Re: 好辛苦
逸仔契媽寫道:
如果佢真係呃你話去傾生意但唔係既,你都擔心唔到喇,係咪?放鬆d喇,俾d空間大家,你唔需要每一分鐘都諗佢做緊d咩,只要你知佢係去左傾生意,咁就得喇,其他既野你想理都理唔到,佢傾生意都係為份工,咁打工係為咩呀?都係為左俾好既生活你,所以你要體諒佢,唔好為咁小事而鬧交,知嗎?
_____________________________________
好應同呀!兔兔小寶貝真係唔好唔開心啦!其實我想講我個case俾你知,我以前仲慘過你呀!0個時我老公同朋友夾份開0左間網吧,我當其時仲大緊肚,都成六個月啦!我晚晚都等到三更半夜老公都未返,但我真係一個電話都冇打俾佢架!只係等佢打俾我,因我知佢做網吧真係好忙,尤其是越夜越多生意.
有一次不幸的事情發生0左 :-( 我個晚突然肚痛,但老公又唔係身邊,可能我當時又第一胎關係,唔知點處理,以為好小事,就忍住痛照目訓覺,等到四點鐘老公終於返,我同老公講,佢當時已經好勀,佢話應該冇事0既,BB轉身攪到你痛姐!我就只好信佢照目訓覺,因佢早上仲要返公司做0野,我明白佢真係好辛苦,打兩份工真唔容易架! 
早上我起床時,惡夢就開始,我下身流血呀!~~~~ :-( 
我知一定有唔好的預兆!我立即叫醒老公,即刻去醫院,可憐的我最後因早產BB救唔返! :-( :-( :-(
從始之後老公唔做網吧啦!佢話好內疚,話好對唔住我同BB,而家我已經係兩個孩子的媽媽啦!過住好幸福快樂的生活,老公一放工就返屋企倍我和小朋友 
(所以凡事唔好睇得咁灰,明天會更好0麻! 
)
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.
發表於 
返回列表
