吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好想同佢離婚

夫婦情感今日: 0|主題: 42715

收藏本版

發帖

返回列表

跳至頁

查看: 1681 | 回覆: 9

好想同佢離婚 [複製鏈接]

amysnlee

伯爵府

積分: 15270

好媽媽勳章畀面勳章環保接龍勳章親子達人勳章陪月勳章

1^#

發表於 06-10-6 02:33 |只看該作者

好想同佢離婚

我真係好唔開心,想離開佢,話說近呢個月來,我老公唔多理我,其實係自從01/10去我媽做節時,因為佢撞車要去差館黎唔到我都算,但食完飯番到屋企打比佢問佢係邊,佢話同個fd飲酒,我問佢件事點佢就話:得啦,你唔好煩。根住佢收左我線,但佢就成晚無番,但我要番工,番到公司都係咁打比佢,一直搵唔到佢,電話無人聽,到11:00再打比佢,打到啦,佢係屋企瞓緊,我問佢成晚去左邊,佢無答,只講"得啦"就收我線,我個一刻我感覺到已不受尊重,因為佢既態度十分之差,亦都使我傷心,為什麼要咁對我?有時諗起以往既一切真係唔甘心,我同佢生左對仔女,我咁辛苦做咩?我生完個女之後因為無人湊,焗住夜晚收左工都要湊女,仲要係奶奶度瞓,只有放假先湊埋對仔女番自己屋企,佢自己一個人係屋企瞓,成日只會話做野好辛苦,但從來無理我既感受,我長期唔夠瞓,日日都半夜起身,瞓得唔安寧,而家捱左一年幾搬番自己度,以為會好d,但我發覺唔係我想像中咁,我份人工根本比埋工人份糧仲有所有支出根本唔得,我只要求佢每個月比$3000我,起碼我可以比個仔d支出同埋個女又奶粉尿片,我要求$3000都唔係好過份呀!但請左個工人一個月來佢一個錢都無比,仲借左我$1000,請工人之前佢答應我一人比一半,但佢做唔到,我真係好失望。
我地相處一屋,大家都沒有說話可言,從來都唔理我關心我,我發覺我地實在有太多問題存在,好想同佢傾,但佢根本唔想佢聽唔想去講,可能係佢心目中我已再沒有地位,我連朋友都不如,我對佢一d都唔了解,唔係我唔想去了解佢,係佢唔比機會我,我做唔到,有什麼事都只有我一個人去面對,可能佢一d都唔在乎我,又或者有第個,我唔知道!
我好希望佢明白我,但我已經對佢死心,或是佢對我已沒有感情可言,當有朝一日我要去到呢個地步既時候,佢已經沒有機會去補償,因為我一次又一次去比機會佢,要怪只好怪2佢唔珍惜。
我真係覺得佢越來越過份,唔番屋企次數都多左,以往佢話做野做到天光我都算數,因為我信佢,但呢一次佢完全無解釋,或者佢從來無想過要向我交代,呢一次佢無合理解釋我唔會原諒佢,有時我連自己老公去左邊度我都唔知,因為佢唔講,我打比佢,佢先同我講,我自問佢一直佢邊我從來都不過問,我只要一個交代,佢都做唔到,自問我從來都唔管佢,點解咁低限度佢都做唔到,佢應承我所有承諾都唔兌現,我真係心淡啦,而家我連結婚介指都除左,我知佢見到我放低隻結婚介指,但佢一d表示都無,我個心真係好痛,而家我地好似陌生人咁,真係好想離開佢,但我對仔女仲細,我唔知點好,不過如果我真的要分開的話,我會攞番我應有既同兩個仔女,我應該點好? :-(

私人傳訊

grand2005

男爵府

積分: 7535

2^#

發表於 06-10-6 02:59 |只看該作者

Re: 好想同佢離婚

不如

私人傳訊

jojohuen

男爵府

積分: 9690

畀面勳章

3^#

發表於 06-10-6 09:26 |只看該作者

Re: 好想同佢離婚

基本上我對這種連基本要求都做唔到的老公及父親是毫不留戀的,自己做得咁辛苦為頭家,佢唔單只唔幫忙,反而令自己要為佢傷心,是太太太過不可忍受了.

私人傳訊

小香香

禁止訪問

積分: 12931

4^#

發表於 06-10-6 12:09 |只看該作者

Re: 好想同佢離婚

提示: 作者被禁止或刪除內容自動屏蔽

私人傳訊

onon1022

子爵府

積分: 12589

好媽媽勳章

5^#

發表於 06-10-6 12:15 |只看該作者

Re: 好想同佢離婚

其實既然佢唔想傾...又唔想你煩佢...但係你又好想比佢知道你既感受...不如你試下寫封信比佢...講出你既感受...

[url=http://lilypie.com][img]

私人傳訊

miriam

王國長老

積分: 112514

2025勳章 2025勳章蛇年勳章 2024年龍年勳章 2023年兔年勳章減齡達人勳章虎到金來勳章牛年勳章 15週年勳章親子王國15週年勳章 2018復活節勳章畀面勳章好媽媽勳章醒目開學勳章王國長老 BK猜猜猜慶中秋 KMALL特別版勳章

6^#

發表於 06-10-6 12:43 |只看該作者

Re: 好想同佢離婚

為左對仔女你搬左去奶奶度住已經係錯，令到佢夜晚太多空間同時間出左去你都唔知，變左佢大把機會扮單身出去識女仔•
而家好大可能係識左第二個，你自己諗下想點，揭穿佢定係啞忍佢，兩條路都係好難行，但係你一定要決定點做，拖得太耐你會好辛苦•

任何人士未經本人同意不得轉載本人所發表之文章到任何媒體 (包括報章、雜誌及網站)

各位~~~我唔會介紹補習社或興趣班, 唔使 PM 問我呀, 我係唔會覆架~~~

私人傳訊

ringoivy

翡翠宮

積分: 76971

7^#

發表於 06-10-6 13:04 |只看該作者

Re: 好想同佢離婚

照你咁講即係假日都唔慌有家庭樂, 一家大細出街玩架啦, 貧賤夫妻百事哀

我覺得係一開始你已經太過寬鬆既關係所以演變成今日既局面, 男人係一種要約束既動物黎, 當然係適當既約束啦

不過你講到佢又無家用比, 大家又無計傾真係連同屋主都不如

你家陣既生活同單親家庭有何分別

咁佢平時對d仔女又點呀

對你唔好啫, 咁有無盡下做老豆既責任

若然有, 咪各自各精彩囉

倘若連做老豆基本條件都符合唔到既, 我諗你都係叠埋心水無為令自己怒氣

私人傳訊

豬豬妹

複式洋房

積分: 399

8^#

發表於 06-10-6 17:19 |只看該作者

Re: 好想同佢離婚

你應該同佢講晒你既感受如果佢行動上冇改變過呢個人唔直得要家用又唔比去邊度做過d乜又唔交代聲一個咁冇責任既人留黎都冇用

私人傳訊

囍

珍珠宮

積分: 40183

母親節2025勳章 2025勳章蛇年勳章虎到金來勳章牛年勳章

9^#

發表於 06-10-6 23:52 |只看該作者

Re: 好想同佢離婚

amysnlee 寫道:
真係好想離開佢,但我對仔女仲細,我唔知點好,不過如果我真的要分開的話,我會攞番我應有既同兩個仔女,我應該點好? :-(

我想上面嗰句已經是你的答案，你只是欠缺勇氣而已。

請你千萬不要以為不離婚就是讓仔女在一個健全幸福的家庭內。

我阿爸做咗好多衰嘢，例如:出去玩女人，令到我媽媽自殺未遂、話我媽媽無仔生(我阿媽生咗我同家姐，其實我媽媽有過BB，是仔來的，只是被我阿爸激到小產。)
是職業賭徒，人工用哂去睹，要我阿媽一個人養起頭家。輸錢仲會罵人拍桌子發脾氣，問我媽媽要錢，唔比家無寧日 :-( :-( :-( 最後連供咗二十年層樓都比佢賣埋，(佢話要還債，點知攞咗去做生意無哂，又問人借咗十萬，最後無錢還要破產。

我媽媽為了這件事哭了很久，常常說很可惜賣了層樓。(當時我媽媽唔肯賣，阿爸日日用粗口罵我媽媽，我媽媽避開佢，但都無用。)

:-( :-( :-(

見到我阿爸咁對我媽媽，我心都痛埋，好鬼憎我阿爸。
我問我媽媽點解唔離開阿爸，佢話為了我和姊姊，唔想我哋無爸爸。我聽到好心痛，好似係我哋害佢留在這個家受折磨 :-( :-(

其實作為仔女，只係想父母快樂，正如父母想仔女幸福