論盡家傭 今日: 0 | 主題: 134067

積分: 12943

1^#

發表於 12-12-23 23:53 |只看該作者 |倒序瀏覽 |打印

條死印來咗幾個月，今個月剛過試用期，一過試用期就露出真面目，做嘢懶散嗱西，抺塵只抺相架前面，相架後面啲塵成吋厚。成日找機會吞卜，吸吸下塵竟可走咗去上網，做嘢粗手粗腳，已整花咗唔少工具（又不至於爛，但用殘哂），而家仲成日陀住部手機在衭袋，成日入厠所鬼死咁耐，肯定入去打短訊。

勁睇佢唔順超，做嘢就唔勤力，最勤力就係上ＦＢ和食嘢。唯一可取係唔駛教佢太多，佢肯做時自己識走位，同埋煮餸都ＯＫ。屋企人就買佢怕，真驚佢突然唔撈，唔想請過另一個又教過，又怕請過個仲衰既。但我對住佢見盡佢啲狡猾吞卜嘢就眼冤，連嘢都唔想同佢講，但我又要面對現實，靠佢照顧老人家

0 0 0

私人傳訊

方方媽媽

水晶宮

積分: 74328

2^#

發表於 12-12-24 00:09 |只看該作者

一個工人既job list,一定有優次.
你請佢,主要要佢做咩?其次係咩?
如果請佢照顧老人家,煮飯,此兩者為主,
咁清潔方面,睇唔到既地方就唔做,都算啦.

我成日都諗,如果由我做工人,會唔會做到一百分?
Sorry,我一定係果D有得偷懶就偷懶既工人.

人無完人,金無足赤.
佢只係收你三千幾銀乍,即使加晒所有費用,都不過6千銀,唔係工人收晒架.
本地請個EE,你比6千,最多都只係日頭來幾粒鐘架乍,
咁6千幾既本地EE又做唔做得晒你依家吩吋比工人既全部工作?

私人傳訊

積分: 12943

3^#

發表於 12-12-24 00:29 |只看該作者

回覆方方媽媽的帖子

老人家識行識走，其實只係要佢照顧好佢三餐，唔好餓親，如果佢在梳化恰著，就幫佢冚下被咁乍。日常工作有俾時間表佢跟，其實家務真唔係多，我屋企人亦不是有潔僻嗰種，佢每日下午時間都有幾粒鐘抖下，但佢其他時間一樣搵位吞卜，落街買斤菜都可買兩粒鐘。就好似我所講，probation前後的差異。抹個櫃枱，都可以淨抹相架前面嗰忽，相下背後的櫃面，成幾個星期都冇抹過，從則面望埋去係兩截色，咁你就知佢做嘢的態度啦。

我講既嘢唔係屈佢架，咪講到我在挑剔好刻薄佢咁。我當然知道請鐘點的市價，請個工人唔係諗住抵與唔抵，而係老人家起身時手腳唔靈活要搵人照顧佢食早餐。我都唔係乜都旨意佢做，我而家都有做grocery shopping 同做家務架

私人傳訊

小紅梅

積分: 37295

4^#

發表於 12-12-24 00:32 |只看該作者

回覆：點樣可以唔俾工人激親

其實你工人優點方面ok, 有時好難十全十美，如果你成日盯住佢，好易連佢行步路都睇唔順眼，咁最終辛苦自己。我自己就比工人用電話的, 就係唔想佢鬼鼠入廁所用，我姐姐都會吸完塵㩒2下，拖拖下地㩒2下，拖完地又㩒2下，曬衫前／曬衫後都㩒電話，但我從不動氣不理會視為正常行為，我只睇結果，屋企打理井井有條令我滿意，那我冇需要去理個過程。

私人傳訊

積分: 12943

5^#

發表於 12-12-24 00:43 |只看該作者

回覆小紅梅的帖子

我從來冇講過唔俾佢用電話，有時佢戴住耳筒邊做嘢邊傾電話我都唔會理佢，唔知點解佢要咁鬼祟。佢就係中哂ＦＢ毒咁，由於我在家工作，有時佢吸塵，我就入房用電腦，婆婆入房午睡，冇幾耐間屋就會靜哂，行出去斟水，竟然見佢走咗去玩 iPad，吸塵機就插住電線劈埋一邊。我哋已經唔係話開工前要收起佢電腦電話既人，只係同佢講過休息時上網冇問題，但要做好工作時，只係靠佢自律。我家人已好照顧佢，每餐都一定有牛雞或魚，又減少食豬，確保佢食得飽，又成日買佢中意的小食俾佢，天氣凍怕佢唔夠衫又俾咗好多衫佢，冇鞋就買鞋，只係覺得佢交啲咁貨出來，對住啲咁既人好心淡

私人傳訊

小紅梅

積分: 37295

6^#

發表於 12-12-24 01:02 |只看該作者

引用：回覆+小紅梅+的帖子我從來冇講過唔俾佢用

原帖由 Bling11 於 12-12-24 發表
回覆小紅梅的帖子

我從來冇講過唔俾佢用電話，有時佢戴住耳筒邊做嘢邊傾電話我都唔會理佢，唔知點解佢要 ...

如果太離譜要丙下佢

私人傳訊

小紅梅

積分: 37295

7^#

發表於 12-12-24 01:06 |只看該作者

引用：回覆+小紅梅+的帖子我從來冇講過唔俾佢用

原帖由 Bling11 於 12-12-24 發表
回覆小紅梅的帖子

我從來冇講過唔俾佢用電話，有時佢戴住耳筒邊做嘢邊傾電話我都唔會理佢，唔知點解佢要 ...

邊做嘢邊傾都得，又好似太鬆，佢得寸進尺。

私人傳訊

積分: 12943

8^#

發表於 12-12-24 01:10 |只看該作者

小紅梅發表於 12-12-24 01:06
邊做嘢邊傾都得，又好似太鬆，佢得寸進尺。

之前佢半夜用skype傾，佢瞓廳，但瞓房嗰個都聽到佢把聲，又開哂燈視像，話過佢之後，佢呢期就中意日頭戴耳筒傾

私人傳訊

濼晴

侯爵府

積分: 20719

9^#

發表於 12-12-24 01:15 |只看該作者

回覆：Bling11 的帖子

甘佢又真係衰d 幫你留意下呀因我有朋友工人係印佢地有時都會想找工的

私人傳訊

mechwts

別墅

積分: 844

10^#

發表於 12-12-24 01:24 |只看該作者

請下次POST埋相同名, 等D家長小心請到衰工人!!!

私人傳訊

YanYan0116