懷孕前後今日: 13|主題: 330402

收藏本版

發帖

返回列表

跳至頁

查看: 1096 | 回覆: 9

陪月呃買餸錢 [複製鏈接]

platinumism

民房

積分: 11

1^#

發表於 06-7-18 11:09 |只看該作者

陪月呃買餸錢

我搵唔到人介紹相熟陪月, 結果搵左agent介紹, 間agent就喺google search "專業陪月"就搵到, 點知換黎痛苦經歷.
其實見工基本上無意思, 因為佢講mug你都要信, 我請嗰個話自己做左10年陪月. 我後來明白阿芳姐點解要做陪月, 基本上無僱主可以容忍佢喺自己屋企"做野"多過1個月.
我想同大家講嘅係買餸錢, 見工時佢地話街市買餸通常無單, 陪月阿姐會先攞500元, 然後會寫番每日買左mug, 每樣幾多錢, 到差唔多用完再攞錢, 咁樣好似好公道, 但係如果個陪月夠厚顏, 好似我個陪月阿芳姐咁做, 真係無佢符.
當阿芳姐差唔多洗晒第一個500元時, 佢俾條數我睇, 雖然我唔肯定一餐豆角係咪要9元, 但係無理由要懷疑人, 於是我地再俾1000元買餸錢.
到佢又話差唔多洗晒1000元時, 佢再俾條數我睇, 我發覺佢由1000元開始減起, 無再加番之前500元買餸錢嘅餘數 (即係我當日應該共有一千零??元喺佢度, 但佢當1000元起計), 我問番佢, 佢話上次剩番60元左右, 咁我計埋所有, 再俾500元佢, 重申我總共有幾多買餸錢喺佢度. 我呢次仲以為阿芳姐純粹唔小心, 唔係有心呃我.
過左1星期左右佢話俾我聽買餸錢應該邊日洗晒, 到佢最後返工嗰日最後半小時我問佢攞條數睇, 佢話唔記得帶, 我問啲買餸錢係咪洗晒, 佢話係, 我再問多次, 佢話早幾日已講左俾我聽. 我相信當時我同芳姐都知佢明明呃緊我啲買餸錢, 邊個咁叻可以一個月剛剛買2000元餸, 1元都無得剩? 好遺憾呢啲人我唔可以報警拉佢.
我總結嘅經驗係, 作為僱主應該預備擇數本簿俾個陪月, 要求佢喺我本簿度每日記低用幾多錢, 咁我可以監察得好啲. 但係對付阿芳姐呢種人仲應該要求佢去超市買餸, 有單有據, 我好相信佢之前買啲餸都已經報大數.
其實我唔介意啲買餸錢, 個陪月做得好, 佢俾番餘數你你都唔會要, 但係阿芳姐等錢洗到咁都幾唔要面.
阿芳姐仲有好多經典事蹟, 如果你地有仇人想請陪月, 或者你地想知agent 或陪月全名以防受害, 可以pm俾我. 將芳姐介紹俾仇人真係人生快事.