一個女警的心聲......共勉之---
尋日的遊行，很多警察工作超過18小時， 好多警察做完除夕，放零晨四點，又返十點做遊行，直踩十幾廿個鐘，今日又話返六，七點，咁辛苦咪為左服務廣大嘅市民。
我認為每個人都有權表達意見，為市民服務，在遊行其間擔當維持秩序嘅角色係警察嘅責任，警察好樂意承擔，但今日我見到嘅部分示威人士遊行嘅目的根本已經不是為表達意見。
係佢地霸佔馬路其間，我聽到六七個年約二十多歲年青人在笑談：哈哈！仲話警察，我地走來走去都捉唔到我地，仲話做警察，食屎啦，揾枝燈照下佢地玩下（繼而佢地用閃光燈照住警察嘅眼睛，但所有警察並沒有理會佢地嘅行為。）之後佢地好無癮地話：(粗口字眼由版主刪除)，班狗都無反應嘅，走去第二度再玩。之後佢地去左第二度霸占馬路；我⋯⋯又見到有示威者有預謀地監生屈警察打佢，自已飛仆落地大聲話俾差人打，叫記者黎影。
我見到呢啲以上種種，覺得好心痛，點解香港嘅市民係咁，警察係保護市民地生命財產，捉賊救人，呢班人就將警察當作佢地消磨時間嘅玩具之餘，完全不顧其他道路使用者嘅權利，更利用警察制造新聞，令警察無法做佢地應做嘅事，香港點會安定呢？
事實上，有好多人係知道警察嘅付出，知道佢地辛苦，搞事嘅只係一小撮人，所以唔好灰心，有眼晴同健全腦袋嘅人會知道誰是何誰非，無難題係解決不了，前線面對嘅小部分刁民及搞事分子事實比以前的人更無恥更，更卑鄙，看似更難處理，但是只要理直，就可以氣壯，面對呢啲人，要不温不火，堅守本分，不多不少，佢地要玩過火，硬衝，破壞秩序，依法執行，唔需要勞氣，真理永遠都在，合情合法合理，無論咩情況都無需要怕！
internet photo credit :Sherman Wong
這些就是他們所講的"和平理性"嗎? 竟然還有人在死撐是警方的問題.....
發表於 
返回列表
