懷孕前後今日: 6|主題: 330299

收藏本版

發帖

返回列表

跳至頁

查看: 1155 | 回覆: 6

請問最近喺威爾斯順產嘅你 [複製鏈接]

029892

男爵府

積分: 5454

1^#

發表於 12-12-28 02:15 |只看該作者 |倒序瀏覽 |打印

1) 請問現時有咩止痛方法你揀 ? 有番笑氣咪 ?

2) 如揀了餵人奶, 會否即時比bb你餵 ?

3) 有無人教你同bb沖涼, 餵奶, etc..... ?

4) 多唔多大陸mama ?

5) d 姑娘同嬸嬸好人嗎 ?

6) 如你中了B鏈, bb是否須要分隔到bb病房觀察 ?

0 0 0

私人傳訊

skkhaki

大宅

積分: 3398

2^#

發表於 12-12-29 00:27 |只看該作者

我2年前係威院生, 唔知幫唔幫到你
1. 我用過止痛針同笑氣
2. 生完埋完口, 佢會問你餵唔餵BB, 我生完已經係凌晨2, 3點, 所以我話唔餵LA
3. 無人教沖涼, 有人教餵奶&掃風
4. 依家唔清楚
5. 果時D嬸嬸好好人, 有次阿B 爆屎, 爆到件衫都係, 全身要換過哂, 果時阿B好軟, 我唔敢幫佢換衫, 我CALL 嬸嬸幫手, 佢由頭教我著一次, 好好
6. 唔清楚

點評

029892 thankyou 發表於 12-12-29 03:28

私人傳訊

spicymama

伯爵府

積分: 17804

3^#

發表於 12-12-29 02:11 |只看該作者

我九月尾果時生完,唔知都幫唔幫到你呀...

1) 請問現時有咩止痛方法你揀 ? 有番笑氣咪 ?
聽朋友近期生完講,佢係11月中生完,都係無得用笑氣,而我九月既更係無啦,入到產房,你要即時同佢講,不過要睇情況,好似我甘落產房係因為要催生,所以果時初落產房係未痛,我一早已叫定用無痛,但係果晚好Full,麻醉師唔得閒落黎同我做無痛,(所以睇下你好唔好彩)而我開始痛果時就已經同姑娘講要用止痛針,打左一枝後都只係頂到一個鐘,所以可以話係痛足全程.

2) 如揀了餵人奶, 會否即時比bb你餵 ?
你順產既生完大約7-8果鐘佢會叫你落床呵尿架,果時你落得床,佢地都會比BB你餵,不過都係要睇下果時係咩情況,BB出世無幾耐,有可能BB要比兒科醫生睇過先會推BB比番你餵.

3) 有無人教你同bb沖涼, 餵奶, etc..... ?
無呀全程,我係第二胎,所以自己餵,我見附近床位既新手mama都無人教,你唔識要自己問,不過姑娘同嬸嬸推BB比你餵果時佢地都會問你識唔識餵奶既,所以係威記生,有好多野要自己主動問,因順產係住二日一夜多數,所以你生完無幾耐你就要主動問姑娘點同BB沖涼等等,不過依家有好多網上既video都有教人點同初生沖涼, 餵奶掃風等,所以唔駛擔心!

4) 多唔多大陸mama ?
我九月尾生都有大陸mama,不過唔多,我見到十幾張床位都只係有1-2位係大陸既.

5) d 姑娘同嬸嬸好人嗎 ?
我自己第一胎係QE生,第二胎係先係威記,QE d 姑娘同嬸嬸好好好好多,威記果啲一般啦,都有好既,不過感覺上佢地可能忙,所以好多姑娘同嬸嬸態度麻麻,我個床位係姑娘做野既地方附近,成日聽到佢地係到發脾四,我生完第一日,我走去BB房果到望下,見到有位嬸嬸好大力將啲入面有BB既車仔推黎推去,可能佢地忙,所以不自覺甘係工作中發脾氣,我自己親眼見到有個嬸嬸幫BB餵奶果時,唔小心將BB既膊頭撞到枱邊,個BB咸得好勁,跟住佢即刻帶左BB去第二度,如果比我知果BB係邊位mama,我一定會出聲,不過心諗無為甘多事,所以好唔好睇下你點睇,可能我兩胎係唔同醫院生,所以有比較.

6) 如你中了B鏈, bb是否須要分隔到bb病房觀察 ?
我未試過,答唔到你.