夫婦情感

收藏本版
發帖
返回列表
跳至頁

首頁
1

尾頁
   0
muimay215


洋房

積分: 56


1#
發表於 06-6-30 19:40 |只看該作者

同奶奶關係唔好，但又唔可以搬出去住。

我同我老公結着婚已经四年，期間都是同奶奶住，因層樓是我老公同奶奶連名的，她不肯搬出去住，而我哋每個月又要供樓，又要俾雜費，實在沒錢搬出去住，我哋層樓有二個房，一直以來奶奶都是住大房，我同老公都無意見，但我現在就來做媽咪，預產期是八月中，由我怀孕到現在，她都沒有說過俾間大房俾我哋，而我老公也不敢開口，我哋唯有將擺在房個五桶柜搬出廳，細房除了可擺一張四尺的隻人床之外，就勉強可擺一張普通size的ＢＢ床，連一把直立式的風扇也不知道擺不擺到，其實在沒有ＢＢ之前我哋都有想過這些問題，但我老公今年都40歲了，奶奶身体也很健康，說句不好听的說話，真是死無了期，真是想像不到我老公會有這样自私的媽媽，真是替他難過，奶奶還話我哋將間屋攪到好亂，唉！我只可同自己說：老公是自己揀的，老公對你好就算了，其他人只不過是個閑人，我覺得自己這样想法，對我來說心里會好過的，我睇到綱上有人因為同奶奶有問題，而傷到自己两夫妻的感情，我個人認為是非常不值，奶奶會覺得在兒子心裡自己比個媳婦更重要，就會得寸進尺。我現在沒有返工，在屋企等住ＢＢ出世，每日十點鍾出街吃早餐同睇報紙，一點鐘左右就返屋企，奶奶會在點零鍾出街吃下午茶，我就會在這段時間做下家務，等她三點零鍾返來，我就入房玩電腦或看電視，等老公返來就出街吃飯，我奶奶會自己煮飯吃，因她嫌我煲湯多油，，煮嘢又咸，到我哋吃飽飯返到屋企時，她又入房睡覺了。有時她都會鬧我哋，都是一啲小事，但我哋都冇理她，我就一路都當她透明，直到她鬧到累了就自然會收聲，因我試過同她講道理，她就覺得我造反。對住她，我只好用這样的態度：不聞，不問，不說，不聽，不講，同她的關係攪到這样，我也不想，但這個己經是最好的方法，對我同肚裡面的ＢＢ來說既不傷身，又不傷心。
私人傳訊

bb012506


大宅

積分: 2641


2#
發表於 06-6-30 20:32 |只看該作者

Re: 同奶奶關係唔好，但又唔可以搬出去住。

最緊要你老公支持你，同你同一陣線，我就因為我奶奶，而家已經同我老公

私人傳訊

該用戶已被刪除

3#
發表於 06-6-30 21:38 |只看該作者

Re: 同奶奶關係唔好，但又唔可以搬出去住。

提示: 作者被禁止或刪除 內容自動屏蔽
私人傳訊

lau


子爵府

積分: 11754


4#
發表於 06-6-30 23:00 |只看該作者

Re: 同奶奶關係唔好，但又唔可以搬出去住。

我同你現狀好似, 生左大囡後, 老公要睡廳幾年, 直到細囡出世, 三母女睡房, 老公更加要睡廳, 而個衰99就一個睡大房, 佢眼見個仔睡sofa咁多年都無動於中, 講衰d, 好似想你地兩公婆無私人空間, 感情就會淡, 萬一我兩公婆感情出問題, 佢就係旁邊睇戲, 又唔會懷疑佢令我地兩個出問題, 所以直到現在我同老公都咁好, 都是有問題即刻解決, 唔係實死係個衰99手上, 我夠成日望佢快d釘, 望咁多年都鬼打咁精神, 望到個年就真係還得神落.

私人傳訊

54heima


水晶宮

積分: 55644


5#
發表於 06-7-1 15:45 |只看該作者

Re: 同奶奶關係唔好，但又唔可以搬出去住。

老人家系要turn概，時不時買D小禮物比巨，唔使貴重，總之等巨知道你尊重巨重視巨，我99中意食朱古力，我間唔中就會買D好D概朱古力比巨，夏天概話就買D雪條話系特等買比巨食概，都系幾十蚊著嘛，呢D叫做“做人”。。。你同99平時系屋企概時間安排睇落去好似兩個有心避開對方甘，甘 樣系唔得架，主動邀請巨同你一起落樓下食早餐，或者陪巨去食下午茶喇，你比錢，如果D錢可以換來你同99和睦相處你覺得值唔值得呢。。。系屋企就唔好一個人系房，主動同巨傾偈。。。
總之，如果因為關系已經唔好，仲要搞到成日好似斗氣甘情況只會越黎越差，系甘 個情況下試問你系99你會唔會主動讓間房比心抱？有時做人概也唔好怕蝕少少底，因為蝕少少底有可能會換到著數，呢個道理真系好容易比人忽視。。。
老一輩D人系中意大家長式，即系要話事，甘你地味象征式做也之前都問下巨意見羅，等巨個心舒服D。。。
既然冇辦法分開住，甘唯有諗辦法解決而家個問題，好似你地甘回避都唔系辦法，遲早會火山爆發不可收拾，講難聽D唔好成日覺得自己好委屈，我地系女人99都系女人，99性格上果D問題話唔定我地身上都有，只不過自己問題睇唔到著嘛。。。
所以，姊妹，主動D喇，人心肉做，熔解唔到概冰山其實好少著，盡自己努力。。。
加油。。。
少奶奶的身份，丫頭的命...
私人傳訊

onon1022


子爵府

積分: 12589

好媽媽勳章


6#
發表於 06-7-1 16:26 |只看該作者

Re: 同奶奶關係唔好，但又唔可以搬出去住。

其實最重要係你老公對你好...咁就足夠...



[url=http://lilypie.com][img]
私人傳訊

muimay215


洋房

積分: 56


7#
發表於 06-7-1 17:36 |只看該作者

Re: 同奶奶關係唔好，但又唔可以搬出去住。

請問你結婚時奶奶有冇俾手飾俾你？我就沒有，如果原因是她沒錢買的話，我都無所謂，但她因老爺的去世，已经拥有過百萬身家，個時只是俾着一封一千元港幣利是俾我，其它什麼都沒有。她重同我講叫我媽咪收少啲禮金，但禮金方面她抖零都沒出到，后來我老公就俾着三萬禮金俾我媽咪，而我媽咪就買着两對龍鳳鈪俾我，同俾返一萬元利是俾我老公，我老公就將個一萬元買着一對龍鳳鈪俾我，雖然我媽咪都不是好有錢的人，但我媽咪話是嫁女而不是買女，點都要個女嫁得好好睇睇。唉！結婚晚宴時我媽咪見大家都甘開心，就主動走過去同我奶奶打招呼，跟住好客氣同她說：我個女由今日開始就是你心抱，如她有什麼地方做錯着，就請你老人家唔好怪她同教她，我奶奶就好激氣地同我媽咪話：我哋是大富人家，我個子我會教，你個女就由你自己教返。我媽聽完就忍不住 :-( 了，而我知道后，也 :-( 了，好彩個時是晚宴尾升，我大伯同姑姐就好醒目地拉我奶奶走，而我哋就送走着的客人后拥抱痛哭，從個次發生的事以后，我都無同她講過一句說話，只是打過呼就算了。但近排我哋的關係就因為一件事就更加惡劣，我見近排天氣都几好，就買着ＢＢ用的衣架帮ＢＢ洗衣服，我哋在廳有個柜擺衣架的，我就將ＢＢ衣架擺在裡面，點知她嫌我的衣架阻手阻腳，就掉着入垃圾桶，我同老公吃飽飯返到屋企，見到的衣架在垃圾桶內，都非常傷心，雖然的衣架好平，但她的做法令到我十分憎恨她，决定以后都不叫她，就算ＢＢ出世后，我都不會讓她碰ＢＢ一下，點知她一下唔開心，就掉個ＢＢ入垃圾桶。
私人傳訊

muimay215


洋房

積分: 56


8#
發表於 06-7-1 18:03 |只看該作者

Re: 同奶奶關係唔好，但又唔可以搬出去住。

54heima： 唉！其實我都想一家人開開心心地過生活，不想令老公難做，我曾經試過讓步同討好她，她經常同啲女講她有錢，
私人傳訊

peggy@_@


男爵府

積分: 5707


9#
發表於 06-7-1 18:42 |只看該作者

Re: 同奶奶關係唔好，但又唔可以搬出去住。

雖然我唔係同99住,咪一樣有唔 意,我已經時不時買D小禮物比佢,成日請佢地飲茶<係成家人成10個8個呀>,不過一路99都唔咁出聲,因為我有返工,唔駛靠我老公,到我5月中生左bb女就無做野,咁坐月時又要湊bb一日都係瞓得2個鐘,佢因為我10月作小產所以有我家鎖匙,成日自出自入,又係到睇下你有咩做錯黎話你,真係 ,有時我出聲話佢,佢就好似好委屈咁,其實都唔知佢黎做咩又唔識又咩都幫唔到.......
上個星期我問佢拿反鎖匙,之後佢就同我老公講我好話佢,搞到佢連黎睇bb都唔咁喎,車....我叔仔生左兩個女仲同我99住啦,又唔見佢幫手湊下,成日都話我叔仔老婆做咩都唔啱!
老公都係幫佢呀媽,佢地以為我無外家返,咁我咪叫我老公走囉,呢個月佢要搬走啦,個c6好似知c,辦晒無野咁,依家我睇下佢地又想點囉
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見