掂下 ar

私人傳訊

Freak

大宅

積分: 3551

12^#

發表於 06-6-26 17:13 |只看該作者

Re: 點先令佢可以主動點做家務呢

我覺得可能由細至大..佢地見到屋企家頭細務都係佢媽一個人去做..去負責..所以係佢地心中..家務事係判左俾女人..

可惜佢地好似無諗到..以前男主外女主內...大部份的家庭都係阿爸一個辛辛苦苦出去搵錢..而屋企就由媽去負責...

但現時很多家庭都係公一份婆一份..大家都有份為個家出去工作..兩個人都累呀..點解佢地仲覺得家務係屬於女方的呢.又唔見佢地的人工都好似以前d阿爸咁..全部俾晒屋企喎...

我覺得主動同被動去做...係好唔同..雖然叫佢去做..佢都會做..(都係懶懶閒..唔多願咁)..但佢的心態係' 幫你' 而已..係我領左佢情咁...唉... ..