心聲留言今日: 3|主題: 17518

收藏本版

發帖

返回列表

跳至頁

查看: 728 | 回覆: 8

人生總出現煩惱？！ [複製鏈接]

Ccclove

洋房

積分: 60

1^#

發表於 13-6-23 16:06 |只看該作者 |倒序瀏覽 |打印

有健康同感情問題，有點長，只想呻下！

人點解總會不斷出現煩惱？
家庭、工作、愛情、友情，太多需要顧慮到既問題存在！
究竟係自尋煩惱，定係煩惱自己搵上門？

或者我係一個敏感，神經質既人，成日太多野諗。思想上往往偏向悲觀。
朋友都會叫我「順其自然」，但尼四個字隨口講可以好簡單，不過做到既人又有幾多？

細個諗住將來要開心快樂生活、唔需要太富有，但心靈一定要滿足幸福，平平淡淡搵個錫自己既人結婚，擁有自己既小朋友，睇住佢地長大結婚，同自己另一半索手終老！諗落其實幾美好！

但命運既野係會改變，偶然捐血發現左自己係乙肝帶菌者，（全家都無，係得我有！）
當時喊到豬頭甘，十足十世界末日。
原來好心為左幫人，係會連累到自己。（血液直接接觸）
當時怨個天點解係我生命中整左個污點比我？
往後我將所有野都變成悲劇化諗法。

但日子長左慢慢就接受左尼個問題，重新建立信心去生活。
當自己決定收心養性，拒絕所有愛情。但個天又安排左一個人既出現！我將所有野坦白，亦拒絕過佢，佢不介意亦始終堅持，為左我特登去檢查身體，證明自己係有抗體，之後又怕我唔放心再比錢打多次加強劑。
佢雖然不懂口花哄人，但會不斷講實際將來既生活。

係尼種兩極既抗衡心理下，有種患得患失既感覺。尼種感覺好可怕、好可怕！我恨自己既身體，但又好驚究竟我會唔會影響到佢？每次都好神經質，我係咪應該狠心逼佢走？事實上我每次都會講笑叫佢不如搵個更好，出面大把好既，佢就會好嬲。
其實我心裡面都係唔想失去尼個人。只不過係在乎佢，顧慮佢，怕影響到佢以及佢既工作。

近排有親密行為，之後出血，去醫院check到子宮頸有粒息肉，唉〜雖然朋友都話好普遍，好簡單手術就得。但係都會怕...點解自己既人生要甘坎坷？成日都要經驗甘多唔開心事？

到底係自尋煩惱？定係個天考驗緊我？

0 0 0

私人傳訊

yan02

子爵府

積分: 10645

2^#

發表於 13-6-24 17:11 |只看該作者

本帖最後由 yan02 於 13-6-24 17:13 編輯

回覆 Ccclove 的帖子

我們是凡人 ,必會有不同的煩惱 , 每個不同的人生階段都會遇到不同的問題

我們只會在問題中生長 , 煩惱也是一種考驗 ,只要你有勇氣戰勝它 ,一切都會過會的

你只是一時接受不到姐, 等時間漫漫淡化它吧 ,

當你真的入到醫院時, 看到其它人的病情比你更加嚴重時, 你只會感恩因你只是一場小病

人總要向好的一方想 , 這樣人才會活得快樂 ! 別再自尋苦惱了 , 放鬆心情, 活好當下 !

私人傳訊

simpleAA

伯爵府

積分: 16492

2024年龍年勳章牛年勳章

3^#

發表於 13-6-24 17:24 |只看該作者

回覆 Ccclove 的帖子

每個人都有不同程度嘅煩惱，因為我哋諗野比較負面，才突出我哋問題嘅嚴重性，我都有許多許多問題還未解決，亦非我控制之內，有時諗，如果問題發生在我自己身上有多好，起碼自己能積極面對挫折，我嘅痛苦可能減少一半，但如今坐以待弊。

你乙肝雖然仍有，但起碼男朋友錫你，做哂措施，算是暫時解決咗這問題，唔好再為此事唔開心，另外粒息肉，有得醫就積極面對，事情好快就會過去，加油