基督家庭 今日: 0 | 主題: 9939

積分: 6830

1^#

發表於 06-8-23 16:53 |只看該作者

可信嗎?

我bb早一個星期因急性肺炎入左醫院, 我地住圍村, 於是乎有d拜開神的街房話bb係因為舊曆7月節(即鬼節)撞都d烏糟野, 仲要撞到幾次. 街房幫我問過 (唔知問咩)話其中有d烏糟野唔肯放手, 又話我亞b就算過到今次, 以後都好麻煩, 好難養得大, 我好傷心. 又有d人話係我小產左的bb攪我個仔, 因為當時我無安葬佢, 佢一路都跟住我一家, 到我呢個仔出世, 佢就jealous 細佬, 所以整鬼佢. 跟住我亞媽又去拜觀音, 求左支下簽, 今次的講法係我亞b的前世父母同佢有個結未解(其實我都唔明係咩), 總知就各人有各人的講法. 我知對教徒黎講呢d野係好荒謬, 但對一個未係教徒的母親黎講, 呢d簡直係困擾. 我平時雖然無返教會, 但每晚都有祈禱, 一時有d咁野, 我好迷失. 作為母親我好擔心呢一齊一齊都係真, 好想搵人幫我化解, 那怕比人騙財, 只要bb平安就可以. 但我又有感愧對天父.

私人傳訊

積分: 1279

2^#

發表於 06-8-23 17:33 |只看該作者

Re: 可信嗎?

我都有一樣的經歷。當時未信主。仔仔9個月開始訓唔到覺。直覺上係撞鬼。晚晚哭哭啼啼。好似好驚咁。入醫院又試過﹐打振靜濟都試過。之後去左拜神﹐洗左成10000蚊。計埋入醫院﹐洗了成幾萬蚊﹗
廟個亞佰話有個亞婆(係沙田撞的)好喜歡我個仔﹐又話要帶佢走。咁又好似真咁﹐因我呀仔見親街果D呀婆就狂喊。俾左錢﹐做完法事後﹐好左一日﹐之後又係咁。當時我懷疑屋企又有一隻。因工人成日話睡覺俾野“責”﹐同埋呀仔去到最嚴重連食都唔食。攪到要去我呀媽度住。係屋企又唔食野﹐又係咁喊。去我呀媽度又笑又好胃口﹐簡直係兩個人!最好笑就係﹐慢慢令到自己好迷信﹐拜好多神﹐差唔多識開壇咁濟。慢慢叫做有D好轉﹐但係仍然慢慢喊。奇怪的是﹐有一次去了一個中醫﹐嘗試醫我個仔。當時係亂咁槓入去﹐亦好死心﹐因看過好多醫生﹐拜過好多神﹐都無用。加上中醫係基督徒﹐當時對基督徒好抗拒。但神的安排好奇妙﹐就籍著這個基督徒中醫就把他醫好。第一濟藥就一覺睡天光。
自己個心當時都覺得﹐點解會由一個自己唔信的中醫就把他醫好呢﹖當時自己都未信主﹐只覺得係中醫的能力夠﹐不會誠認是主的安排。
一年後因有D原因﹐聽到聖靈既聲音﹐先去信主。而家稔番轉頭﹐真感謝主一早已把我的兒子醫好。亦令我而家常常稔起聖經的說話﹐籍著聖靈﹐手摸病人就會痊癒﹐手
拿毒蛇都唔怕...
現在兒子更無話有咩陰形﹐個人好正面﹐成日看聖經﹐亦明白好多野。晚晚都睡得好好。有時會發噩夢﹐但唔會好似以前咁疑神疑鬼。去中醫度飲一濟中藥﹐清了熱氣就ok啦。

我建議你買本聖經晚晚看。同兒子一齊禱告。亦向主跪下禱告﹐求佢赦免你的罪﹐求佢俾你力量。亦奉耶穌基督的名命令撒但離開。你之所謂撞到的不是鬼﹐而係撒但想你離開神﹐去拜其他果D。亦要開始帶同兒子﹐一家人每個星期日番教會。向牧師講你兒子的問題。現在你只可一心一意相信神。只要你一心一意。有神做你保護﹐魔鬼一定不可以攪
到你的。但你必需有100%的信心﹐不可對神的能力有懷疑﹐如果唔係魔鬼知道你有懷疑﹐佢就可以攪到你。
將所有野交托俾信﹐包括兒子﹐神會幫你的。
我一信主有無比的信心﹐把家裡所有已開桄的佛像掉晒去垃圾筒。當時都有一剎那擔心會得罪他們﹐之後稔心一層﹐只要對神有十足的信心﹐怕甚麼掉﹖掉了咪咩事
都無。
記住﹐只要有神係你心中﹐無野能夠害到你的。

私人傳訊

積分: 6830

3^#

發表於 06-8-23 17:54 |只看該作者

Re: 可信嗎?

其實我bb出世後成日喊, 但1出屋企門口, 樓梯都未落就即刻收聲, 當時我又懷疑屋企有鬼, 於是又搵人去屋企睇風水, 結果係咩都無. 但事實係我亞b由出世都依家都未試過一覺瞓都天光, 好多時半夜仲會無端端坐起身.
今次.......我唔知.....我真係好迷茫, 無論邊一個說法都証明bb係比烏糟野攪, 問題只係對方唔知係邊個. 我自己都處於半信半疑的狀態. 一方面驚係真bb會有事, 一方面有覺得好似好唔科學. 我唔知應該點.

私人傳訊

積分: 1279

4^#

發表於 06-8-23 18:02 |只看該作者

Re: 可信嗎?

你BB個case同我個仔一模一樣。我覺得你最好去看我看的那個中醫。因為其實可能係
無野攪。件事其實好簡單﹐只係我們想得太多﹐亦對神無信心﹐魔鬼自然有機可成
啦。
我個仔中醫話因為個腦用得多﹐唔夠血﹐人又高又大件﹐個腦記性又好﹐自然就唔
夠ENERGY, 唔夠血﹐心血少﹐腦血又少啦。其實中醫話係DEVELOPMENT的問題。真係一濟藥就攪惦﹐一覺睡天光。足足一年半我同我老公無覺好睡。自己當時又抑鬱﹐
真係好想死﹗
果晚我同我老公都唔相信會一覺睡天光。
之後一直看中醫看了2個半月﹐之後就完全無事﹐唔食中藥都睡得很好。
其實唔使咁擔心﹐我看個好多bk Post都有好多小朋友都係咁﹐我懷疑都係development的
問題﹐唔係有鬼。
但唔係個個中醫都識醫﹐有D靜係識俾真珠末定驚。唔得架﹗

雙子媽媽寫道:
其實我bb出世後成日喊, 但1出屋企門口, 樓梯都未落就即刻收聲, 當時我又懷疑屋企有鬼, 於是又搵人去屋企睇風水, 結果係咩都無. 但事實係我亞b由出世都依家都未試過一覺瞓都天光, 好多時半夜仲會無端端坐起身.
今次.......我唔知.....我真係好迷茫, 無論邊一個說法都証明bb係比烏糟野攪, 問題只係對方唔知係邊個. 我自己都處於半信半疑的狀態. 一方面驚係真bb會有事, 一方面有覺得好似好唔科學. 我唔知應該點.

私人傳訊

積分: 6830

5^#

發表於 06-8-23 18:13 |只看該作者

Re: 可信嗎?

咁妳可否介紹/pm妳個中醫比我? 我亞b得14個月, 食中藥可以嗎?

私人傳訊

積分: 1279

6^#

發表於 06-8-23 18:13 |只看該作者

Re: 可信嗎?

中醫講過一個比喻﹕你個仔人又高﹐又大隻﹐個腦又聰明。佢就好似一架turbo跑車
咁﹐消耗好多。如果你個仔只係聰明﹐但細粒﹐都好D。但佢消耗好多﹐一架turbo跑
車一唔夠油﹐或者過熱﹐咪會水滾囉。其他車消耗無咁大﹐就無咁多問題。
你個仔需要好多血﹐但身體又要﹐個腦又要﹐重要turbo添。所以咪唔夠血用﹐失平
衡囉。

私人傳訊

積分: 1279

7^#

發表於 06-8-23 18:21 |只看該作者

Re: 可信嗎?

已PM給你﹐十四個月可以食啦。但要俾D心機餵佢囉。
Remember you should still go to church, pray, and talk to a pastor besides going to the Chinese doctor.
I still think that it was Jesus who saved my son. I think that he gave the Chinese doc. knowledge and borrowed his hand to cure my son. Praise the Lord!

私人傳訊

積分: 6830

8^#

發表於 06-8-24 10:46 |只看該作者

Re: 可信嗎?

我好傻, 自從bb入院後我無再祈禱, 原因係拜神個街房話睇通聖/天書會知我唔信佢地個套, 咁既然我唔信就點都幫唔都我. 所以我唔敢祈禱, 怕佢地知道, 唔肯幫仔仔. 其實我自己個心依然15/16. 但仔仔臨出院前要再照x-ray, 係房門口我不自覺祈禱, 求天父賜我亞b有健康的身體, 順利出院. 我發覺有咩問題我始終想靠近天父, 希望天父賜我力量.

私人傳訊