我遇到沒禮貌的sales
話說上星期六,我同阿女到旺角中心行街,上到頂層其中一間賣衫檔口,見到條裙幾靚,”A “sales(個樣幾纯下)猛sell我地話亞妹(我個女)著得好睇,因為那裡冇地方試身,所以只可以併上身睇,當時我地考慮緊點襯衫,”A” sales 話,唔緊要,如果你地返去真係襯唔到衫的話,可以攞返黎換另一款,咁佢當時真係好好笑容,聽佢咁講就買左。點知返到屋企一試,唔啱著,一心諗住返去換。
於是第二日下午去到,有位”B”sales(化了粧好串)企在檔口前,我道明來意,她便說”要三點後先有得換,而家開唔到機”,我望下隻錶(當時約1:15)話”吓,你地冇話三點後先有得換喎”, ”B”sales就一輪咀話”miss,唔會冇,一定有,一定有話比你知”(佢態度係,冇笑容,望左我一眼,跟住再冇再望我係咁一輪咀不停咁重複呢句),本來我都冇乜野,諗住轉頭再黎或算數唔換,同埋可能佢真係話唔到事,但係佢係咁一輪咀不停咁重複和沒有望著我又好冇禮貌就令我火起,開始忍唔到,我話”嘩!你態度好差喎”佢竟然答”小姐,呢d係你個人認為姐,”(又係一輪咀重複,亦冇望過我,冇笑容),我話”唔係我個人認為,係你態度真係好差” 佢跟又係一輪咀重複, ”小姐,呢d係你個人認為姐,”最終我走左冇換到。呢件事我只覺得點解而家d妹妹仔咁冇禮貌同冇家教。呻完,多謝晒。
相處時需要包容 爭吵時需要溝通
孤獨時需要陪伴 難過時需要安慰
生氣時需要冷靜 快樂時需要分享
發表於 
大把呢d冇禮貌既sales架啦！ 下次咪鬼幫襯佢囉！免得睇人面口同勞氣啦！ 
返回列表
