babii.yan 發表於 12-12-23 15:37 
剛剛簽了一個菲姐..應該二月尾左右到...公司名叫盈信.上yahoo check過冇d吾好既評語..
之後醒起呢度有d jm ...
其實我兩個工人都係個度請返來，大致上都無問題。一個對bb同小朋友好有愛心同照顧仔細，但就比較容易黑面同唔醒目，但係可以接受既程度，最多佢聽唔明/會錯意/做錯，心平氣和地講多幾次佢都可以改到，大大聲鬧佢就黑面(不過，如果老細大大聲鬧我，我都會心情唔好)。另一個就好醒目，英文好，廣東話識講，識買送識煮飯，成日笑笑口，非常識做表面，但會偷懶，會偷留送自己食先，對小朋友清潔無甘細心，但都係可以係接受程度內。
Agency既林太就比較多野講，林生就做野真係唔得，其餘我都覺得ok，其碼佢地無騙過我地(前後都換左兩次先keep住依家兩個工人)，價錢講明俾我地聽，睇妳接唔接受到。林太成日提我地唔好對工人太好，因為會騎住上，只要合理範圍內就得。如果僱主同工人有爭執，林太都會先要求自己溝通，唔得，佢先同工人傾，再唔得，先問係唔係要炒個工人。其實工人好唔好，好睇個工人本身，佢地都無可能預測，但我地身上就無發生過agent同工人夾份來騙僱主既情況。
I never mind the rain from the sky, as long as I have the sun in your eyes~
發表於 
返回列表
