興趣嗜好今日: 0|主題: 124474

收藏本版

發帖

返回列表

跳至頁

查看: 2228 | 回覆: 30

[手機] 氣!!給想要買或已買Samsung的人，Samsung保養保什麼!? [複製鏈接]

katrinab

民房

積分: 8

1^#

發表於 13-7-4 23:31 |只看該作者 |倒序瀏覽 |打印

本帖最後由 katrinab 於 13-7-5 12:00 編輯

要買Samsung Note 8.0或Samsung其他機的人自己想清楚。自己跌壞就一定不保，但原來不是自己弄壞的也只能報價維修(用家出)，就算你真的能証實不是你使用不當。

1. 售出後零件發現有問題 ->Samsung:售前不可能看不到，所以是你人為損壞，要修只能報價
2. 找公證行檢查 -> 只有Samsung拆開的機才能繼續有保養。就算是發現是原廠問題也一樣。
3. 只初步看，未詳細檢查已咬死是用者人為損壞，排除任何其他可能

原廠零件或設定上有問題，而導至“正常使用“下發生故障，Samsung Hong Kong只能作出報價，或和總公司商討，但不一定會負責

請大家耐心看完再作評論
－－－－－－－－－－－－－－－－－－－－－－－－－－－－－－－－－－－－－－－－－－－－－－－
新買不到10天的Galaxy Note 8.0 香港行貨平板，睡覺前放在桌面(我一個人住，所以無其他人搞過)，第2天早上中間的TNT層離奇爆了，可是表面的PLS 面板卻完全沒花沒壞(由內面壞)…現在關著看起來完全沒花沒壞，可是開機後，會看到裂痕。Touch功能完全正常。

屋企人去左Samsung，佢只係入去俾師傅望左一下，都未詳細Check機佢地已經一口咬定係用家(我)人為損壞。根本唔係我用壞，我當然理直氣壯同佢地講，佢地D Customer Service (以記名)都只係不停話係人為損壞，完全否認會係出廠零件不良概可能。之前已做足功課，知道了會做成這個問題(Mon 由內面裂開,出面無裂)的可能有幾種，同Customer Service 講，佢都係一直重覆話以佢經驗，一定係人為問題，要報價。但問佢有無其他人有同樣經驗，佢就話好多人都爆Mon，我問佢有無Note 8.0係跌/撞壞，內面爆出面唔爆,佢就話部機新，仲未見過咁概例子，但如果有，韓國總公司一早回收左。(這是什麼道理!?）

我問佢地如果Prove到唔係人為問題，個Customer Service 都係話唔包，總知零件有問題就唔關佢地事，如果係有問題，買個陣就要Check到(那怕是機內的零件?)，Check唔到概話，之後有問題都唔關Samsung事，就係要報價。

因為佢係Samsung維修自己查自己機，佢話咩就咩，而且都左佢手會發生咩事都唔知，我想去公證行Check。所以問佢，如果我先自費，請公證行去檢查，出黎概結果係原廠零件或設定上有問題，而導至“正常使用“下發生故障，Samsung Hong Kong會負責嗎？Customer Service 回覆，係出面非經Samsung 維修打開過部機，公證行也好，就算真是原零件，也一律保養失效，也不會賠償檢查的費用。意思就算Check到係原機有問題，都只能報價，或反X給總公司。

之後無論點講，佢都話"點睇都係壞左零件，都一定係要報價“。佢報優惠價$1400(相比Galaxy Note II 或S4黎講其實算便宜)。其實我長途電話傾左成1個小時14分鐘($$$)，加上速遞都已經出左一堆錢，個$1400真係唔多，差點想就咁算，但想到買部Phablet返黎係開開心心，無啦啦壞左，明明唔係自己錯，卻得到這樣的結果，真的很氣。我不介意先出資去第三行驗機，但回覆竟然是這樣！？

因為網友都話要記得錄音，所以都錄左2個30分鐘的對話(有預先同佢講左)。頭先打左去Apple Daily 初步Report左，希望等佢地Reply。今晚再唸下點Send Email 去Samsung 韓國總部投訴。聽日打去消費者委員會問問可以點(對政府部門期望不大）。搞落去係100%為左淡氣，以後買Samsung都真係要預左佢無保養。
7月25日更新－－－－－－－－－－－－－－－－－－－－－－－－－－－－－－－－－－－－－－－－－
其實唔去Samsung驗係因為，Samsung驗機係搵有人為損壞概痕跡，就算搵唔到有人為損壞，只搵到有零件損壞，佢地只會推係使用不當造成(就算無證明係你使用不當)。去公證行證明到概只係有無人為損壞，如果真係由撞擊造成概，肉眼望落無花，係顯微鏡下，一樣會見到微痕。而家其實怕如果真係Check到係非人為導致內部零件損壞引起，Samsung個邊到會推係使用不當造成。咁就算上小額，50／50，都會係疑點利益歸被告(Samsung)。

打過去朋友識人概公證行問，佢地不建議做檢驗，理由是收費遠大於賠償。另外好似仲有法國概公證行(可以打名嗎？)有做，個價可以買幾多部Tablet。都係要自資出。想係小額錢債審裁處申訴，排期，上庭，時間同精神上損失太大(我12月先會返香港)。現在只有去消費者委員會投訴，睇下佢地有咩提議。同時等水果報消息，如果佢地肯出資比我去公證行，咁就做得過。