大仔大女媽媽會 今日: 0|主題: 177860

Sirlam 寫道:
係有方法架, 就係日間瞓覺時間只係 2.5 - 3 小時, 咁 bb 就會係夜晚一覺瞓到天光.

一仔都係咁架~

MashiMaro 寫道:
你地BB夜晚會唔會一覺瞓到天光 ?

灝灝通常一晚都會醒幾次(2/3次),
雖然次次都係俾奶咀佢就又瞓返,
但我要返工,
日日都好眼瞓, 成隻熊貓咁返工 :-( :-(
有無方法令BB好瞓D呀 ~~
佢通常 before 10pm瞓, around 7am起身

有人提議叫我夜晚俾灝灝工人揍,
但我又唔捨得,
因自從灝灝同我一間房 (佢瞓BB床),
佢夜晚要我多過工人,
個刻又好開心好冧,
點算 好矛盾

Sirlam 寫道:
係有方法架, 就係日間瞓覺時間只係 2.5 - 3 小時, 咁 bb 就會係夜晚一覺瞓到天光.

一仔都係咁架~

w_y 寫道:
1. 長痛不如短痛: 戒奶咀; 否則以後有排受.

2. 日間小睡雖然只有三小時, 但間隔可作調整; 如果我無理解錯, 即係朝早/中午食完奶就差不多即時瞓. 咁佢中午果轉瞓完要頂到成夜晚 10 點先有得瞓, 已經 overtired. 一瞓落床就 deep sleep, 反而好易半夜再醒. 可以考慮: 朝早食完奶玩 1-2 hr 先俾佢瞓一陣. 中午食完奶亦唔好俾佢瞓, 要佢頂到至少 3/4 點打後, 可以瞓 2-3小時, 醒左先俾佢頂到 10 pm.

我唔知呢 d 方法對你 work 唔 work, 都係跟書本教......只係一時間要扭轉佢睡眠習慣並唔易, 要逐步來.

heiheiw 寫道:
[quote]
MashiMaro 寫道:
你地BB夜晚會唔會一覺瞓到天光 ?

灝灝通常一晚都會醒幾次(2/3次),
雖然次次都係俾奶咀佢就又瞓返,
但我要返工,
日日都好眼瞓, 成隻熊貓咁返工 :-( :-(
有無方法令BB好瞓D呀 ~~
佢通常 before 10pm瞓, around 7am起身

有人提議叫我夜晚俾灝灝工人揍,
但我又唔捨得,
因自從灝灝同我一間房 (佢瞓BB床),
佢夜晚要我多過工人,
個刻又好開心好冧,
點算 好矛盾

mansonwai 寫道:
MashiMaro

細佬文都係一樣. 由出世到 e+ 都會一晚有 2-3 次要搵我
佢分別係 10:00奶, 1:30 / 2:00 奶, 5:30 / 6:30 奶

呢幾日, 細佬文成日要跟我出去做野.
我近日出去差不多 6-8 個鐘.
佢係街 only 可以 sleep 20 分鐘 to 半個鐘
呢幾日佢 1:30 奶之後就可以 7:00 奶
好似好左小小.

唔知佢係米辛苦左, 所以好訓左 D

Mandy

w_y 寫道:
Mashimaro
唉...個個人湊 bb 都有佢自己一套, 我未生已經買定奶咀 '招呼' 佢, 但點知佢自己唔鍾意食, 咁一直都無食囉. d 人又成日話做乜唔俾佢食奶咀呀? 吮手指唔好呀咁...但我睇完一本我信任的書所講, 就真係唔俾好過俾, 而吮手指問題, 亦唔係好嚴重, 因為引開佢注意力就可以.

書話用奶咀氹 bb 瞓係好容易會令佢越來越倚賴奶咀, 半夜將會成日醒, 同你地所講情況完全吻合. 如果你信, 咁本書建議

1. 無論如果, 點都要 1 yr 前戒 (全面戒添), 否則以後幾年, 都咪使旨意有好日子過. :-( :-(

2. 最快的方法, 係由佢半夜喊. 佢喊, 千祈唔好抱, 唔好同佢講野, 拍下佢就算; 每次隔 10 min 先去睇下佢, 第二次就隔耐 d, 第三次又隔耐 d (咁係為左唔好等 bb 以為一喊就得逞, 會惡性循環), 當然呢個方法係好痛苦架, 要等你地假期, 同埋 bb 身體狀況好先得. 你預要三幾日架.

3. mild 少少, 你照俾奶咀佢, 但吼佢一想瞓, 到咁上下, 要拔返出來, 其實唔係反對小 bb 用奶咀, 只係反對含住奶咀瞓, 就係為左避免佢養成半夜搵奶咀的習慣. 總之見佢瞓左就要拎走.

4. 點解成 8 個月日間都係話要瞓就即刻瞓, 因為佢之前一晚半夜醒過幾次, 睡眠品質唔好, 所以第二日咪好累. 呢個亦係惡性循環. 幸好日間一般都有固定食奶, 休息時間表, 情況就無惡化咋. 有 d 人朝早無叫醒 bb 食早奶, 咁就會好大鑊: bb 將會日夜 din 倒 正常到 8 個月, bb 可以控制一下唔使日間即時瞓, 尤其有好多新奇野吸引佢的話 (eg, 去街, 新玩具, tv 等)

5. 其實為左 bb 同大人有覺好瞓, 最好俾佢自己一個房, 但香港真係唔係個個家庭容許. 有時唔好話 bb 喊嘈住大人, 而係大人一般都夜瞓, 騷擾住佢就真.

6. 另外就係臨瞓果餐奶, 而家佢地係 little baby 唔係 infant, 呢餐奶唔好俾到佢好飽, 否則消化唔來, 半夜一樣易醒 (但呢點唔似係你個 bb 的問題)

我可能好彩 dd, 又或者本書真係work, 暫時都未見有大問題, 真係由一個月未到已經可以一覺天光, 除非係日頭去左街, 打亂左個瞓覺時間表...試過一日係由 11 am 打後佢都無 sleep 過, 果晚 10 pm 瞓, 點知真係淩晨 1 點起左身呀 (overtired 的後果) 所以唔係話絶對唔俾 bb 日間 nap 就掂, 仲要配合埋時數, 同埋間隔; 仲要靈活, 有時佢中午玩得太激, afternoon nap 又可以俾佢長少少, 總之就係: 主要跟規則, 偶然要執生.