吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 就快生,大家有什麼感想 ?

大仔大女媽媽會今日: 0|主題: 177860

收藏本版

發帖

返回列表

跳至頁

查看: 3706 | 回覆: 74

[2006年] 就快生,大家有什麼感想 ? [複製鏈接]

12 3 4

covermark

大宅

積分: 2910

1^#

發表於 06-8-11 12:29 |只看該作者

就快生,大家有什麼感想 ?

我自已就覺得時間真係過得好快,快到好似昨日先發現有BB一樣... 回想起發現有BB那天早上 ( 1月9日 ) ,我並無surprise 的感覺,因為一切都係計劃之內,但可能努力o左成8個月,反而有點怕係食炸糊,

我o係2個月之內,自已驗o左成5,6次孕...要到最後見到佢個心仔跳下跳下,先100%放心..

好彩佢又無令我有任何唔舒服,整體都叫"陀"得好好,除了初初有少少暗瘡啦..
由初初feel唔到佢郁到有少少感覺直至現在大力大力踢,感覺真係好奇妙... 轉眼自已就要做人阿媽..其實我內心有時都仲好細路女

..希望我可以handle 到啦 !!

一個月最後倒數,老公前晚同我講,我o地下個月生活模式會徹底唔同,唔可以再好似以前咁大" 洗",樣樣都要先考慮女女.....我內心不其然有D感嘆.... 好似突然覺得自已好快就步入中年.....前面條路,唔知會係點呢

多謝大家聽我發以上呢D夢話..

私人傳訊

ctotina

禁止訪問

積分: 2651

2^#

發表於 06-8-11 12:46 |只看該作者

Re: 就快生,大家有什麼感想 ?

提示: 作者被禁止或刪除內容自動屏蔽

私人傳訊

miclau

複式洋房

積分: 187

3^#

發表於 06-8-11 13:20 |只看該作者

Re: 就快生,大家有什麼感想 ?

我都覺得時間過得好快......轉眼就話好快生得, 好似發夢咁但係又好真實(幸好都唔算辛苦,BB都好錫我).....都有D擔心唔知自己可唔可以應付產後忙碌的生活.....仲有大半個月先到預產期(而家放緊產假)...呢排都幾悶,但係多左時間同99相處,大家好坦誠咁傾計...諗番當初佢唔俾我換床又話連BB張床都要生完再擇日先可以安裝,真係幾'猛'.....不過為左BB都費時唔開心.....好驚壞情緒影響BB...

而家只係希望BB順利安全出生, 健康快樂咁成長......

祝各位都生產順利,BB肥肥白白,健健康康!!!!!

私人傳訊

miffywen

大宅

積分: 1293

4^#

發表於 06-8-11 19:11 |只看該作者

Re: 就快生,大家有什麼感想 ?

一直都覺得個bb係上天送比我同老公最好的禮物。
其實bb比預期早了半年出現, 因為聽d朋友講唔係話想有就bingo, 本來打算要等半年時間, 點知好快就知道有bb, 真係好開心!
仲記得初頭懷疑自己由bb的感覺, 到驗到有bb 0既開心反應, 真係難忘, 我仲記得係情人節前一天驗到有, 仲同老公話呢份係情人節禮物!
亦好感恩, 聽好多媽咪的分享, 我發現有一個健康的bb並非一件理所當然的事。好感恩我同bb響呢8個幾月的日子當中都健康、穩定成長!
而家最後倒數幾個星期喇, 開始有少少唔捨得bb、唔捨得懷孕的感覺, 一來bb出左世就唔可以成日響我身邊喇, 二來唔知幾時有機會再大肚喇

呢段時間好好同bb相處啦!
希望bb能夠順利出世, 健健康康!

私人傳訊

patpat234

水晶宮

積分: 64035

好媽媽勳章

5^#

發表於 06-8-11 23:28 |只看該作者

Re: 就快生,大家有什麼感想 ?

雖然今胎係第二胎,不過都有d擔心,又有d緊張.
擔心--係怕自己搞唔掂,因我係全職媽媽,只係初月時會有人幫手.而且哥哥9月開始返學到時細b又出世,都唔知點安排好.

緊張--照過係女,但一日未出世都未可以肯定...如果又係仔就慘喇,哥哥已經咁反斗,個細o既一定會比大o既帶壞.

另外又怕好似第一胎咁,要8個鐘先出世,今胎唔可以用咁多時間o架,如果又咁耐,老公就陪我唔到.

不過我就冇上一胎咁擔心會好痛.因生bb唔係想像中咁痛.

依家都係見步行步,船到橋頭自然直.唔諗咁多,剩係好想細b快d出黎見我地.

「知足者，常樂也；不知足者，富亦憂。」

私人傳訊

貪靚媽咪

複式洋房

積分: 449

6^#

發表於 06-8-12 10:11 |只看該作者

Re: 就快生,大家有什麼感想 ?

我都覺得時間過得好快呀,我好想bb快d出世呀,唔知佢似邊個多d,雖然我都有按時去做检查,雖然e生話bb冇野,size都ok.都佢一日未出世,我日日都係度擔心,唔知佢生出來會點,會唔會唔健康?同埋都幾擔心自己可唔可以順產,如果到時難產,咁點順好呀?唔知係唔係自己咁次係第一胎,諗得太多啦.
其實我完全都未諗過生產時既痛,雖然話痛0者,但自己都未經驗,完全想像唔到,所以費事諗.
老公而家仲緊張過我,日日都問我有冇d乜野唔妥?
就來做媽咪,好大責任呀.

私人傳訊

dnbb2006

大宅

積分: 1774

7^#

發表於 06-8-12 10:39 |只看該作者

Re: 就快生,大家有什麼感想 ?

miffywen,

原來你同我有plan有bb 到有左bb 既感覺都差唔多, 我同老公舊年十一月先plan今年生bb, 順其自然, 點知一月已經驗到有左bb個幾月, 嗰刻簡直開心到喊, 因為我都知bb唔係話你想有就有, 都係由神安排. 同埋我老爺, 老公都係屬狗, 所以都想連埋bb三代都係狗年, 我地都覺得好感恩.

有左初期我又唔爭氣, 搞到氣管炎, 發燒又唔敢食葯, 累到bb同我連續入左兩次醫院, 又嘔到七彩, 焗住要食葯, 好擔心影响到bb, 好彩醫院d姑娘好好人, 鼓勵我要"糟"肥自己同bb, (好彩而家肥哂响bb度, 自己無咩點肥

) 出左院我老公仲每朝都為我煮早餐, 等我有營養, 因為我又唔飲得奶, 初期連芝士同蛋都唔係好接受, 反而而家後期, 我每朝食芝蛋治加木瓜奶都得, 仲感恩.

我而家三十五週, 希望生產順利, 可以自然分娩, bb健康就夠咯. 而家我每日都會為肚裡面個bb郁動感覺所喜悅, 因為唔知仲會唔會生第二個, 呢個感覺未必再有機會感受到, 因為我老公話我陀bb咁辛苦, 生一個就好咯喎.

私人傳訊

covermark

大宅

積分: 2910

8^#

發表於 06-8-12 11:06 |只看該作者

Re: 就快生,大家有什麼感想 ?

我老公都好緊張我,但遺憾既係佢既工作實在太忙,至今都未陪過我去複診,第一次同BB映4D相時,我好想佢o係我身邊一齊分享呢份喜悅,睇下BB似邊個多D,但佢都係行唔開,(佢係自已屋企生意,但就做得好辛苦,好多o野都要一力承擔),我都無怪佢,因為我知道佢都好想陪我...無法啦,要搵食.. :cry:
如果連我都唔體諒佢,佢壓力會仲大..

私人傳訊

fionaso1009

複式洋房

積分: 135

9^#

發表於 06-8-12 11:28 |只看該作者

Re: 就快生,大家有什麼感想 ?

Covermark,
你真好咁體量你老公，我就覺得自己好需，因為好似今次老公話要陪產但政府醫院要上堂才可陪產，到上堂時見到佢瞓覺我就成日弄醒佢，因為我覺得又話要陪產但又好似唔認真同時而家36週都好辛苦，但想深一下(上堂時間7-9pm)返完工又要趕過嚟真係幾辛苦，所以都算數啦。

私人傳訊

covermark

大宅

積分: 2910

10^#

發表於 06-8-13 10:15 |只看該作者

Re: 就快生,大家有什麼感想 ?

fionaso,

有時兩公婆真係要互相體諒,可能我比較順得人,可以接受既,我儘量會遷就,唔想令大家成日argue.
況且,佢真忙定假忙,我都feel到既,因為佢成日同我講公司所發生既事.

我o地兩公婆,同居3年,結婚差不多4年,真係好少好少argue.... :lol:

私人傳訊

agneslai206

大宅

積分: 2446

11^#

發表於 06-8-13 22:31 |只看該作者

Re: 就快生,大家有什麼感想 ?

似乎每個mama都好大感慨, 因為寫得好多.

我bb來得不易, 等左 5年幾先來, 由最初好恨等到放棄時. bb 就自然o甘黎左所以好想快 d 安全o甘見到 bb.

7個月之前, 都好平常心o甘過日, 所以覺得好快. 但依家只差個半月, 反而覺得好耐, 想快 d 快 d 到. 越望就越耐. 至少想快 d 到 9 月中放產假呀 !

]My Melody[/url]

私人傳訊

miffywen

大宅

積分: 1293

12^#

發表於 06-8-14 00:01 |只看該作者

Re: 就快生,大家有什麼感想 ?

covermark 寫道:
fionaso,

有時兩公婆真係要互相體諒,可能我比較順得人,可以接受既,我儘量會遷就,唔想令大家成日argue.
況且,佢真忙定假忙,我都feel到既,因為佢成日同我講公司所發生既事.

我o地兩公婆,同居3年,結婚差不多4年,真係好少好少argue.... :lol:

我都贊成兩公婆互相信任係好緊要架!
我有左bb之後呢, 成日覺得人地會嫌棄我, 因為行動論盡左好多, 生活上好多細節都要人幫忙...
因為第一次陀bb的緣故, 好多野都係第一次經歷, 有好多時候都感到不安啊! 有時都會傻下傻下諗老公會唔會嫌我煩, 唔想理我呢? 但係老公好好, 好識體諒我, 又會讓我知道佢都好緊張我同bb, 讓我覺得我同bb對佢都一樣咁重要! 呢份支持係非常緊要!
諗深一層, 老公都係第一次做爸爸, 其實都有壓力, 我地都應該體諒下佢地

私人傳訊

miffywen

大宅

積分: 1293

13^#

發表於 06-8-14 00:04 |只看該作者

Re: 就快生,大家有什麼感想 ?

dnbb2006,
真係好, 可以三代都係屬同一個生肖, 好有意思!
我都好開心, 因為我、我老公同埋bb都係響九月生日...希望bb唔會太早或者太遲出世啦(我預產期係925)!
我想兩、三年後生多一個! 不過都係睇下點先~

私人傳訊

ctotina

禁止訪問

積分: 2651

14^#

發表於 06-8-15 10:59 |只看該作者

Re: 就快生,大家有什麼感想 ?

提示: 作者被禁止或刪除內容自動屏蔽

私人傳訊

miffywen

大宅

積分: 1293

15^#

發表於 06-8-15 11:08 |只看該作者

Re: 就快生,大家有什麼感想 ?

ctotina 寫道:
miffywen
我都有同感呀...好驚老公會嫌棄自己 :cry:
自從有o左bb...對自己o既儀容真係唔多點理~
平時返工都烏烏were were咁...
又肥...個樣又殘...我老公話我越o黎越似師奶 :-(
我得個22歲...我老公竟然咁話我! 真係好唔開心...
所以我生完一定要努力變返以前咁!
好驚老公會變心呀!!!

嘩, 22歲好後生ja, 你同我細妹一樣大ja 喎

係呀, 生完一定要努力變返之前咁, 一來為個樣, 二來發覺肥左行動好唔方便呀! :-| 同埋你咁後生, 好快keep返!
老公方面呢, 我老公都笑我似企鵝...

唯有拉埋佢落水啦, 同佢講:「睇動物節目, 企鵝爸爸要負責湊企鵝bb...」佢即刻冇聲出, 行開左!
你老公都係同你講下笑je, 唔好理佢