BB2WONG 寫道:
我結婚已十一年了，越來越唔開心！連鬧交都沒有了，以前我好有小姐脾氣，一有不快事就發嬲、掉東西，我老公通常先先唔出聲，等過左氣就拉番我隻手或者同我講野就無事（當然都係唔會逗我那隻，我老公把口好實唔中意出聲）
但係到而家，我已經好少發脾氣，但係我真的發嬲時我只會面黑，佢見我面黑就會出街幾粒鐘！
好似上個月佢自己架車比人撞左，就番到屋企好似嬲左成村人咁，2個仔叫佢都唔睬，阿仔問多2句就開口大罵佢地，平時已經唔多同佢地玩。
好似sat我長短週（長週都係半天），d仔一聽到我sat要番工就叫救命，因為要對住個唔睬人既老豆，食又理佢地！到我2:00回到去才弄東西給他們！試過一次我星期四要番東莞公司，到9:00多才回到hk，5:00叫佢6:00要到補習班接2個仔去食dinner，結果佢6:45才到，dinner仲係帶佢地去大家樂食--香蕉船？
撞左車都成一個月，佢心情才好轉些，我地本想一家四口去macau（8月尾）玩2天，我都天天都格價找資料，問佢又無反應，到我搞好佢又話我無問佢，last sat發脾氣唔出聲，我放工回去弄lunch比2個仔食完，帶佢地去學piano，佢就一直係咁睡，睡到晚上8:00起身，我弄了dinner和2個仔食無整佢份，佢就出街去到11:00先番來！
到sun morning我地一齊帶2個仔學完swimming回來 at 11:00，本想一起去下街，點知佢一番到入屋又睡在地上無反應唔睬人，個個叫左佢次起身去街買定番學鞋，佢都唔理！於是我地3個自己去，去到4:00回到家唔見佢，咁我又煲湯煮dinner、吸塵抹地及幫d仔bathing，到5:00回來又睡過，我地7:00食dinner無叫佢亦無預佢，佢又一樣8:00起身出街到11:00先番屋企！
我真係好唔開心、好唔想見到佢，我其實唔係要求什麼？只係想佢對d仔好d，年代唔同，唔可以好似以前d老豆咁樣！我同d仔的關係好close，佢就時時話我教到d仔只聽我話，又唔想下佢對d仔有無付出？大家都要出來工作，我放工仲要煮飯、做家務、溫習看功課、帶d仔周圍參加activites，佢就連阿仔讀幾年級都要問我（曾試過佢同事問佢阿仔讀什麼級，佢馬上打來問我）
我知佢份工作好辛苦好大壓力時間又長（平日通常9:00後來回來，好多時到我們睡了才回來）但係佢工作都係為左d仔，放假我寧可不休息留番d時間多d同阿仔玩下周圍去下見識下，佢就中意睡多過d仔！家務已經我做9成，佢只需要洗佢自己食完dinner佢碗，仲想點樣？我以前做女時，什麼都係阿媽家姐做，而家阿媽家姐見到我都話我太辛苦，什至好多朋友都是這樣說，但係試過朋友在我老公面前說，佢竟然答：有幾辛苦？
雖然我日頭份工唔係好辛苦（小公司不及老公大老公--工作又多又要對付人事問題），但係唔多唔少都有壓力，而且我個腦仲要時時記住2個仔的schedule，家中所有大小事務！真係好疲於奔命，但係自己又想就算離婚對d仔無好處，所以不會亂來，我什麼都係想d仔好，想佢對d仔好d都有錯嗎？
發表於 
我同一個bk ma ma一樣住tsing yi架全識mama..你pm我呀~~可以一齊行下,傾下計 
返回列表
