吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 終於遇到個幫到仔仔的中醫

嬰兒醫護今日: 0|主題: 79146

收藏本版

發帖

返回列表

跳至頁

查看: 34622 | 回覆: 406

終於遇到個幫到仔仔的中醫

[複製鏈接]

12 3 4 5...21

laiyuet

別墅

積分: 969

1^#

發表於 11-3-25 14:16 |只看該作者 |倒序瀏覽 |打印

仔仔自從歲半因得過扁桃腺炎接住手足口入住醫院，服用過大量的消炎藥同埋抗生素後，抵抗力漸漸變得好差，經常發燒。發燒原因包括喉嚨發炎、傷風感冒、腸胃炎等等，每次發燒都系高燒，高至39度尾至40度以上都有，而且發燒次數越來越密，由最初每個月發燒一次，到最近密至每個星期一次。我同老公都感到好無奈同無助，唔知可以點。我哋都畀仔仔搞到精神緊張，每日起身第一件事同埋臨瞓前最後一件事多系度溫度。

平時婆婆照顧仔仔已經好無微不至，食物同清潔方面都好小心，我亦盡自己能力全人奶餵佢至8個月大。系BK聽d 媽咪話食蟲草、飲司覺脫橙汁、麥盧卡蜂蜜等等有助提升抵抗力的我都有試過，但都毫無幫助。歲半前仔仔都好少生病，感覺系食過大量抗生素同消炎藥後身體差咗。但每次發燒，無論咩問題，醫生必定開抗生素同埋消炎藥，每次都要睇3-5次醫生先好得返，食3-5次療程的藥，一個惡性循環，越食身體越弱，身體弱了又容易病，結果食得越密。

直至最近一次仔仔又再發燒，經朋友介紹去睇咗中醫師余健楚，佢開咗3日退燒藥畀仔仔，佢好有信心同我哋講好快可以退到燒，通常3日藥都唔使食曬就會好返。仔仔食咗兩次後仍未退燒，後來我哋打過幾次畀醫師問佢應該點處理，每次醫師都耐心咁同我哋講應該點處理，最後叫我哋臨瞓前畀仔仔食兩包藥，蓋好被，局一身汗明早就退燒。果然，仔仔睡了終於出汗，燒退了，之後都冇再燒返。通常西藥食完都會反复再燒返，但中藥食完退咗燒就真系退曬冇在反复，雖然唔知咩原因燒，但之後真係好返曬冇事。

而家我有再帶仔仔佢睇余大夫，不過系幫仔仔調理身體，希望可以改善佢體質，增強抵抗力同埋預防流感。Touchwood到而家兩個多星期，仔仔溫度都正常，真係多得余大夫。

余大夫寫咗一篇文章關於小朋友體質的，各位媽咪不妨睇睇，我覺得我仔仔的抵抗力正正如余大夫所說，被抗生素同消炎藥消滅。http://www.cptcm.com.hk/mednews/child_health.jpg

0 0 0

私人傳訊

第二任媽媽

伯爵府

積分: 16212

2^#

發表於 11-3-25 15:19 |只看該作者

原帖由 laiyuet 於 11-3-25 14:16 發表
仔仔自從歲半因得過扁桃腺炎接住手足口入住醫院，服用過大量的消炎藥同埋抗生素後，抵抗力漸漸變得好差，經常發燒。發燒原因包括喉嚨發炎、傷風感冒、腸胃炎等等，每次發燒都系高燒，高至39度尾至40度以上都有，而且發燒次數越來 ...

請問妳這位醫師係邊區呢 ? 中藥是沖藥粉或早要煲?
每次診金多少呀 ?

thanks!

點評

il5544 adv. ?? 發表於 11-9-20 14:25

私人傳訊

源源

別墅

積分: 671

3^#

發表於 11-3-25 18:57 |只看該作者

我都想知呀...謝謝

私人傳訊

laiyuet

別墅

積分: 969

4^#

發表於 11-3-25 19:36 |只看該作者

余大夫的診所系尖沙咀，佢d藥系冲的，味道比較容易被小朋友接受。初次診金90，複診系50，而每日藥就系68蚊，價錢都ok。有需要我可以pm佢架contact 畀你。

原帖由 第二任媽媽 於 11-3-25 15:19 發表

請問妳這位醫師係邊區呢 ? 中藥是沖藥粉或早要煲?
每次診金多少呀 ?

thanks!

私人傳訊

TTCC

大宅

積分: 4015

5^#

發表於 11-3-25 20:52 |只看該作者

可否PM個contact 俾我。。。thanks

私人傳訊

laiyuet

別墅

積分: 969

6^#

發表於 11-3-25 23:50 |只看該作者

已經PM 咗畀你，希望佢都幫到你啦。

原帖由 TTCC 於 11-3-25 20:52 發表
可否PM個contact 俾我。。。thanks

私人傳訊

rainbowbbc

大宅

積分: 1189

7^#

發表於 11-3-26 10:57 |只看該作者

laiyuet,

pls also PM to me, I still cannot find a good Chinese doctor who is suitable for my kid for years. thks.

私人傳訊

amazing

伯爵府

積分: 17128

8^#

發表於 11-3-26 11:43 |只看該作者

Can you pm me also? Thank you very very much.

私人傳訊

hudsonchui

珊瑚宮

積分: 111602

2025勳章 2025勳章蛇年勳章 2024年龍年勳章 2018復活節勳章畀面勳章 wyeth冷知識勳章 DHA勳章

9^#

發表於 11-3-26 11:44 |只看該作者

我個女都係睇中醫，都有成年無食過西藥，我個女由細到大，至而家6歲幾，都係至少一個月燒一次架，快既話就3星期到，我個女就算好高燒，我都唔比退燒水，有一次，我個女好高燒，食左我個中醫2次藥，居然第二朝退晒燒，我估都估唔到咁快！以前我個女燒親都起馬3-5日，而家好多時1-3日內就會退晒架喇！

我都buy中醫多些，真係成日發燒，食抗生素同退燒藥真係食到弱晒

私人傳訊

smfy

別墅

積分: 798

10^#

發表於 11-3-26 13:02 |只看該作者

laiyuet

Can you pm the contact details to me also? Thank you very much.

私人傳訊

Pomun

複式洋房

積分: 387

11^#

發表於 11-3-26 14:42 |只看該作者

Please PM me, thanks

私人傳訊

波蘿包1

子爵府

積分: 12598

12^#

發表於 11-3-26 22:45 |只看該作者

我個仔又係好易病,又唔想阿仔食咁多西藥,前2日阿仔燒左2次,2次都只係幫阿仔沖涼焗汗好快無事都無睇過醫生

私人傳訊

laiyuet

別墅

積分: 969

13^#

發表於 11-3-27 18:00 |只看該作者

我都真系睇西醫睇到好怕，阿仔而家2歲4個月大，過去9個月入過3次醫院，睇過接近30次西醫，次次醫生都開抗生素咁制，有時明明個醫生都話抗生素幫唔到阿仔，但佢都照開。好似之前仔仔有手足口，醫生講明冇藥可以醫手足口，系要靠自己，但都照畀佢抗生素。

每次有咩都要睇好多次醫生先好，我問醫生點解咁耐都未好，醫生就話而家d菌越來越惡。其實諗身一層，與其話系d菌越來越惡，我覺得更加可能架系仔仔食得西藥多，身體越來越弱就真。如果大家的小朋友都系經常睇西藥，而且睇得越來越密又成日唔斷尾，不如試下中醫，始終中醫用藥都比較天然，感覺冇咁多副作用。

其實睇余大夫之前都睇過兩個中醫，不過夾唔到仔仔。第一個系我之前系中環睇開的蔡x達醫師，以前一直都覺得佢幾好，佢亦都幫到我一d西醫認為醫唔到的問題。可惜最近佢好似越來越求其，冇咩心機睇症咁，而且仲請咗d成日遊魂的大嬸接電話同執藥。兩次帶仔仔佢睇佢，兩次失望的經歷。第一次我同佢講仔仔成日發燒傷風感冒，佢話可以開d防流感的藥，之後我又多口問句我仔仔小便頻密的情況，而且唔係好忍到尿，蔡醫師話5歲前有咁架情況都唔算遺尿，問題唔大。因為果日敢時間，冇即時拿藥，之後老公先去拿返。個大嬸畀咗個用咖啡杯裝住的藥粉，話系防流感藥，拿返屋企之後，我打電話去問如何服用同埋其他詳情，大嬸咩都話唔知，話要問返醫師遲d覆我，但最終都冇覆到，我之後幾日再打過幾次，終於佢問到醫師啦，但竟然話我聽d藥粉唔係防流感藥，而系要來醫我仔仔成日忍唔到尿的，防流感藥要再另外開。唉，究竟醫師有冇聽到我仔架問題呢！

再另一次，果日仔仔發高燒，我因為啱啱生完第二個bb仲系醫院，老公自己一個再帶仔仔去睇蔡醫師，因為佢話過中藥退燒好快的，比西藥更快更徹底，但呢次架經歷令我哋對佢徹底失望。醫師開咗好多藥，話仔仔肺熱等等，而每日竟然要仔仔飲6碗藥。有冇搞錯，要一個2歲3個月大架小朋友一日飲6碗藥，大人都飲唔到啦，飲到都嘔死啦。無論如何，因為仔仔成39度多，老公好亂好擔心，照煲藥畀仔仔飲，亦都再次打去蔡醫師問清楚系唔系真系一日飲6碗，醫師都話系，結果仔仔飲到第二碗就嘔到七彩。仔仔因為畀太多的中藥折騰，溫度繼續上升，去到成40度。正系仁安留院的我擔心到不得了，最後叫老公帶埋仔仔到仁安睇急症，之後仲入住埋院。

之後我都唔再相信蔡醫師，我上BK睇到d 媽咪話田醫師好，又帶仔仔去睇過佢。田醫師真係好細心耐心幫仔仔睇症，可惜都系夾唔到仔仔，系飲緊佢開家藥期間又再次發燒，所以我又再繼續周圍問人有冇好架醫師介紹，問咗幾個諗住逐個試，好好彩遇到余大夫，佢真係幫到我仔仔。

其實無論睇中醫或者西醫，最怕遇到d 冇耐性同埋十問九唔應架醫生。因為我哋作為媽咪，平時幾醒都好，小朋友一唔舒服就會傻曬，成日問d蠢問題，好多冇耐性的醫生都費事答你或者言語間寸你唔知。睇余大夫時，我同我老公都重複問過好多蠢問題，余大夫雖然年紀輕輕，但都非常耐心咁解答我哋架問題。當仔仔食過兩次退燒藥後仍未退燒，當日系星期六的夜晚，我同老公打過幾次電話問余大夫應該點處理，佢都不厭其煩解答我哋，教我哋點樣處理。

原帖由 hudsonchui 於 11-3-26 11:44 發表
我個女都係睇中醫，都有成年無食過西藥，我個女由細到大，至而家6歲幾，都係至少一個月燒一次架，快既話就3星期到，我個女就算好高燒，我都唔比退燒水，有一次，我個女好高燒，食左我個中醫2次藥，居然第二朝退晒燒，我估都估唔到咁快！以前我 ...

[ 本帖最後由 laiyuet 於 11-3-27 19:20 編輯 ]