2013年媽媽會今日: 0|主題: 26101

收藏本版

發帖

返回列表

跳至頁

查看: 697 | 回覆: 1

[3月] 分享下三個月大既BB有咩表現 [複製鏈接]

Carrie@Chan

大宅

積分: 3443

1^#

發表於 13-6-18 12:25 |只看該作者 |倒序瀏覽 |打印

我仔仔尋日90日大, 未夠兩個月既時候已經好中意笑同"傾計", 到宜家會發出好多唔同既音, 興奮既時候會叫得好大聲. 一個月前就會好調皮咁特登去踢人, 換片既時候都會特登踢到妳好難包好條片. 趴低個頭已經可以抬到好高好穩, 而且仲想爬(不過當然爬唔到啦), 平瞓都可以自己抬起頭小小, 中意人扶住佢俾佢企, 中意打棟抱, 好中意睇電視, 睇到會出聲同笑, 出街就好中意周圍睇嘢, 中意既話會成個身傾前手舞足蹈. 之前自己玩自己既手同食手, 成日好似喺度"恭喜"咁, 尋日開始隻手拿到咩就擺入口咬, 俾佐個玩具佢, 識得雙手拿住咬, 同埋由一隻手轉過去另一隻手. 哩幾日開始會認生, 好少見既人抱佢一開始會唔肯, 熟悉既人伸手去佢會做出想人抱既姿勢. 仲有會玩口水吐D泡泡出嚟. 沖涼既時候特別興奮冇時停, 個頭撞到盆都唔怕痛繼續腳撐撐. 宜家成日都要人陪住佢, 識得表示自己開心同唔中意, 飲完奶又唔俾人掃風, 只可以將打棟趴喺大人既身上掃. 總之就好調皮, 可能因為係男仔, 除佐瞓著之外大部份時間都無時停, 遲D一定係小魔怪一隻.