吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 爸爸專區› 想請教一下各位，紮鐵工及釘板工哪個較有前途及發揮? 謝 ...

爸爸專區今日: 0|主題: 16402

收藏本版

發帖

返回列表

跳至頁

查看: 20462 | 回覆: 18

想請教一下各位，紮鐵工及釘板工哪個較有前途及發揮? 謝謝 [複製鏈接]

chowwailun

大宅

積分: 2354

1^#

發表於 13-11-7 01:26 |只看該作者 |倒序瀏覽 |打印

大家好，我是兩女之父，兩夫婦均是教師。年半前，合約完結後校方再沒有與我續約。非常羞愧，至今仍未找到教席。

這樣下去也不是辦法，不想把一切擔子由太太一人承擔，已決定轉行。告訴大家我的背景絕無搏同情的意思，只是藉此表示自己的請教各位的誠意。

想請教一下各位，紮鐵工及釘板工哪個較有前途及發揮? 我已準備報讀相關課程。謝謝賜教。

0 0 0

Alex Chow

私人傳訊

小黑雞

禁止訪問

積分: 2284

2^#

發表於 13-11-7 14:56 |只看該作者

回覆：想請教一下各位，紮鐵工及釘板工哪個較有前途及發揮

提示: 作者被禁止或刪除內容自動屏蔽

私人傳訊

drummer666

複式洋房

積分: 261

3^#

發表於 13-11-8 00:46 |只看該作者

回覆：想請教一下各位，紮鐵工及釘板工哪個較有前途及發揮? 謝謝

最大問題怕唔怕曬
如果你無運動開，年紀有35起，盡量唔好諗紮鐵，釘板，落石屎還可以嘗試
或者可以諗諗做泥水，唔一定係室外工作，比以上舒適D

私人傳訊

April_B

男爵府

積分: 8860

BK Milk勳章

4^#

發表於 13-11-9 00:49 |只看該作者

小黑雞發表於 13-11-7 14:56
我唔知你咩年紀，但點解唔係去教補習呢？
地盤工唔係個個頂得順，特別你係文人。
教師係專業我覺得你唔應該 ...

聽聞補習社打工好少錢(星級賣廣告連鎖果d另計...)如果屋村功課托管班, 有d可能好難頂, 甚至假期冇乜間俾屋企..
我估佢係想搵一份長遠少少,收入有返咁上下的工....
教育界真係唔容易...

私人傳訊

AA1218

複式洋房

積分: 415

5^#

發表於 13-11-9 09:38 |只看該作者

回覆：想請教一下各位，紮鐵工及釘板工哪個較有前途及發揮

我覺得你的想法很值得好多人學習，你是一個負責任的爸爸和丈夫，先不論做那一行，最緊要重拾自信。。
俾心機，加油！

私人傳訊

rich47004

男爵府

積分: 8266

6^#

發表於 13-11-9 10:51 |只看該作者

回覆：AA1218 的帖子

事實上紮鐵比較專，要看清鐵圖，屈對角度，要求比較高。
釘板會比預制件取代，須然還需要釘板，但專業要求不太高，在地盤上看出釘板工也不是太專業。
另外，紮鐵工須要較高體能要求，隋著新一代加入，希望可多注意自身的職業健康，不要留下傷患身體到老。
我覺得這些工作都應受大家專敬，沒有他們，連屋都無得住。

私人傳訊

piklek

大宅

積分: 1036

7^#

發表於 13-11-9 11:04 |只看該作者

回覆：chowwailun 的帖子

尼兩行對新人黎講都可以話搵命搏，一大扎鉄幾拾度放上膞，真係燶晒架。

私人傳訊

April_B

男爵府

積分: 8860

BK Milk勳章

8^#

發表於 13-11-9 11:58 |只看該作者

piklek 發表於 13-11-9 11:04
尼兩行對新人黎講都可以話搵命搏，一大扎鉄幾拾度放上膞，真係燶晒架。

...

又係喎,好多人只想好曬同好重...冇諗E個重要POINT

私人傳訊

n1775979

大宅

積分: 2396

9^#

發表於 13-11-9 14:20 |只看該作者

回覆：chowwailun 的帖子

唔好信D報紙佬講有6皮一個月呀.

教開書走去做地盆就真喺驚你頂唔順. 冬天還可以, 但夏天就慘囉. 30幾度天氣喺樓面札鐵分分鐘40幾度. 矖到一身朱古力色, 大汗又辛苦又危險. 平時睇奧運舉重真係濕濕碎, 喺地盆睇佢哋幾個人抬一條6m長Y40仲犀利. 一日抬成百條唔講得少.

日薪雖然高但真喺唔個個有本事做. 莫講話落手落腳做, 連我企喺樓面晒住睇人做有時都頂唔順. 夏天雨季又可能開工不足. 我覺得遲早會俾尼泊爾人做晒.

建築呢行你去報個Safety course (做安全佬) 或者 environment officer 仲好. 都要行地盆但文書嘢都好多.
咁多地盆應該唔會搵唔到. 祝好運!

私人傳訊

MT@BK

洋房

積分: 97

10^#

發表於 13-11-9 19:03 |只看該作者

回覆：想請教一下各位，紮鐵工及釘板工哪個較有前途及發揮

雖然話釘板，紮鐵，落石屎工人工高，但未必成日有工開，個人建議，如想入建造業，可考慮讀有關安全或環保課程，做安全督導員或主任，依家行內仲缺人手，你又教開書，應該勝任有餘

私人傳訊

chowwailun

大宅

積分: 2354

11^#

發表於 13-11-11 11:01 |只看該作者

衷心多謝大家的賜教。
其實我雖是一個教書佬，但是平時都有做開運動，體骼還可以，不算太潺。我不怕辛苦，只是想對個家有番DD貢獻。

多謝大家的意見，我會好好考慮。

Alex Chow

私人傳訊

anthonyung

複式洋房

積分: 335

12^#

發表於 13-11-11 12:40 |只看該作者

加油, 非常尊重你有轉行的勇氣,
其實也可以考慮揸的士或貨van, 雖然搵得少D, 但勝在時間自由, 可以兼顧考育子女

私人傳訊

loloma

公爵府

積分: 28797

13^#

發表於 13-11-11 12:50 |只看該作者

唔好諗住人工高,呢D表面嘢嚟啫,個個吹到上天
有工開,無糧出既大有人在

咪比人呃喎

私人傳訊

Prairie

男爵府

積分: 6848

14^#

發表於 13-11-12 10:31 |只看該作者

回覆 chowwailun 的帖子

地盤工作我不懂，只想為你打打氣！和敬佩你的責任心！

我也同意嘗試工業安全的路，相對比較適合，亦有好大專業發展空間。

努力，加油！

私人傳訊

n1775979

大宅

積分: 2396

15^#

發表於 13-11-12 23:42 |只看該作者

回覆：loloma 的帖子

有汗出冇糧出...
上2個禮拜先親眼見. 十幾個坐晒喺條馬路中間. 40幾人欠一至二個月人工. 仲要喺政府job. :pppp::pppp::pppp:

私人傳訊

elaine_20hk

子爵府

積分: 12127

畀面勳章 BK Milk勳章

16^#

發表於 13-11-13 14:12 |只看該作者

我做地盤既,其實D兩行依家日薪都係最高個幾位~

紮鐵釘板都要日晒雨淋,不過相對既話紮鐵日薪係會較高,我見多數既紮鐵佬會有交津同下午茶提供,每天必定上下午各有一節約半小時既休息時間,紮鐵通常落得大雨D都會停工,不過返左工要佢走都有得計津貼

釘板工日薪依家都好似13XX到一日,都要日晒雨淋,都一樣要睇下圖黎釘板架,反而我覺得釘板較危險啦~~因為釘板好多時係D危險位,工人唔鍚身,唔跟安全措施都好易受傷...

但兩者入行真要肯定自己體力,始終夏天既時候真係晒到金晴火眼架,體力負荷好勁,如果平常身體唔算OK真係唔多建議做...其實其他好多地盤位薪水都唔錯架,,,簡單雜工都600-700一日,泥水好似1000,燒焊都1100以上

咁至於話會唔會成日出唔到糧,我答你日常既出勤記得打掌形啦,通常依家不論政府私人既會都會有個地盤勞工主任駐場,糧金有咩問題,或MPF無供既搵佢地幫你追啦..如果你自己日日唔打齊掌形出勤記錄,咁神仙都難幫你追糧啦,因為細判無錢出糧,大判就有責任先幫手出糧先...

私人傳訊

chowwailun

大宅

積分: 2354

17^#

發表於 13-11-13 15:15 |只看該作者

本帖最後由 chowwailun 於 13-11-13 15:16 編輯

elaine_20hk 發表於 13-11-13 14:12
我做地盤既,其實D兩行依家日薪都係最高個幾位~

紮鐵釘板都要日晒雨淋,不過相對既話紮鐵日薪係會較高,我見 ...

謝謝elaine_20hk 的分享，沒想到會有這麼多爸爸給予我意見，非常感激。

我已上建造業訓練局的網頁登記報讀課程，惜會方仍未與我聯絡。

雖然以前是一名教書佬，但我相信自己的體能可應付得到，多謝大家關心。

Alex Chow

私人傳訊

elaine_20hk

子爵府

積分: 12127

畀面勳章 BK Milk勳章

18^#

發表於 13-11-13 16:06 |只看該作者

chowwailun 發表於 13-11-13 15:15
謝謝elaine_20hk 的分享，沒想到會有這麼多爸爸給予我意見，非常感激。

唔洗客氣~比心機啊~
如果家庭負擔重,就真係做地盤會好D,至少做雜工最少都600一日,返到足都至少15K以上~~係就係辛苦D~再唔係試下去學挖泥機個D啦,我朋友做都至少有800一日~

但如果做安全督導員既話,好鬼忙架,人工都13K左右,但我識既人當中個個都日日加班,唔輕鬆得去邊..
至於安全主任既話要考牌,個牌好難考,搞親都幾年,就算考到牌出黎後,人工跳到30K以上,不過要祈禱唔好中人命傷亡既意外,唔係隨時除牌添,依家香港既工人始終係新移民多,佢地既安全有幾好大家都知,我見過佢地拆棚幾樓都唔帶安全帶,所以壓力大到嘔架...