吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 為咗生唔生呢個問題搞到好唔開心

夫婦情感今日: 2|主題: 42786

收藏本版

發帖

返回列表

跳至頁

查看: 852 | 回覆: 11

為咗生唔生呢個問題搞到好唔開心 [複製鏈接]

友子蜜

男爵府

積分: 6261

畀面勳章 BK Milk勳章

1^#

發表於 13-6-2 19:19 |只看該作者 |倒序瀏覽 |打印

我同c6係新婚，未婚前大家共同思想係生馬b, 但係結婚後，而家可以開始追馬b,c6又話想買咗層樓先再諗，但其實我地已經有層三百幾呎既樓仔，係就係細d, 不過就算兩大一細住都叫夠住（起碼我覺得），但佢心目中起碼要兩房兩廳六百幾呢先叫夠住！然後又話我脾氣唔好，成日都＂敏＂姜咁，生咗脾氣只會更差，大佬呀，咁既天時熱到飛起仲要係條街左行右行買餸煮飯俾你大爺食，心情想好都難！而家搞到好似全部問題係我到咁！連行埋既心情都冇，新婚已經咁，點算？

0 0 0

私人傳訊

wewewetbb

大宅

積分: 1088

2^#

發表於 13-6-2 19:33 |只看該作者

引用：我同c6係新婚，未婚前大家共同思想係生馬b,

原帖由 友子蜜 於 13-06-02 發表
我同c6係新婚，未婚前大家共同思想係生馬b, 但係結婚後，而家可以開始追馬b,c6又話想買咗層樓先再諗，但其 ...

如果你年紀仲輕，都可以遲下生嘅。生BB本來係開心事，唔好為呢d嘢傷感情啦

私人傳訊

Nancy20090615

瑪瑙宮

積分: 138740

3^#

發表於 13-6-2 19:37 |只看該作者

煮到咁炆, 出去食啦.

私人傳訊

小manman

翡翠宮

積分: 87072

4^#

發表於 13-6-2 20:26 |只看該作者

回覆：為咗生唔生呢個問題搞到好唔開心

乜咁似我老公既，我地拍拖個陣不嬲都有共識婚後會生bb，到結婚後我地就傾好話過兩年二人世界先，但點知結婚年幾後，我開始同佢傾生bb的問題，佢就話都未夠兩年，我話都差唔多喇，唔係你話生就生，但佢就話遲下先，到兩年我再提出佢就話想買左樓先，但我又唔覺得佢真係有行動買樓，佢話依架租樓住得幾好，住下先，買樓唔通買棵菜，我心諗咁即係點呀？？唔使生呀？？自此我地耐唔耐就為生bb的問題有意見，之後樓價升，個業主見好價賣樓，我地被逼遷，所以逼住我地要買樓，安頓好後，我見佢仍然無主動提生bb，我就出聲問佢想點，佢就多多藉口，我火都黎埋，但我問佢係咪唔想生，佢又答想，我問佢係咪未有心理準備，佢又話唔係，咁我問佢即係點，佢就話佢一定會生，我問佢幾時，佢就話唔好逼佢，講多兩講就話份工唔穩定，我話已經出左memo話升你職，咁都叫唔穩定

我話如果好似你咁諗，咁成世都唔使生喇，我亦有同佢解釋過，我地年紀越大生育能力就越低，唔係你想生就生，但佢講講下又係好似你老公咁，話我見人地生我就話要生，生bb係一世的責任，唔係人有我就要有，跟住就話我容易發脾氣，唔夠成熟，我當時已經講到好忟，咁即係點呀？？所以我好明白你感受，之後我係背後做左好多野，我自己睇中醫調理身體，又量體温，起碼自己了解左自己身體先，跟住我又唔再好似之前咁比壓力佢，我就發覺佢態度開始軟化，當我check到有左時，佢驚喜到唔識比反應，佢第一時間同我99報喜，之後佢開心到周圍話比身邊朋友知，咁你話我老公係乜野心態呢？？

私人傳訊

友子蜜

男爵府

積分: 6261

畀面勳章 BK Milk勳章

5^#

發表於 13-6-2 23:13 |只看該作者

引用：乜咁似我老公既，我地拍拖個陣不嬲都有共識

原帖由 小manman 於 13-06-02 發表
乜咁似我老公既，我地拍拖個陣不嬲都有共識婚後會生bb，到結婚後我地就傾好話過兩年二人世界先，但點知結婚 ...

係呀，同你老公一樣，你地既對話我地都完全經歷過，答案都一樣！佢係大公司做咗五年，穩定到不得了，佢都可以話唔穩定，因為佢話而家份工做都悶，想係未來一兩年內轉份工，所以唔穩定。

要買過層樓，但又話貴，而家入市唔抵，咁我話放而家層樓出去當換樓，高買高賣冇唔抵，佢答白痴都知跌梗啦，賣而家層樓咪唔抵囉！我話即係又唔買啦？佢答，買，不過等個市回返先！我心諗，白痴都知高賣低買啦，咁你要做到先得架！

之後又搬埋香港教育制度出黎，又政治咁最後話生個細路出黎害咗佢，咁我話係咪即係唔生？佢又話只係唔生住，一個家一定要有小朋友先完整，所以遲d生！大佬呀，教育制度十年八載內都唔方有改善架啦，咁我真係唔明遲d生就唔係害b？然後佢解釋唔到就話我燥，點可能做到媽媽，更住走咗去話俾我冷靜下

我就火到燒死自己咁，男人真係唔知佢想點

私人傳訊

Joball

公爵府

積分: 26605

6^#

發表於 13-6-2 23:24 |只看該作者

引用：Quote:原帖由+小manman+於+13-06-02+發表乜

原帖由 友子蜜 於 13-06-02 發表
係呀，同你老公一樣，你地既對話我地都完全經歷過，答案都一樣！佢係大公司做咗五年，穩定到不得了，佢都可 ...

其實生仔真係要雙方準備好,
任何一方未準備不好,
只會苦了BB，賠上婚姻!

E度除了多小三post 就係兩夫妻為湊B、99 和經濟問題開post!
未生已經有爭執，何況生左?我有朋友生仔半年嘈到分居!
慢慢勸佢，達成高識la!
我三十四都生得出la, 驗下身先，冇大問題就大家有共識先生la

私人傳訊

小manman

翡翠宮

積分: 87072

7^#

發表於 13-6-2 23:27 |只看該作者

引用：Quote:原帖由+小manman+於+13-06-02+發表乜

原帖由 友子蜜 於 13-06-02 發表
係呀，同你老公一樣，你地既對話我地都完全經歷過，答案都一樣！佢係大公司做咗五年，穩定到不得了，佢都可 ...

真係極飲，總之就諸多藉口，只係藉口唔同，我都經歷過你地呢個階段，我個陣極唔開心，我情願佢直接答我唔想生，咁我可以選擇接受，疊埋心水唔生，又或者選擇離開佢，搵過一個想生bb的男人，但佢把口話想生，問佢係咪未有心理準備，又話唔係，問佢咁究竟幾時，佢又答我唔到，我個陣直頭火到話佢咁即係你話哂事姐，你話幾時就幾時，連想幾時生都唔話我知，我完全係被動既，家陣你話點就點呀？？