吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 點樣帶雪奶出街餵bb?

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1577 | 回覆: 5

點樣帶雪奶出街餵bb? [複製鏈接]

bblove

複式洋房

積分: 297

1^#

發表於 06-7-3 15:26 |只看該作者

點樣帶雪奶出街餵bb?

想請教如果唔帶暖奶器(因為無電源),又無熱水(因為唔係去茶樓),可以點樣帶雪奶出街餵bb?事緣bb一直由我媽咪湊,一向相安無事,佢要帶bb去探朋友,都會帶暖奶器,去飲茶仲方便,用茶樓d熱水就得,點知早幾日佢要去旅行社開茶會,咁啱撞正bb夠鐘食奶,結果佢就好叻咁喺屋企坐熱枝奶,跟住就成枝放入一個裝滿100度滾水嘅thermos保溫瓶帶出街

,佢話唔用大滾水keep唔到暖咁耐,我同佢講,咁樣會殺死晒d奶入面嘅抗體,佢就好負氣咁話:「咁我以後都唔出街喇!」我唯有話,你呢個方法都得,唔好用滾水,將d奶分開拎,到食至放落熱水度,點知佢話:「d水唔夠熱架!咁麻煩,下次帶奶粉開俾佢食!」終於講出心底話!

我都明白要d老人家掌握甚麼抗體, 甚麼水溫唔可以過60度,或者冰奶唔可以喺室溫解凍,係好困難嘅事,因為佢哋以前一係埋身餵, 一係就全程餵奶粉,所以想問問大家意見,有無個簡單d嘅解決方法,唔好等我媽咪有藉口開咗我嗰罐收埋咗嘅後備奶粉.

私人傳訊回覆引用

Cyntoby

大宅

積分: 4784

2^#

發表於 06-7-3 15:36 |只看該作者

Re: 點樣帶雪奶出街餵bb?

我通常帶凍奶去街, 就帶個"保暖杯", 未食就放多塊冰種落保溫袋.

到食時, 可到麥記或餐廳取大滾水座,大約10 -15 分鐘就OK 啦!!!!!(如果擔心唔夠熱, 可中途換一次水, 但我多數一次OK嫁啦!!!!)

另外, 銅鑼灣時代的育嬰室, 有"座奶器"嫁!!!!!!

私人傳訊回覆引用

teresa1208

大宅

積分: 4177

3^#

發表於 06-7-3 15:55 |只看該作者

Re: 點樣帶雪奶出街餵bb?

我之前試過係屋企坐暖佢，跟住跟多一支暖近熱既水，放係保暖袋，。不過宜家天氣熱，就會坐暖就出街，如果出得耐，就會取一支冇入過雪櫃既，飲吱坐暖個支先，跟住飲冇入過雪櫃個支，我o念可以出街出得耐d拉
雖然奶粉好似好方便，但又要冲又要搖，未一樣o甘痲煩

私人傳訊回覆引用

xxll

別墅

積分: 670

4^#

發表於 06-7-3 23:36 |只看該作者

Re: 點樣帶雪奶出街餵bb?

我想問下係唔係唔可以用60度以上既水去翻熱d奶??我依家係用98度既水去翻熱d奶, 都要等幾分鐘... 如何用60度, 咁阿b會喊到拆天....

私人傳訊回覆引用

suetmay

民房

積分: 33

5^#

發表於 06-7-4 08:31 |只看該作者

Re: 點樣帶雪奶出街餵bb?

我通常帶個外賣湯碗(貪佢輕又可保暖)、一個有60度水的暖水壺、一樽凍水出街,咁方便返教會去街用,去食肆可以取熱水再自己溝凍水,咁有些地方無水供應先動用那瓶60度水。

我在家有個可以keep六十度的電熱水煲,咁我同我老公都會在99或62來之前煲好水,等它們無咁多借口,同埋就算沖奶粉都不能用咁高溫的水,當然我都唔會俾機會佢哋開奶粉,因為我已泵好奶。

其實大概十至十五分鐘ok的,但中間一定換水,第一次浸的水是去雪味,第二次是真正座暖,通常第二次都好快得,bb都會喊到拆天的,好在62及99話小朋友哭多些會健肺。

囡囡紓紓的網頁