吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 工人去或留好?? 好矛盾....(長篇)

論盡家傭今日: 0|主題: 134086

收藏本版

發帖

返回列表

跳至頁

查看: 906 | 回覆: 16

工人去或留好?? 好矛盾....(長篇) [複製鏈接]

bagm

複式洋房

積分: 493

1^#

發表於 13-5-15 11:28 |只看該作者 |倒序瀏覽 |打印

本帖最後由 bagm 於 13-5-15 11:29 編輯

家有兩小, 一個來緊會升小三, 另一個來緊升小一, 日常生活都幾依賴工人.我本身兩公婆都係要返工, 5day工作, 時間尚算穩定, 好少加班, 請假都算易話為.

工人已做了快5年, 自從第3個合約簽了後, 就開始變質.
講大話就一定有架啦, 但如果不是太過份, 我都唔會拆穿佢.
大食同為食, 佢會忍唔住偷食屋企d野食, 後來我唔買, 佢都忍唔住會自己買來食, 食對佢來講好緊要, 佢唔會慳亦都唔會同我地客氣, 佢會食好少飯, 但食勁多送.
上網, sms, 都唔少得, 當屋企冇人, or人望住佢時, 應該都係一樣都係機不離手,我0係度佢就一定唔敢.
家務都會做好, 算係自動波, 不過有時都會做得求其, 但都尚算整齊, 可能佢知如果佢唔執整齊d野..我會發癲.
晚餐都會煮, 但煮得好唔好食就好睇佢有冇用心機, 有時煮到見到都唔想食, 但有時又ok.
湊小朋友方面, 佢都好鍾意同小朋友玩, 好有愛心, 但其實小朋友已經大個左, 唔可以只係陪玩同埋乜都幫晒佢地做, 要教佢地自己做, 但佢會寧願幫佢地做晒佢, 費事怒氣同煩.
簽左第3個約就借錢, 佢仲要死口唔認話係自己借, 到今時今日佢都話係幫朋友借, 但sofar都有還錢, 所以我都唔理佢.

不過有時佢都會激到我彈起, 例如做錯左野, 已經唔講sorry, 我訓佢話, 佢當耳邊風.
所以有時真係好想即刻炒鬼左佢, 不過我都好怕我一時意氣, 所以都係諗清楚先, 始終兩個小朋友話大唔大, 話細唔細.

令我想炒佢原因 : 希望冇工人依賴, 小朋友可以獨立d. 我又煩少d, 起碼少一個人激我. 屋企d水電煤日用品又可慳返d. 兩個女遲下返晒小學, 放學又去托補, 留佢既作用不大. 托補要錢, 仲要俾佢份人工, 百上加斤.

唔想炒佢原因 : 合約仲有一年先完, 咁樣炒佢攪到佢變左斷約, 好似唔係幾好. 同埋話晒都相處左咁耐, 冇功都有勞, 咁樣炒佢好似有d不近人情, 我真係唔知點開口. 長服金/遣散費尼筆錢點都會俾, 而家俾同做多一年先俾, 都係相差冇幾, 而家炒仲要白賠一個月, 做埋個約唔續就唔使煩.

我真係好矛盾, 大家有咩意見??? 可唔可以幫我分析下.

0 0 0

私人傳訊

wingastro

大宅

積分: 2274

2^#

發表於 13-5-15 11:57 |只看該作者

用多一年等完約,好頭好尾,多多一年比多二千六百幾,唔差在啦

私人傳訊

bagm

複式洋房

積分: 493

3^#

發表於 13-5-15 12:03 |只看該作者

wingastro 發表於 13-5-15 11:57
用多一年等完約,好頭好尾,多多一年比多二千六百幾,唔差在啦

但由9月起, 兩個上晒小學, 托補又一筆, 留佢0係度既用途唔大喎.但每個月要俾多幾千蚊, 講緊14年8月先完約...足足一年喎!!!
諗起又好似好肉赤!!!

私人傳訊

wingastro

大宅

積分: 2274

4^#

發表於 13-5-15 12:07 |只看該作者

咁又係!!!但一個會升小三, 另一個升小一,都仲係細喎!

私人傳訊

bagm

複式洋房

積分: 493

5^#

發表於 13-5-15 12:14 |只看該作者

wingastro 發表於 13-5-15 12:07
咁又係!!!但一個會升小三, 另一個升小一,都仲係細喎!

就係咁先煩.....揸唔定主意!!
升小一果個其實反而獨立d, 基本自理都ok, 係升小三果個好依賴.
朝早起身返學一定係招呼周到, 由床度抱去toilet, 幫佢地準備好晒..ji 埋牙膏,
有時幫佢地擦埋牙, 甚至去廁所幫佢地抹pat, 喂埋早餐, 仲要幫佢地換埋校服,
真係睇到我眼火爆...叫左佢唔好幫, 但為左要完成佢既任務, 送佢地出門口,
點都要幫.

前排佢返鄉下, 我自己湊...雖然我好累, 每日夜晚都好似虛脫咁, 但兩個細路好肯幫手做野.
反而佢一返來, 又變返公主. 再加上佢真係變左, 所以我先有咁既打算!

私人傳訊

sorman

男爵府

積分: 7278

6^#

發表於 13-5-15 12:21 |只看該作者

若你都唔打算再請，咪當裁員遣散員工囉。呢個case 佢應該唔駛離境就可以續下一份工

而你，要賠o既應該一樣。

私人傳訊

rean_chau

公爵府

積分: 28591

7^#

發表於 13-5-15 12:45 |只看該作者

你諗要駛多左錢肉亦, 但如果自己做番晒D家務, 我諗你要一段時間適應.
原本今年個仔升小一, 我都想唔請, 但一諗到成屋家務唔知邊個做, 我都唔敢郁.

私人傳訊

bagm

複式洋房

積分: 493

8^#

發表於 13-5-15 13:54 |只看該作者

rean_chau 發表於 13-5-15 12:45
你諗要駛多左錢肉亦, 但如果自己做番晒D家務, 我諗你要一段時間適應.
原本今年個仔升小一, 我都想唔請, 但 ...

我就係諗緊係埋每日都有咁多家務要做....我未做過FTM..所以真係唔知.
我工人試過放左一個月假...但有我婆婆幫手, 所以又未認真感受過.
所以我先0係度諗...唔知得唔得 .

私人傳訊

idy926

男爵府

積分: 7125

9^#

發表於 13-5-15 13:55 |只看該作者

我剛同我工人講左吾續第3份約，本來我都有少少不安，但我見你個姐姐同我個一樣，除左我工人吾為食，而愛心就絕對無，因佢完全無心對我女，見你個工人有招呼你都想吾要佢，我先釋懷d，知道我吾續佢係啱，但如果我係你，工人對我仔女有心機，我會好頭好尾，不過可能你比1個月佢走佢仲開心，斷約都大把人請！你吾洗諗佢慘的！