夫婦情感

收藏本版
發帖
返回列表
跳至頁

首頁
12

尾頁
   0
b咕


複式洋房

積分: 337


1#
發表於 06-7-6 05:14 |只看該作者

99話我係衰人....................

我同我老公拍咗10幾年拖先結婚, 同我奶奶不嬲d關係都ok, 大家都客客氣氣, 但係當我bb出世之後, 同99d關係就無以前咁好, 我都明白大家對小朋友嘅揍法唔同先會咁, 所以到依家我可以忍我都忍, 我自問依家對佢都尊重, 從來都無頂撞過佢, 相反有時我聽聽埋埋, 我都係忍氣吞聲就算

今日因為我個工人做錯事, 我話個工人, 我老公見個工人黑我面就話埋佢一份, 咁我99每日都會上嚟我度睇bb, 但時間唔長, 通常都係一個鐘至半個鐘, 因為成日得工人同bb响屋企, 所以我裝咗cam, 而我以往都係錄畫面唔錄聲, 不過呢兩日開始就錄埋, 因為bb開始識聽嘢, 我哋想知平時工人同bb講咩, 點知就出事!

個工人一見99嚟就同99打小報告,

工人: 99, 太太今日話我!
99: 吓! 太太!
工人: 係呀, 太太話我
99: 咁太太咩事話你
工人: 太太話我放個箱响呢度. 俾bb企唔得
(實情係佢放個箱响度, 跟住成個人擋住前面, 然後困住bb, bb就無`活動空間, 我話佢唔可以成日都係咁, 我只係講佢一個例子, 再唔係就成日放bb係playpen, 總之唔俾機會bb爬, 可能佢怕要看牛仔, 我話唔可以, 我話要俾bb週圍爬, bb先學到爬同行, 佢講d唔講d, 之後我99話,)
99: 咩佢咁ka, 俾bb企多d唔好咩! 你太太真係麻煩!

工人: 我去熨衫, 太太又話我, 我放bb係網床, 佢又話唔得
99: 咩你太太咁煩ka, 你唔怕你駁佢a ma, 你話唔放bb係網床點做嘢點熨衫呀!正一衰人, 叫人點做嘢!
(實情係我話佢點解唔等bb訓覺先熨衫, 我下晏2-8先俾bb佢揍, 朝早俾佢做晒家務, 下晏專心揍仔, 剩係得d衫未熨, 仲要放低bb不停係playpen叫咗大半個鐘都唔睇吓佢, 我要求佢bb訓覺熨衫, 有咩問題??)佢又係講d唔講d, 依家99覺得我有問題針對個工人)
99: 你問你太太係咪唔鐘意你, 係嘅你咪話唔做囉!
工人: 先生都有話我
99: 佢依家聽晒個老婆話, 佢老婆都係衰, 最衰都係佢老婆, 佢亞媽, 佢老婆真係好麻煩, 你唔使理佢!
工人: 佢話有蟻, 話我洗d嘢唔乾淨!
99: 我度都有啦, 你咪叫佢自己洗囉, 睇吓係咪無, 你唔使理佢, d咁嘅人!
(實情係佢成日用完d糖又唔末好, 搞到好多蟻, 我巳經俾蟻呢個問題困擾好耐, 以前我兩公婆住都無呢個問題, D蟻多到BB個消毒煲都成日有蟻响裡面)

工人: bb訓咗, 我又訓响度, 我收衫淋雨唔舒服ma, 佢又話我呢度病嗰度病, 叫我返印尼
99: d咁嘅人都有ka, 你唔好放响心, 99知就得啦! 正一衰人嚟ka! Bb訓咗有咩所謂呀!
(講真佢無同我講佢唔舒服喎, 我剩係見到有人攞埋枕頭出嚟訓咗成粒鐘, 事實上佢嚟10個月, 三日唔埋兩日就呢度痛嗰度痛, 去我亞媽度又成日話頭暈, 我慶起上嚟咪話佢咁多病痛不如番印尼gi ma!)

講d 唔講d, 又唔講我丙佢掛住講電話唔理bb, 又成日揍緊仔時send sms, 連同我出街都成日攞個電話出嚟send sms, 我都巳經無話佢, 唔係今次佢又訓覺, 又放我個仔响playpen唔理佢, 又講電話, 搞到我咁嬲我都唔會話佢, 出門口時都同佢講咗唔好咩都同99講, 呢d係我哋嘅家事, 係我兩公婆出量, 點知佢都仲同99講

我覺得真係好唔開心, 巳經同99d關係無咁好, 依家仲俾佢搞到咁, 我真係唔識點做, 工人可以換過, 但係99個心係覺得我係衰人, 我就永遠都係衰人. 自問都做咗新抱要做嘅嘢, 仲可以點?????

私人傳訊

該用戶已被刪除

2#
發表於 06-7-6 05:41 |只看該作者

Re: 99話我係衰人....................

提示: 作者被禁止或刪除 內容自動屏蔽
私人傳訊

b咕


複式洋房

積分: 337


3#
發表於 06-7-6 05:48 |只看該作者

Re: 99話我係衰人....................

happy&king 寫道:
我覺得第1:只要你自己做足本份就唔駛再mind你99點睇你囉,你係嫁比你老公,唔係嫁比你99ma,況且你同你99都唔係一齊住,只要問心冇愧,你老公信你同愛你就得啦(p.s.我同你case一樣),第2:我覺得你要比呢日錄左既野比你老公睇,同佢傾下,因為你99咁樣同工人講野,啫係離間緊你地賓主關係,只怕第時你個工人持住你99點教佢講野,then跟住黎講,唔識尊重你,當你冇到咋,試下叫你老公同你99講下,叫佢唔好係工人面前亂講野,同佢講工人既身份就係工人,希望你99明白啦,重有呀,你試下搵機會比d暗示你工人,暗示比佢知佢同你99講既野你知道哂,今次比個機會佢,希望佢知難而退,唔好再亂黎啦
:-P


我老公都聽咗，佢忍唔住半夜三間叫個工人出嚟，丙得佢好緊要，因為一早同佢講咗唔好成日同９９打小報告，個工人緊係話無講，老公嬲得好緊要俾埋個錄音工人自己聽，我依家都唔知要唔要個工人好？？？　（Ｐ．Ｓ．我基本上係同９９住，村屋樓上樓下嗰隻）
私人傳訊

NBMOM


子爵府

積分: 12045


4#
發表於 06-7-6 05:51 |只看該作者

Re: 99話我係衰人....................

俾係老公睇清楚就得啦∼∼

私人傳訊

該用戶已被刪除

5#
發表於 06-7-6 06:01 |只看該作者

Re: 99話我係衰人....................

提示: 作者被禁止或刪除 內容自動屏蔽
私人傳訊

bb012506


大宅

積分: 2641


6#
發表於 06-7-6 06:54 |只看該作者

Re: 99話我係衰人....................

happy&king 寫道:
如果可以既話,最好更係炒左工人佢啦,你老公問左佢都死撐,要比佢聽番先知錯,佢個心似乎都想作反咁滯,留佢係屋企都冇用,盞提心跳膽,你最好呢排要睇緊d個bb,怕佢對小朋友唔好


同意！我都會炒佢！

私人傳訊

Kinexma


男爵府

積分: 6606


7#
發表於 06-7-6 09:01 |只看該作者

Re: 99話我係衰人....................

炒左個工人, 請過第二個啦,
99 誤會有機會可以解釋,
一家人相處最怕有人做是非,
誤會會愈來愈深,
仲要係街外人攪事,
一於換人.... 佢都冇心機湊你個 b,
講真湊仔係最重要個 part 都做得唔好,
不過唔用佢都要諗個方式,
因即炒要補一個月,
但一個月通知又驚佢唔知點對個小朋友.
除非你 99 可以幫忙睇住,
同 99 攤開
私人傳訊

mchan89


男爵府

積分: 9516

好媽媽勳章


8#
發表於 06-7-6 09:12 |只看該作者

Re: 99話我係衰人....................

其實個工人都係度離間梗你同你99.....

你 99 好多野都係聽個工人講, 而個工人又咁識講野, 淨係講
晒你丙佢 d 野, 唔講因由, 你個 99 又冇分析能力, 乜都信晒
佢講, 其實你應該同 99 解析下, 點解要鬧個工人....

私人傳訊

weima


禁止訪問

積分: 940


9#
發表於 06-7-6 09:16 |只看該作者

Re: 99話我係衰人....................

提示: 作者被禁止或刪除 內容自動屏蔽
私人傳訊

ABCD媽咪


伯爵府

積分: 16016

好媽媽勳章


10#
發表於 06-7-6 09:25 |只看該作者

Re: 99話我係衰人....................

炒!唔留得呢d人

我請過一個工人
佢係我大女面前話二女壞話
又話我地兩公婆唔愛她
然後去二女到話我大女對她唔好
然後又來我到話兩個女呢樣果樣
更什係去三女學校同其他家長話我虐待d女

果兩個月真係家嘈屋閉架
連亞女也來同我講
"媽咪..亞姨姨話你唔愛我..我唔信架
不過佢日日o甘講..我好唔舒服"
說話真係洗腦的

後尾炒左佢
搞事搞非...連亞女同學仔的媽咪..
也睇佢唔過眼
私人傳訊

ngphoebe


大宅

積分: 1378


11#
發表於 06-7-6 10:41 |只看該作者

Re: 99話我係衰人....................

工人一定要炒, 我怕佢會虐待你個小朋友, 真係唔好比佢留低.
私人傳訊

SkySiu


伯爵府

積分: 18757


12#
發表於 06-7-6 10:48 |只看該作者

Re: 99話我係衰人....................



等老公系到時, 同99講清事情原因, 還自己一個公道, 且睇下99物反應, 如果99醒覺知系工人問題, 咪算羅, 叫99以後認真及住個工人, 因一切都系為bb好.
如果佢掉番轉幫工人, 咁系佢問題. 做番自己應做就算.
咁好過你唔講, 誤會就更深.
私人傳訊

onon1022


子爵府

積分: 12596

好媽媽勳章


13#
發表於 06-7-6 11:27 |只看該作者

Re: 99話我係衰人....................

如果係我...我會炒左個工人...然後請個第二個...如果你奶奶出聲話點解要炒個工人...咁你咪同佢解釋...如果之前既錄影帶未洗...可以播比奶奶睇...其實最重要你老公支持你...



[url=http://lilypie.com][img]
私人傳訊

mannc


男爵府

積分: 6673

好媽媽勳章


14#
發表於 06-7-6 11:37 |只看該作者

Re: 99話我係衰人....................

mchan89 寫道:
其實個工人都係度離間梗你同你99.....

你 99 好多野都係聽個工人講, 而個工人又咁識講野, 淨係講
晒你丙佢 d 野, 唔講因由, 你個 99 又冇分析能力, 乜都信晒
佢講, 其實你應該同 99 解析下, 點解要鬧個工人....

我都覺得先同你99解釋, 再同你工人講多一次做野既程序, 好似要表現你既勢力, 但又唔好"且"火, 因為始終你個BB係佢手上!
私人傳訊

b咕


複式洋房

積分: 337


15#
發表於 06-7-6 12:04 |只看該作者

Re: 99話我係衰人....................

其實個工人SO FAR做嘢都OK, 所以我哋有D嘢都隻眼開隻眼閉, 今次我都係覺得佢唔聽ORDER做嘢先丙佢, 只係要求熨衫講電話唔好响BB未訓嘅時侯做, 我有錯咩!

我話佢好攞埋個枕頭出嚟訓咗成粒鐘, 講真唔係俾我見到佢講電話唔理BB我都會算數唔會話佢, 佢話唔舒服我點知佢真定假, 我返嚟又唔見佢講, 我講咗10萬9千次唔舒服要REPORT麻, 萬一傳染俾BB點算, 咁佢無REPORT我點知佢咁多

我成晚無訓, 都唔知做錯咩! 點解要係咁??
私人傳訊

NIKI5551


別墅

積分: 521


16#
發表於 06-7-6 12:38 |只看該作者

Re: 99話我係衰人....................

bb係你嘅!
個工人唔啱就梗係要話啦!
其他人講咩都唔好理佢!
你自己知道係為bb好就得啦!
我99都成日信埋d姨媽姑姊!我都費事理佢!
私人傳訊

LSC


大宅

積分: 3353


17#
發表於 06-7-6 13:44 |只看該作者

Re: 99話我係衰人....................

個工人一定要炒,至於你99,死證,佢唔LIKE你,你換幾多個工人,佢都一定會照樣對住工人話你,好在你有證有據,等你老公知道佢阿媽咁衰,企係你果邊
私人傳訊

idaandho


大宅

積分: 4205


18#
發表於 06-7-6 14:02 |只看該作者

Re: 99話我係衰人....................

你個工人好叻呀！識打小報告呀！佢咁鐘意打小報告就炒左佢，等佢返祖國搵佢家人打小報告啦！你99又係，信個工人都唔信你，果然係冇腦！真係
晴晴藍藍小天地[img align=right]http://lilypie.com/pic/060814/rHZZ.jpg[/img]
私人傳訊

edea


王國長老

積分: 119074

王國長老


19#
發表於 06-7-6 14:03 |只看該作者

Re: 99話我係衰人....................

b咕 寫道:
我成晚無訓, 都唔知做錯咩! 點解要係咁??


唔好咁上心啦, 有時人地唔鍾意自己,諗下自己冇對佢唔住,就唔駛介意. 人夾人緣, 奶奶平日正面冇俾說話妳聽就由得佢啦.
我唔係經常上BK, 想搵我嘅朋友請email: [email protected]
私人傳訊

bigboxsmall


民房

積分: 24


20#
發表於 06-7-6 16:49 |只看該作者

Re: 99話我係衰人....................

算啦! 唔好理隻99. 但我就建議唔好要個工人, 搵過第二個吧.
我以前曾經和你一樣, 99聯同個工人玩我, 比佢攪到我身心都疲累. 最後是我家姐睇唔過眼, 且老公漸漸知道了佢亞媽d衰行為. 咁樣! 我老公叫佢亞媽唔使幫手睇bb, 而我家姐帯我去請過另一個工人, 有事時, 家姐話唔好勞煩亞奶奶, 叫我的工人同bb(當時小朋友只有1歲左右)去佢屋企住, 因我同家姐都是在職mami, 但家姐個工人ok, 同埋佢d小朋友已經小學了, 佢個工人可以幫手睇bb. 真是好彩有自己家姐幫手, 佢仲教我個工人做野.

黑暗的日子好快會過架! 唔好唔開心啦. 咪當是學多樣野law.
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy