吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我是第三者......

夫婦情感今日: 3|主題: 42711

收藏本版

發帖

返回列表

跳至頁

查看: 8798 | 回覆: 88

我是第三者...... [複製鏈接]

12 3 4 5

心琪

民房

積分: 15

1^#

發表於 06-7-14 17:57 |只看該作者

我是第三者......

我同男朋友一切已有六年時間, 起初同佢一切佢講佢係離左婚有一個小朋友, 我覺得佢有小朋友都不是問題, 離了婚都無問題,所以同佢一切, 之後差唔多半年之後, 我知道佢同老婆未正式離婚只是分了居, 我當時講不如我地分開先,好令佢搞清楚先再一切, 佢唔肯, 佢話當時佢同老婆分開都有兩年, 不是因我而分居的, 是因為她有第三者,最後我都無走到, 再過半年之後, 有日佢老婆打電話俾我, 她講: 你就係我老公出面個件呀, 你死心啦, 我老公不會為你同我離婚, 我有個仔在手, 佢屋企人全部都幫我, 我之前出面有男人係專登激我老公的, 不過當時佢知道都無同我講離婚,只係搬開左, 所以你都唔洗指意佢會離婚......當時我只係聽她講, 根本我無得出聲的餘地, 到她講完, 我就一句同她講:講完未?,之後就收線, 這件事講返俾佢知, 但我都叮囑佢唔好同她嘈, 只係叫佢快d搞清楚件事, 一拖再拖, 到如今我仍是一樣, 可能我好傻等佢六年, 佢同我講因仔仔現時不可能離婚, 但是將來會做到的, 我叫佢俾時間我, 佢都係說不可能確實幾時, 當時同佢一切時仔仔得4歲, 而家都十歲啦, 我一直都叫我男朋友不要讓小朋友知的的存在, 甚至佢wallet既相我都抽起哂, 目的是不想小朋友在未懂事時要去明白大人的事是好困難的, 而家我真的不知仍等下去嗎?

私人傳訊

月希

珊瑚宮

積分: 119609

2024年龍年勳章好媽媽勳章畀面勳章

2^#

發表於 06-7-14 18:16 |只看該作者

Re: 我是第三者......

等左6年你重等?你想再等幾多個6年?講d實例你聽..依d都係我屋企長輩既真事

我有個阿叔..係佢老婆大肚時就有個女朋友..個女朋友係佢d阿head..係事業上好幫到佢..到我地果輩既小朋友都有番10歲8歲啦..果個阿叔直情有帶佢女朋友出黎見人...有d好疏既親戚..重以為阿叔既女朋友就係老婆..到好後來有個阿伯大壽...果d親戚先知..我阿嬸係另有其人..個個即時唔敢出聲....到依家..阿叔同佢女朋友20幾年啦...佢女朋友始終都係佢女朋友...有次比我係街度撞到阿叔同佢女友重有佢女友既父母親戚...結果係成班都唔知佢地個女係人第三者..成日以為我阿叔同佢地個女係同居唔結婚姐....
我又有個阿叔...已有一仔一女的...係女女幾歲時開始有個女朋友...後來個女朋友重幫佢生多左個女添....結果..又係20幾年啦...個女朋友始終都係女朋友...重多個私生女添...果個年代..出世紙好似有寫明係私生咁上下架...近年依個阿叔係同老婆離左婚..不過都冇同佢女朋友一齊..一樣係同老婆一齊住..佢會離婚...只係因為老婆發脾氣...

你話..你重想等幾多年?男人拖得就拖..拖得你10年8年..你d青春都冇晒時...你重有冇得揀唔等呢?

咪傻啦...回頭是岸丫

私人傳訊

wongau

複式洋房

積分: 496

3^#

發表於 06-7-14 18:29 |只看該作者

Re: 我是第三者......

6年啦!唔好再等, 一個男人要離婚一早可以做到, 唔係一等再等, 因為佢都無想過要離婚.

http://mysinamail.sina.com.hk/cgi-bin/album/alimage.cgi?sn=0iQpxgcWyeb2DC2huWTZkRLhcP&al=0&ph=0&brev=0

私人傳訊

心琪

民房

積分: 15

4^#

發表於 06-7-14 18:35 |只看該作者

Re: 我是第三者......

TO:月希

我看著你段說話, 不知不覺就流左眼淚, 其實你所說的已經是我有想過的結果, 其實我比佢地兩傷了又傷,但我覺得自己無做錯什麼的,如果我是如那些第三者, 去搶去偷人老公, 我就算怎樣都是錯, 但事情搞到這樣,我退又難,進又難......或者我不甘心花了六年都係這樣結局........

私人傳訊

小寶貝兒

珍珠宮

積分: 30295

5^#

發表於 06-7-14 18:51 |只看該作者

Re: 我是第三者......

心琪,
我好明白妳本身唔想, 係個男人扼左妳在先!!
但而家6年啦, 妳仲未睇清楚呢個男人係咩人咩?

而家佢話為個仔, 為到佢幾多歲?? 20歲? 30歲? 成埋家生埋仔好唔好? 果時妳又幾多歲?

女人, 冇幾多青春架咋!! 當有一日, 人老珠黃既時候, 身邊既人借d e就話分開, 乜乜物物咁, 到時, 妳又甘心咩!!!

唔好傻啦, 我信個天會為妳預備一個好男人, 唔好再為左呢個男人作賤自己啦!! 我諗最唔開心既, 就係妳既家人!! 唔好再令佢地擔心落去啦~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

月希

珊瑚宮

積分: 119609

2024年龍年勳章好媽媽勳章畀面勳章

6^#

發表於 06-7-14 18:55 |只看該作者

Re: 我是第三者......

唔講邊個對邊個錯..講你既將來...你想因為你既唔甘心就咁一世都要同人地分享人地個老公?你永遠係阿二...久唔久會比男友老婆打黎話你?....定係長痛不知短痛...快d分手..搵過個只屬於你既老公?一生幸福

我唔明...大家都係女人...做第三者有乜為呢?最後苦既係你同你男友既老婆...你個男友就由頭到尾享齊人之福...係你面前扮下慘..又呃多你幾年..係你面前話為個仔...又呃你幾年...你有幾多年比佢呃?你男友個老婆講得岩架喎..佢地要離婚一早離左...你駛唔駛等6年咁耐呢?傻左6年啦...值唔值得為左依6年再放多幾個6年落去呢?唔通真係要自己人老珠黃...想走都走唔到時等個男人唔叫你?

私人傳訊

心琪

民房

積分: 15

7^#

發表於 06-7-14 19:11 |只看該作者

Re: 我是第三者......

to小寶貝兒:無錯, 我目前最唔想傷害到我家人, 我家人是知道的, 我叫佢地俾時間佢, 一年又一年, 我家人都開始失望, 就算佢對我家人有幾好都好, 始終我知道佢係人地女婿,人地老公......
我真的好心痛佢呃我在先, 到我知道佢呃我, 那時我已放左感情, 我不是想做人第三者, 正如說大家都係女人, 我都唔想做這個角色, 我真的好恨男人如此呃女人的感情, 比起男人無錢, 不長進更賤.......我目前同佢無咩可以講,見到佢我真的好恨佢, 但只能放係心裡面, 畢竟過的日子, 佢陪我過的, 幫我過的,情義令我心仍留下, 唉.....不過我一定不會俾佢呃我過第7年的....

私人傳訊

小寶貝兒

珍珠宮

積分: 30295

8^#

發表於 06-7-14 19:38 |只看該作者

Re: 我是第三者......

心琪,
點解我會話妳屋企人最傷心呢....
因為我之前為左99搞到我自己有病, 係情緒病, 我阿媽擔心到c, 我細妹直頭請假黎陪我行街傾計, 我阿媽叫我返娘家住....
我開頭唔敢同佢地講, 因為我知道佢地一定好擔心我, 當我同細妹講左之後, 我媽咪即刻好快打電話比我, 我當時真係失控喊左出黎呀!!!
所以我之後對自己講, 我唔可以再被99左右到我既情緒, 我要好返, 我唔想傷害我既家人!! sofar 我而家都好ok, 開始活出自我!

妳都要呀, 真係長痛不如短痛, 更何況, 妳既痛已經唔算短啦.....
傻妹, 我好明白一個男人即使有幾衰幾賤, 總會有佢好既地方, 唔係點會有女人鐘意丫, 但妳要知道, 唔可以因為佢對妳好, 妳就要將妳既一生浪費係佢身上架!! 有情有義係好, 但妳要諗下, 既然佢老婆唔係佢既"the one", 咁妳都唔會係!

我好相信一次不忠, 百次不用!!

而且, 呢個世界仲係有好男人既~~

努力meet甩左佢, 搵過個好男人啦!!

私人傳訊

烏租租

大宅

積分: 4645

畀面勳章

9^#

發表於 06-7-14 19:44 |只看該作者

Re: 我是第三者......

唉,再一年之後,佢又講其他原因話吾可以離婚,咁你打算点呀？長痛不如短痛,分開啦,如果佢係愛你的話,佢會用行動黎証明架啦！又講真一句,佢吾同佢老婆分開,係因為隻c6吾想傷害佢老婆啫(先不說佢愛吾愛佢老婆),咁就即係佢會選擇傷害你啦,咁仲比機會佢傷害自己,吾值囉！放手吧啦！到現在,傷的只有你,沒有誰了！係時候醒覺啦,無左佢,你先會有叧一個天空哦！

嵐嵐之家
[url=http://lilypie.com]

私人傳訊

心琪

民房

積分: 15

10^#

發表於 06-7-14 19:55 |只看該作者

Re: 我是第三者......

to:小寶貝兒
我好明白情緒病的,我為左佢都有情緒問題, 我哥哥是社工,好彩佢時時開解我, 我前幾天可能因多年的壓抑, 我在家時都突然失控喊左出來, 今次無同哥哥講, 今次真的好怕佢擔心我, 我連朋友都無講, 可以post係度係我可以講的最後一個地方, 我再唔講真的又想失控, 這個男人真的好像你99般會左右我的情緒, 我好明白當中的辛苦......你活出到自我,努力keep住呀....

真的好一句傻妹....我真的好傻, 或許只是差一些, 只要我懂得放手, 我一定會找到個好男人.......

始終多謝你們的意見, 可能有些媽媽見到topic係"我是第三者"就不會看.....

私人傳訊

bb012506

大宅

積分: 2641

11^#

發表於 06-7-14 19:58 |只看該作者

Re: 我是第三者......

趁自已仲有青春就要為自已著想啦！唔通你想再等六年，又或者等佢地兩個和好如初？到時你點算？比機會佢傷你，不如比機會自已搵真正

私人傳訊

心琪

民房

積分: 15

12^#

發表於 06-7-14 20:01 |只看該作者

Re: 我是第三者......

to烏租租,
我都這樣同佢講,如果係尊重我,就應行動做出嚟, 之後佢就如你說一樣,唔想現時傷害她, 甚至有次佢話去左搞離婚, 之後她收到信不肯簽名, 之後怎怎怎............最後又係吉吉吉.....不過我唔會再信佢, 我而家要想清楚去向.........

私人傳訊

weima

禁止訪問

積分: 940

13^#

發表於 06-7-14 20:17 |只看該作者

Re: 我是第三者......

提示: 作者被禁止或刪除內容自動屏蔽

私人傳訊

烏租租

大宅

積分: 4645

畀面勳章

14^#

發表於 06-7-14 20:21 |只看該作者

Re: 我是第三者......

咁仲等咩呀,go and action啦,前面仲有大把好野等住你呀,當比個機會自己啦,心琪,做第三者,嗰種滋味吾好受架,人地攬住暖立立時,你自己一個人喊,人地一家大細family day時,佢有冇諗過你一個人响屋企食公仔面呀！快d走出尼個困局囉！

嵐嵐之家
[url=http://lilypie.com]

私人傳訊

happykklam

子爵府

積分: 12365

15^#

發表於 06-7-14 20:21 |只看該作者

Re: 我是第三者......

心琪：我覺得佢跟本唔想離婚，因為妳同佢已喺一齊6年，如果要離一早攪掂la！佢話唔想現時傷害她，佢同妳一齊已經傷害咗佢la，佢仲傷害緊妳添，最大得益者係佢自己 :tongue: 唔好因為一句唔甘心而令自己無了期等一個不負責任嘅男人！

私人傳訊

ringoivy

翡翠宮

積分: 76971

16^#

發表於 06-7-14 21:19 |只看該作者

Re: 我是第三者......

佢咁既大話都可以呃到你咁多年, 唔通愛情真係盲目既 ?-( ?-( ?-(

私人傳訊

parker

別墅

積分: 551

17^#

發表於 06-7-14 21:33 |只看該作者

Re: 我是第三者......

呢個男人真係cheap到爆.

如果佢真係愛你, 就會返去搞清楚唔會拖累你.
一個女人最重要係青春, 佢已經他拖左你六年,
佢已經坐定粒六, 就算佢唔離婚, 你都唔會離開佢.
佢又使乜為你做陳世美? 所以佢係絶對唔會離婚.
要離, 都同愛到火紅火綠既時候啦.
一個男人變成心要拋妻棄子話咁易啦.
佢唔咁做, 只係表示佢最愛自己, 要身邊女人都為佢犠牲.

如果係一個每一樣都令我死心塌地既男人, 為佢等一世都願.
為左一個cheap男人, 你自己諗.